¹ Saa nɖee Apoloosi aɖa Antɩyɔɔshɩ ma. Na Pɔɔl ayee yee ace asii kɩ kɔmin nɩ, akpa Eƒesɩ ma, náwa na Yeesu a bakǝŋja baɖǝn , naa taba pɩ waa. ² Ɩshee ɩja ma, ɩcam ŋŋuto nsoŋsona aa? Na ba buye nɩ waa kucaa arǝŋǝ waa ŋŋuro nsoŋsona nɖǝn nɖa na . ³ Nátaba pɩ waa bʋtomǝnaka bʋpaŋa bʋ bamǝna anyi? Na waa yohana abʋtomǝnaka . ⁴ Ŋkǝŋ na Pɔɔl alǝ waa yohana amǝna nɖawa nƒʋbaka ka bʋto bʋ , na lǝ sama waa. Nɖee atʋnapɩ aŋkǝm ma, bashee ni ɩja, ʋni na gǝŋ Yeesu. ⁵ Ba lǝ pɩ gǝŋ ma, na bamǝna pɩ bʋto na nɖi yar Yeesu aŋyiɖa. ⁶ Ŋkǝlǝ Pɔɔl atǝr anyɛ balaŋ ma, na ŋŋuro nsoŋsona nrgǝ balaŋ, na basǝba na lǝ ɩkǝrǝ ɩƒɔlɩ baɖe batɩ lǝ Anabi mana babʋlei. ⁷ Baɖe ba pa bɛrɛ tab na banyɩʋ. ⁸ Kaŋkǝm na Pɔɔl akpa sinagɔɔgǝ nɩ, na lǝ na pɩ fɛɛ. Halɩ ɩŋɔrɔ ɩriu, aɖe tɩ lǝ na pɩ bʋkɔɩ bʋlee Gaja kaayarɩtǝna ma, ka lesʋra , aɖe tɩ kaka mbaɖee ba na ɖʋ nɩ gʋtɔ ma. ⁹ Ama mbaɖee bɩfalu ɩkaŋkrǝ ma, basǝba na ɖʋ basaaka nawiya na bla na bɛrɛ Yeesu ʋnyɩŋca, na babɔ bagʋlɔ apaɖa na Yeesu abakǝŋja, na Yeesu abakǝŋja ba ce ʋsono ɖǝn ba na yiɖa waa tiranuus asukuru ni cere pɩ baanjǝŋ. ¹⁰ Ɩtɔɔ alʋwaatʋ halɩ bʋja bʋnyɩʋ, ɩpalaka na Asii kǝbaja na Yuɖaa kǝbaja na grɛɛkɩ kǝbaja baŋunii ba rǝŋǝ Gaja kaalei ¹¹ Gaja gaɖe gatɩ lee mamaaci kalesʋra na Pɔɔl anyɛ. ¹² Halɩ ba pɩ tɩ na tɔɔ akɩsa na aŋkiti ɩ ɩkǝna Pɔɔl agʋlɔ ma, na tǝr banyʋkʋja laŋ, bɩshɛɖʋ ɩɖe tɩ ɖoo ba lɔ laŋ, aŋŋuro ɩbɔnɔ gboo ɩɖe tɩ ɖoo bɛrɛ balɔ laŋ ¹³ Ŋkǝŋ na Yuɖaa kǝbalǝƒaja bɩlǝmaasiri basǝba na tɔɔtɔɔ na yiɖa Yeesu aŋyiɖa mbaɖee aŋŋuro ɩbɔnɔ ɩɖa balaŋ ma, na lǝ waa; Ntɩ lǝ anyɩnɩ na Yeesu nɖee Pɔɔl ana lee awaasu ma. ¹⁴ Mbaɖee ba na lee gʋlesʋra gʋɖe ma nagǝŋ asaraa laaja abʋmbɔnɔ ɖǝn ba na yiɖa waa seƒaa. ¹⁵ Na ŋŋuro mbɔnɔ nlǝ pɩ waa Nyɔ Yeesu, naa yɔ gʋrɩsʋra ɩ Pɔɔl alee ma; Ama, aŋa na anyɩn?. ¹⁶ N'ʋsoro ŋŋuro mbɔnɔ yar ɖǝ, ata asiu pɩ akǝ pɩ gɩshɛbɔ gɩshɛbɔ anaashɛ pɩ ba taa anyʋŋkɔ acu ɖoo gaƒala gaɖe nɩ ŋkɔlɩ nkɔlɩ. ¹⁷ Na yuɖaa kǝbaja na grɛkǝ kǝbaja ɩ baɖa Eƒɛsɩ ma, barǝŋǝ jɩ, na sampǝna ɩ kpa pɩ na galei gaɖe, na nɖi yar Yeesu aŋyiɖa nkʋma. ¹⁸ Bɛrɛ tuutuuma ɩ ba shee ɩja ma, baɖe batɩ laa bambɔnɔɩ babʋŋa lee ma; na lǝ. ¹⁹ Na mbaɖee babʋŋa alee jeŋjeŋbu ma, ba pɩ na bajeŋjebukabɔ na ba wala ɩ atɩv ʋtonu samaa aŋyɩɩ: Abɔ ɖe kagʋtaŋya gʋlee gʋbʋmbɔnɔ kʋ ɖoo ɖoo ɖo kɩtanɩ ɩmiili ɩnyɩnatǝb. ²⁰ Ŋkǝŋ na nɖiyar agalei ga ce baa ŋkana n'ɩkashɩ na ɩko. ²¹ Alesʋra ɖe kaŋkǝm, na pɔɔ akʋr niya na yɛɛ ace yerusalɛm, ataa kul na Maseɖʋani na akayii. Na alǝ waa aɖe takpa nkǝŋ isǝm akpa Rom gboo. ²² Na aƒǝnatǝm abayiƒala bayɩʋ ba ce Maseɖuanɩ, Timotee na Eraasɩ, naɖe akɔɔ sǝ Asii nɩ cei. ²³ Ŋkey na nawiya abʋmbɔnɔ ɖǝn asǝba aɖʋ nɖiyar ʋnyɩŋca kanɖi laŋ. ²⁴ N'ʋsara ɖǝn batɩ yiɖa nɩ waa Ɖemetirius aɖe lee arɛɩ ana lim ɖianɩ kaŋkʋna, na tɔɔ na ŋaŋa na lee ɖiani kabʋbɔlpi kaku, ŋkǝŋ na ana ŋǝ nɩ tambʋbɔnɔ nasǝla abatǝŋleeja . ²⁵ Na awala atǝŋleeje na mbaɖee bayɔ ntǝma nɖe ma, alǝpɩ waa oô atɩbaja anyɩŋgɩlapi ɩ yɔ waa Atʋɖaʋ ƒɛɛ ʋɖoo na ntǝma ɖǝ nɩ na. ²⁶ Ɩŋǝ arǝŋǝ waa kɩlee Eƒesi kanɖǝn ɖǝn na, ama Asii aŋunii nɩ na Pɔɔl ɖe ana ƒɔɔsi na capra bɛrɛ tuutuuma na lǝ waa ǝʋja ɩ bɛrɛ ba lee na banyɛ ma, kɩ lee bʋja ɩja kabʋja na. ²⁷ Jamba nɖee ana yɛɛ apɩ ma na gǝŋ waa kɩ lee atɩntǝma kanɖǝn ɖǝn nnɩ kpʋɖa na, ama Ɖiani kaafala ga nɩ ga pra ƒɔɩ na gafala gaɖe ka gɩyarɩ ɩ baaŋa ayɔjɩ Asii aŋunii nɩ na ɖukinya aŋunii nɩ ma, ɩ paatɩ pra ƒɔɔɩ na ²⁸ Na bʋlei bʋɖe bʋshee pɩ ʋnyana, na ba sǝba na kuro waa ɖianɩ alee ka abʋmbɔnɔ Eƒɛɛsɩ nɩ!. ²⁹ Na mpa ŋŋurii ŋkpa ntǝrǝ tǝrǝ. Na bawala baŋunii ace kɔɔsɛɛtɩ kantomo sul n'ari gaisu na arisɩtankɩ, Maseɖʋanɩ kǝbaja ɩ ba na yala Pɔɔl na lee ntǝma ma, abɔpɩ ace na nkǝŋ. ³⁰ Pɔɔl ana yɛɛ ace samaa aŋyɩɩ ma, na Yeesu aba kǝŋja ba bla na nɩ. ³¹ Nkǝŋ na Asii kǝbaja ɩ ba lee Pɔɔl abasoro m bani gboo batǝm bɛrɛ ba bla na nɩ apaatɩ ce kɔɔsɛɛtɩ kaaɖu na. ³² Baɖǝn baɖe batɩ kuro waa.Ŋgaɖe, basaaka waa waa gaɖu gaɖe gabʋgʋla na lee ŋkǝmprǝ fɔɔɩ fɔɔɩ samaa agɩcuca, bɛrɛ tuutuuma kǝba cɔɔ kɔɔ atɩ yɔ bʋkɔɩ laŋ bawala ŋkǝŋ ma na. ³³ Ŋkǝŋ na ba laa Alɛkɩsanɖɩ aɖoo na gɩcuca aɖʋwaa ana tɔnɔ na Yuɖaa kǝbaja, nalɛkisanɖɩ ataa gʋnyɛ alaŋ alǝ pɩ baŋʋra ŋkǝmprǝ, na yɛɛ alǝ na samaa. ³⁴ Saa nɖee ba yɔ waa yuɖaa kaja na ma, na baŋunii ba ma na akuro halɩ bʋkɔŋkɔŋɔ bʋnyɩʋ na lǝ waa Ɖiani alee ka abʋmbɔnɔ Eƒɛɛsɩ kǝbaja nɩ! ³⁵ Ŋkǝŋ na abɔŋɔnja alǝ samaa aŋʋra shɛlɛm, na lǝ pɩ waa Atɩ basoro Eƒɛɛsɩ kǝbaja, aŋa saaka kayɔ waa Eƒɛɛsi kampa nɩ na Ɖianɩ kaŋkʋna na kaƒala ga ɖoo na alaŋ aƒǝɖa na? ³⁶ Ʋɖǝn kaasǝra aƒirɛ na ɩsim ɩŋʋra shɛlɛm, ɩpaa kana lee gaɖǝn kpatakpata na. ³⁷ Aɖʋwaa bɛrɛ baɖe ɩri apɩ n'atiya ma, kǝbalee mbɔnɔ nɖǝn kokoo batǝrǝ tǝrǝ na gaɖǝn na, kǝ ba saŋkɔɔ awǝɖa taali n'taɩŋkʋna na. ³⁸ Ɩta jɩ waa Ɖemetririus nabatǝŋleeja, batɩ yɛɛ ba cǝu n'ʋɖǝn, ɩwǝɖa ɩshilei bana cǝm ɩkǝma ma, na bakǝmcǝmja gboo baɖa, ayiɖa pɩ ɩkǝma gɩɖǝnɖǝn. ³⁹ Ɩtasaŋkɔɔjɩ waa Gaɖǝ gaɖa samaa samaa anaa wata alǝ jɩ kaɖeiɖei. ⁴⁰ Ɩtu pɩ na galibʋmbɔnɔ ashee atʋ, bɛrɛ batɩ ba cǝn n'atʋ aɖʋ bʋkɔɩ bʋsara ʋrɔŋɖe waa ma, laŋ, adʋwaa gaɖǝn kaawǝɖa nɖi bʋkɔɩ laŋ ɩ wala atiya ma, gɩ lǝ jɩ na. ⁴¹ Alǝ gǝŋ abaŋo ma, na lǝ baaŋa aram atǝn ashɛʋ.