¹ Wahala ka ŋkəm na pɔɔl atəm ayɩ ɖa ba kəŋja naa akaŋ kər bɩ cine. gani kaŋkəm na anyɩŋə ashee pɩ naa ashɛʊ acə maseduɛn. ² Akə na bʊ papir bʊɖe ma na a kaŋkər bɛrɛ mbaɖee ba wʊɖa ʊcine ma, naa aƒəl acə grɛk. ³ Alee ɩŋɔrɩ ɩriu ŋkəŋ ma na Yuɖaa kəbaja ba lee ganɔ gaɖɔŋkɔnɔ acəŋə atam na nɩ mbɔnɔ saa nɖee ana yɛɛ waa ace sirii ma na anyaŋtəra akəwa akəna maseɖuɛn ⁴ Bɛrɛ mbaɖee ba kʊm nɩ halɩ acə asi ma na gəŋ mbəɖe, Sopate pirus beree kaj upur, aristak nɖee alee alee təsalonik kʊpi aŋʊm ka anyɩʊ ta ja ʊcine nɩ ma Gayius Derbe ka ja, timote, ticik na troƒim Asi kʊpi aŋʊm ka. ⁵ Ama bɛrɛ ba ba tɔnɔ acə Troas atɩ na saa atʊ. ⁶ Boɖo boɖo nɖee ka wʊɖa levɛn na ka ŋkəm na gɩ ɖuo ƒilip, na ɩshile ɩnʊn ka ŋkəm na gɩ kpa Troas. ⁷ Bɔkoɩ kʊshile ʊsəbaka nɖee gɩ waa waa gɩ yʊga boɖo boɖo ma, na pɔɔl alə na mbaɖee ba wʊɖa ta maa ma ɖaa acee ƒaŋa waa aɖee ataa shɛʊ ka ga jɩ kʊɖa ka ma laŋ na lee na pɩ aƒaa wɩɩ halɩ bʊkɔŋkɔŋɔ təb na bʊnyɩʊ gɩ ji bɔŋɔ. ⁸ Ɩƒətə tuu tuu ma ba ɖa ka ŋku nlaŋaja nɩ gaɖu ŋgaɖei gɩ wala aɖa ma. ⁹ Tokparo laŋ na ayiƒala ɖə ba na yɩɖa waa Eticus ma gboo asə ŋkəŋ na gɩfonyine gɩ tʊa nɩ. ɖaa pɔɔl abʊli. lə ka bʊ lama ma, na ɖaa gɩƒonyine gɩ tʊa ayiƒala ɖe ma, na aɖuo na ŋku ŋrir ta ja alaŋ kaŋ ja laŋ aƒəɖa ba cə atɩ taa nɩ ma aɖe ci boŋo. ¹⁰ Ama pɔɔl arəgə ma na abɔlɔ agʊlɔ a laŋ naa ataa nɩ anyɛ nɩ. naa alə waa paa ma lee biti na aɖa ŋŋuro nɩ>> ¹¹ Ba kʊa aboɖo alaŋ ma na baba yʊga boɖo naa ajɩ. alə bʊlee tuu tuu. ma halɩ asʊbaa ma ka ŋkəm ma na ashɛʊ. ¹² Na ba kəwa na ayiƒalaɖe ŋŋuro nɩ naa anyəŋ kərə ʊcine gɩshɛbʊ. ¹³ Ama atʊ gɩ kʊm pɔɔl halɩ ace gatunɔ na gɩ bʊr ŋyiƒoi acə tɩ kpa assos, gaɖu ŋgaɖei gɩ cee lə waa gɩ tɩ gɩ yala pɔɔl akpa ma. gəŋ ci aɖe agɩlopi gɩ cee na yɛɛ aɖʊ waa acee na yɛɛ asara ɩkei nɩ . ¹⁴ saa nɖee gɩ kpa assos ma, na gɩ ta ba nɩ ganɔ ga tunɔ naa aye ce mitilɛn. ¹⁵ Gɩ ta ŋkəŋ ma na gɩ bʊr ŋyiƒoi, naa akpa cios ka gatunɔ ʊshile ʊnyɩʊ ta ja. ʊshile ɖe ka ŋkəm na gɩ kpa samos ka ga tu nɔ, ʊshile ɖe ka ŋkəm na gɩ kpa milet ka mpa nɩ. ¹⁶ ɖaa pɔɔl acee aƒaŋa waa aɖ ataa kə na Eƒɛs ma, aɖʊwaa ka nayɛɛ aləŋ Asii na; aɖʊ waa atɩ cee cee waa aɖe ata səra aɖe akpa Yerusalɛm paŋtekot k'ʊshɩle. ¹⁷ Milet na atəm bɛrɛ waa ba yɩɖa Eƒɛs ka cɔc kə ba ŋono ashee aɖe. ¹⁸ Ba kpa asul ma na alə pɩ waa:<< anyɩŋ gɩ lo pɩ ɩyɔ alə waa tʊa na ʊshile nɖee amʊ kei ʊnyɩ asii ma, ɩyɔ ɖaa ŋlo ma tam na anyɩŋ ma. ¹⁹ Nalee nɖi yar aŋtəma, na ʊcine ʊburo ka na anyinekoi, acəŋə na ɩshɛi nɖee Yʊɖaa kəbaja ba lee ganɔ ga ɖɔŋkɔnɔ na ɖʊ amʊ ma. ²⁰ Ɩyɔ alə waa kə ma iugo na anyɩn bʊkɔ mbʊɖei ɩsim ma na, na ɖaa ŋnaƒaŋa anyɩn gbagbara nɩ na acəŋə gɩ ta naa na sir na ɩfala. ²¹ Ɩyɔ ɖaa ŋna lə na yʊɖaa na Grɛk kəbaja ɖaa ba lee naa acəpəra bʊ cine ashee Gaja naa awʊɖa na atɩ nɖi yar Yeesu kristo ʊcine ma. ²² Ŋə ma ŋnyəmə ŋŋuro ŋsoŋsono ŋtɩŋ kʊr amʊ yerusalɛm, kəma yɔ bʊkɔ mbʊɖee bʊlee amʊ ŋkəŋ ma na. ²³ Akoŋ yaa ŋŋuro ŋsoŋsono ŋlə amʊ apa nɖee nɩ ɩwɔrɔ na ʊtʊŋʊ ʊna saa amʊ ma. ²⁴ Ama kə ma kiɖe amʊ ŋŋuro waa ŋlee akɔɖen ashee amʊ na, aɖʊ waa ŋtɩ boŋo amʊ ŋtə ma ka garɛ ɖaa ncam ŋjɩ nɖi yar Yeesu sul ma, waa ma cɛɛə atɩ laa səria gali soŋsoŋno ŋgaɖei galee Gaja ka gʊjɔɔ ma. ²⁵ Galaŋ ŋnyəmə, kiɖe ma ŋyɔ alə waa anyɩn ganɔ, anyɩn gɩ cɩɩ ca anyɩn mbaɖee nlee aljaŋna ka waasu ashee ma, kɩɩ kɔɔ aŋə aŋgayɛ na. ²⁶ Galaŋ ŋtɩ laa səria ʊrɔŋ ɖe na lə waa kə ma yɔ ʊɖən akɔnɔ ka galei na, ²⁷ Aɖʊ waa kə ma lugo na anyɩn Gaja kʊ ciŋ sɔlɔ ka ʊŋunii kʊləu na. ²⁸ Galaŋ kiɖe ma anyɩn alɔ laŋ na gʊbɔrɩƒɔ ŋgʊɖei ŋŋuro ŋsoŋsono nlə waa ɩ naa kiɖe ma. lee ma laakaarɩ ɩta naa na ɖəu Gaja ka cɔɔc nɖee ashɩ na akɔnɔ na akɔnɔ ma ²⁹ ŋyɔ alə waa amʊshɛʊ ka ŋkəm ɩtu səna ba təba kpa anyɩn gɩ cɩɩ ca nɩ na kəba ƒʊra gʊbɔrɩ ƒɔ na . ³⁰ Ŋyɔ alə waa anyɩn gɩcɩɩ ca nɩ, bɛrɛ baɖən ba tə ba pɩ tɩ na ƒaŋa ale sʊra bɔnɔ naa anaa ƒaŋa bɛrɛ mbaɖei ba pəra ba bokəŋja ma ³¹ Yiɖe ma ɖeiɖei. ligə ma waa bʊja bʊriu nɩ kə ma pala anyɩŋ kʊƒaŋ na anyinkoi gajaka na gɩ təŋ shilə na. ³² galaŋ ŋnyəmə ŋkəwa na anyɩŋ aɖʊ Gaja ka gʊnyɛ nɩ, na agʊjɔɔ ka galei ŋgʊɖee gʊsəra alaa anyɩŋ aƒələ, naa ashee anyɩŋ tiibi mbaɖei balaa aƒələ ma ba gɩ cɩɩ ca nɩ. ³³ Kəma lee ʊɖən ɩtanɩ, koko awu, koko ɩtoko na. ³⁴ anyɩŋ gboo ɩyɔ lə waa ama anyɛ nɖe nɩ ŋna lee na ŋtəma na kiɖe na aŋgʊlɔ na bɛrɛ mbaɖee ba ɖa na amʊ ma ³⁵ baa maa kɔ nɩ na ŋna lee na ƒaŋa anyɩŋ waa ŋtəŋ lee ka nɩ na gɩ səra akaŋa na bɛrɛ mbaɖei ba gʊlɔ gʊci ma naa ɩnaa na lige atɩŋɖiyar Yeesu abʊlei, bʊlei mbʊɖei agɩlopi alə ma:<< albarɩ ka ɖa ʊshee nɩ awu ʊcam nɩ.>> ³⁶ alə gəŋ aboŋo ma, na acim atəm akəo laŋ naa anyiŋə na pɩ. ³⁷ ba ŋunii ba kara gako naa ayu paa, naa atəwa ba nyɛ atər pɔɔl laŋ. ³⁸ ba ŋunii bʊcinepɩɛ aɖʊ waa alə waa kəba kɔɔ aŋə aɖe agayɛ na. ka ŋkəm na ba yala nɩ acə gatu nɔ.