¹ ɩshele ɩnʋn kaŋkǝm na, Ananiasɩ basaaraalaaja banɖiyar, na baŋono n'ʋsoro ɖǝn batɩyɩɖa nɩ waa: Tɛrlul ayɔ bʋleibʋkʋtǝŋkǝr bace kɔmɩɖasul atɩna ciu na Pɔɔl. ² Bayɩɖa Pɔɔl akpa ma, na tɛrtul asǝba na ciu na nɩ, na lǝ waa: ³ Arɛbʋmbɔnɔ ƒeliisi, ʋpala gɩɖa ʋɖaʋ ʋŋǝrǝ ƒɛɛ, n'atasamaa anakʋma ʋpɛmpɛŋʋ nɖee ʋna lee nashee atʋ ma na gɩsaŋkɔɔ ayɔ akǝbʋcǝma. ⁴ Naa na paa kɔɔ n'akɩ ŋkǝm na, jɩ suuru, ntɩnyǝŋǝkɩ aɖʋ amʋ gʋtɔ akǝbʋcǝma nɩ, cǝi ŋgaɖee gɩ na yɛɛ gɩ lǝ ma. ⁵ Ʋsoro nɖe alee gʋmaŋga kʋ, na ɖʋ ʋpaɖʋ Yuɖaa kǝbaja bagɩcuca na ɖulinya nɩ, alee ka NAseree ka ɖiini abɔnɔ banɖiyar, ⁶ Apala atʋnyiŋu kaaƒala gakpa ajɩwa, na gɩ rɩ nɩ. Na yɛɛ gɩcǝm na nɩ ɩkǝma ɖaa atɩgʋpɔ gʋ lǝ ma. ⁷ Ama akǝmcǝmja lisiasɩ apɩ atɩ cam nɩ atanyɛ nɩ n'ɩkashɩ, ⁸ N'alǝ waa: Mbaɖee bana ciu na nɩ ma bapɩ akasul, galaŋ, akɩɩlopi taba nɩ naa rǝŋǝ bʋkɔɩ laŋ gɩ na ciu na nɩ ma. ⁹ Ŋkǝŋ na yuɖaa kǝbaja baɖʋ ganɔ na ciu na Pɔɔl na lǝ waa: ɩja nɩ. ¹⁰ Kɔmiɖa alɔ Pɔɔl waa: Alǝ bʋlei ma, na Pɔɔl alǝ waa: Yɔ waa: Bʋja tuutuuma, bʋnoo, akɩ na cǝm ɩkǝma na ɩshee samaa nɖe, ama, natamaa abʋmbɔnɔ na nna yɛɛ ma lǝ bʋlei alaa aŋgʋlɔ ncǝn. ¹¹ Kɩkana wu ɩshile tǝb-nɩ-nyɩʋ na nce Yerusalɛm ma lee Gaja bɔɔta. ¹² Kǝba ŋǝ amʋ ʋnyiŋu kaaƒala nɩ na kǝ baŋǝ amʋ sinagɔɔgǝ nɩ na, kǝba saŋkɔɔ ŋǝ amʋ mpa nɩ nna pikil basaaka waa: baɖoo baŋkǝm na. ¹³ Na kǝba sǝra aƒaŋa taalɩ nɖee nlee naa ba na ciu n'amʋ ma na. ¹⁴ Ntɩ lǝ akɩ ɩja waa: Atɩbaya, ba Gaja jɩ nna lee bɔɔtaɖaa ɩsim ma, n'ʋnyɩŋca ɩ ba na lǝ waa gʋmaŋga ma baŋuni bashee ɩja ɖaa gʋpa na annabi mana ba lǝ ma, ¹⁵ Nwǝɖa na Gaja tamaa ɖee, aɖaa bagɩlopi ma, waa ʋŋǝnu ʋɖa, mbaɖee baɖa ɖeiɖei na mbaɖee kǝ ba ɖa ɖeiɖei nama, ¹⁶ Gala na nna caarɛ aŋgʋlɔ na yɛɛ ma wǝɖa nɖawa nsoŋsono gawaka na nna gapaa wa amʋ Gaja na bɛrɛ naŋyɩɩ na. ¹⁷ Mmana aƒal bʋja tuutuuma , na ntɩ apɩ, ma lee samaa gʋjɔɔ naa alaa saraa. ¹⁸ Ŋkǝŋ na yuɖaa kǝbajaɩ baɖa Asii ma, baŋa amʋ ʋnyiŋu kaaƒala nɩ, amʋ ŋpɛmpɛŋɛ aŋgʋlɔ, kɩɩwala ayɩɖe na kɩɩsaŋkɔɔ na lee cukucuku na. ¹⁹ Maa bani banɩ ba pɩ atɩ na ciu n'amʋ akɩŋyɩɩ ɩta laƒʋjɩ waa: Bawǝɖa gaɖǝn n'amʋ. ²⁰ Kokoo ba lǝ mbɔnɔ nɖee nlee saa nɖee ŋyɩɖe yuɖaa kǝba kǝmcǝmja sul ma. ²¹ Nakɩlee ŋgaɖee kanɖǝnɖǝn ŋkuro baŋyɩɩ waa: Bakono bʋŋǝnu kaalei laŋ na ba cǝm n'amʋ ɩkǝma ʋrɔŋ ɖe anyɩŋyɩ na. ²² Celiisi ayɔ aɖiini ɖe kaa lei gɩshɛbɔ ma, na ataa atɩ n'ʋshile ʋƒɔlɩ, naa lǝ waa: akǝmcǝmja lisia ataɖoo na yerusalɛm apɩ boŋo naa yɔ anyɩŋgalei kanɖi. ²³ Na ashee ganɔ ɩsɔjashɩnʋn banɖiyar waa: atɔɔ Pɔɔl atɩ ɖʋ sarka nɩ, ama apala nɩ aɖa ƒɛɛ, apaa kǝl mbaɖee bana jeɖe nɩ kokoo mbaɖee ba na lee ntǝma na shee nɩ ma ʋnyɩŋca na. ²⁴ Ɩtɩ lee ɩshile ɩnyɩʋ ma, na ƒeliisi n'akar Ɖursil ba pɩ akar ɖe alee yuɖaa kaja na, na bayiɖa Pɔɔl. Na yɛɛ ayɔ ɖaa ba na wǝɖa ʋcine na Yeesu ma. ²⁵ Pɔɔl atɔɔ ɖeiɖei na gʋlɔburoka, n'ɩkǝmaɩ ɩnɩ tɩ pɩ ma kaalei na lǝ ma, n'asampǝna ɩkpa ƒeliisi, na alǝ Pɔɔl waa : Bɔ akʋlɔ aɖoo amasul naɩ, ntatɩ ŋǝ gayɛ ntɩ ma yɩɖa akɩ. ²⁶ Aɖetɩ saa waa Pɔɔl ashee nɩ ɩtanɩ galaŋ na ana yiɖa nɩ na ce na kǝwa. Na lǝ na nɩ. ²⁷ Bʋja bʋnyɩʋ kaŋkǝm, na baƒʋba kɔmiɖa, Pɔrkius ƒɛstus acam ƒeliisi, ama ƒeliisi ana yɛɛ ajɩ na yuɖa kǝbaja ma, n'apala Pɔɔl sarka nɩ.