¹ Pɔɔl atǝŋǝ agayɛ na yuɖaa kǝbakǝmcǝmja nakɩɖe tɩtɩ tɩ na lǝ waa: Ambawor basoro, n'ʋcine ʋsoŋsono na nsara Gaja kaŋyɩɩ halɩ n'ʋrɔŋ. ² N'asaraa laaja Ananiasɩ alǝ mbaɖee baɖa asǝla na nɩ ma, waa: Ba sǝ nɩ gʋnyɛ ʋlaŋɖa laŋ. ³ Na Pɔɔl alǝ nɩ waa; Gaja tɩ ga sǝ akɩ gʋnyɛ gboo, ʋɖa ɖaa ʋyariƒɔnɔ ma! ʋsǝ na cǝm n'amʋ ɩkǝma ɖaa gʋpɔ gʋlǝ ma, ama ʋɖoo gʋpɔ kaŋkǝm alǝ waa ba sǝ amʋ gʋnyɛ. ⁴ Na m'baɖee ba yiɖe asǝla na Pɔɔl ma, balǝ nɩ waa: Asaraa laaja abʋmbɔnɔ n'ʋʋ na lim gǝŋ aa! ⁵ Ŋkǝŋ na Pɔɔl alǝ waa: Amʋwor kǝ ma yɔ waa : Asaraa laaja abʋmbɔnɔ na gǝŋ na;Aɖʋ waa : baŋɔn waa;kagbɛɖɔ akɩɖe akasama aɖiyar ƒɔɩ na. ⁶ Pɔɔl ayɔ waa: Ba nɩ baɖe bawala ŋkǝŋ ma, saɖusi kǝbaja na ƒariisi mana bacǝkǝla na bawor ma, na alǝ kǝŋkǝŋkǝŋ ashee yuɖaa kǝbakǝmcǝmja waa: Ambawor basoro, ƒariisi n'amʋ alee ƒariisi ʋpur; bakono bʋŋǝnu katamaa laŋ na ba na cǝm n'amʋ ɩkǝma. ⁷ Alǝ gǝŋ ma, na ʋbɔbɔʋ ɖǝn ʋpɩ ƒariisi kǝbaja na saɖusi kǝbaja bagɩcuca, na samaa ayʋga agʋlɔ. ⁸ Aɖʋwaa: Saɖusi kǝbaja ba tɩ lǝ waa:ʋŋǝnu ɖǝn kʋɖa na , na malaɩka na ŋŋuro kɩɖa na, ama ƒariisi kǝbaja ba ni ba yiɖe waa:Ayɔkɔ ɩnyɩʋ ɖe ɩɖa. ⁹ Ŋkǝŋ na ŋkǝmprǝ mbʋmbɔnɔ nɖǝn nsǝba, ƒariisi kǝ na babɔŋɔnja baɖǝn batɔɔ galei gaɖe ata nabɔbɔ na bawor, naatɩ lǝ waa: kɩɩ caaŋǝ taalɩ ɖǝn ʋsoro nɖe laŋ na; ka yɔ na ŋŋuro nɖǝn kokoo malaaɩka ɖǝn alǝ ka na nɩ. ¹⁰ Ɖaa ʋrǝŋu na ma, kʋɖa bagɩcuca na ma, n'asampǝna ɩkpa akǝmcǝmja waa: Bɛrɛ baɖe bapaa tɩ lee Pɔɔl mbɔnɔ nɖǝn na, n'a lǝ ɩsɔja ba ce atɩ laa Pɔɔl bagɩcuca nɩkashe ace na sarka nɩ. ¹¹ Gijibɔŋɔ na nɖiyar Yeesu aƒaŋa Pɔɔl agʋlɔ alǝnɩ waa: kaŋkǝr akʋʋlɔ; Aɖʋwaa: Ɖaa ʋba sǝriya ashee amʋ Yerusalem ma gǝŋci alaa sǝriya Roma ni. ¹² Gaja gakʋɖa ma, na Yuɖaa kǝbaja baɖǝn baɖʋ ganɔ apǝracam na baa maakɔ nɩ waa; Baɖǝ kǝ ba gbɛɖɔ ba jɩ ʋjɩʋ kokoo ba nyem bʋto na, hali ba kǝ Pɔɔl acii. ¹³ Mbaɖee badʋ ganɔ gaɖe ma, batǝ ɖaa bɛrɛ ɩshɩnyɩʋ na kaŋkǝm. ¹⁴ Ŋkǝŋ na ba ce atɩ ŋǝ basaraa laaja kaɖibaja na baŋono, naa alǝ pɩ waa: atʋ, gɩkpeɖe naa pǝr ashee atɩgʋlɔ waa: ka gɩ jɩ ʋjɩʋ ɖǝn na halɩ gɩ kǝ Pɔɔl acii. ¹⁵ Galaŋ kʋla ma atɩ lǝ na Yuɖaa kǝbakǝmcǝmja ba laa ʋlomo akǝmcǝmja waa: Apɩ na nɩ anyɩŋyɩɩ, ɖaa ɩna yɛɛ yɛɛ waa: ɩpɛmpɛŋɛ agalei jɩ ayɔ gɩshɛbɔ ma, naa atɩ lǝ waa: Akpa ma , naa gɩ kǝ nɩ a cii. ¹⁶ Na Pɔɔl ʋnyeŋkapur arǝŋǝ bʋkɔɩ ba na yɛɛ ba lee manace atɩ lǝ ashee Pɔɔl. ¹⁷ Ŋkǝŋ na Pɔɔl ayiɖa ɩsɔjashɩnʋn banɖiyar alǝ nɩ waa: Tɔɔ ayiƒala nɖe ace na akǝmcǝmja Sul, awǝɖa gaɖǝn alǝ nɩ. ¹⁸ N'ɩsɔjashɩnʋn banɖiyar atɔɔ ayifala ace na akǝmcǝmja sul alǝ nɩ waa:Pɔɔl aɖa sarka nɩ ma, alǝ ka waa: Ma pɩ na ayiƒala nɖe akasul,awǝɖa gaɖǝn alǝ kɩ. ¹⁹ N'akǝmcǝmja ari ayiƒala ayʋnyɛ nɩ abɔ nɩ acǝ n'ʋpaŋpaŋa, ataba nɩ waa: Gapaŋa jɩ ʋwǝɖa alǝ amʋ? ²⁰ N'atǝlǝ ashee nɩ waa: Yuɖaa kǝbaja baɖʋ ganɔ na yɛɛ banyiŋǝ akɩ apɩ na Pɔɔl yuɖaa kǝbakǝmcǝmja baŋyu ɖaa ʋna yɛɛ yɛɛ apɛmpɛŋɛ agalei jɩ akiɖe ma. ²¹ Paa tɩ ɖʋ pɩ gʋtɔ na aɖʋwaa: Bɛrɛ ɖaa ɩshɩnyɩʋ na kaŋ kǝm ma, baɖʋ ganɔ apǝr ashee balɔ waa: Kǝ bagbɛɖɔ ba jɩ ʋjɩʋ kokoo ba nyem bʋto na hali ba kǝ Pɔɔl acii;nnyimǝ bakpeɖe balɔ aboŋo na saa na akasul kaaja. ²² Nákǝmcǝmja alǝ ayiƒala waa: Ashɛʋ, apaa tɩ lǝ ŋgaɖee alǝ ashe nɩ ma ʋɖǝn ayɔ jɩ na. ²³ Nákǝmcǝmja ayiɖa ɩsɔjashɩnʋn kaɖi baja banyɩʋ alǝ pɩ waa: kpeɖe ma, anyina lɔ, bʋkɔŋkɔŋɔ bʋriu bʋta kǝ, tɔɔ ma ɩsɔja gɩwa, n'ɩsɔjaɩ ba na sǝ ɩsuko ma, ɩshɩriu-na-tǝb naa atɔɔ ɩsɔjaɩ ba na nyɩm gʋta ma, gɩwa, naa ace sesaree. ²⁴ Naa ba yɛɛ asuko ashee Pɔɔl asǝ, naa ba ce na nɩ shɛlɛm kɔmiɖa ƒeliisi sul. ²⁵ Naa ŋɔn gʋbo ashee nɩ waa: ²⁶ Kulooɖi lisia arɛbʋmbɔnɔ kɔmɩɖa ƒeliisi nsalakɩ! ²⁷ ʋsoro nɖe, na yuɖaa kǝbaja ba ri na yɛɛ ba kǝ nɩ acii na ntɔɔ ɩsɔja atɩ laa nɩ banyɛ nɩ, na nrǝŋ waa: Roma kajana. ²⁸ Na yɛɛ ma yɔ bʋkɔɩ laŋ ba na ciu na nɩ ma , na nce na nɩ bá bà kǝmcǝmja sul ma. ²⁹ Na ŋŋǝ waa: Bagʋpɔ kanɖi laŋ na ba na ciu na nɩ, ama, ka lee mbɔnɔ nɖee nna faŋa waa: Acii kokoo baɖʋ nɩ sarka nɩ ma na. ³⁰ Na ntɩrǝŋǝ waa: Yuɖaa kǝbaja baɖʋ ganɔ na yɛɛ ba kǝl nɩ akǝ acii, galaŋ na ntɔɔ nɩ atǝm na ma ashee akɩ na lǝ abaciukanama waa: Bagɩlopi ba pɩ akasul atɩ lǝ na kɩ. ɩkɔɔ lee nƒɔlɩ. ³¹ N'ɩsɔja ba lee ɖaa ba lǝ pɩ ma, gɩjibɔŋɔ gɩɖe jɩ batɔɔ Pɔɔl ace na Antipatrii. ³² Gaja gakʋɖa ma,n'ɩsɔja basaaka ba pala ɩsukobajabaƒǝl na nɩ, n'ɩsɔja basaaka bakɔɔ kɔɔ babʋɖu. ³³ Bakpa sesaree ma, n'ɩsɔja ɩsukubaja batɔɔ gʋbɔ ashee kɔmiɖa naa atɔɔ Pɔɔl aɖʋ agʋnyɛ nɩ. ³⁴ Kɔmɩɖa atʋr gʋbɔ aboŋo ma, na ataba Pɔɔl waa: Puroƒɛsɩ apaŋa nɩ na aɖa. Simisii kaja nɩ: ³⁵ Naa nɩ waa: Akǝbaciuka nama bata kpaboŋo naa ɖʋ akɩ gʋtɔ. N'ashee ganɔ waa/Baɖʋ nɩ Erooɖi agakǝmcǝmɖu.