¹ Pɔɔl atǝbǝ Atɛnɛsɩ ma, na ace Korɛtɩ. ² Yuɖaa kaja ɖǝn batɩ yiɖa nɩ waa Akilasɩ, aɖe lee pɔɔ kajaaɖe ɖoo na italii akpa gɩfɔlɩ, batɩ yɩɖa akar waa Orisil, aɖʋwaa kulooɖi alǝ yuɖaa kǝbaya baɖo Room kampa nɩ. Na atɔɔ agʋlɔ aɖʋ na Pɔɔl. ³ Ɖaa bantǝma nlee nɖɔŋkɔnɔ ma, na aɖa bagaɖu na lee ntǝma; baɖe batɩ lee akuroku ⁴ Baa sabaatɩ kushile bʋpaŋa na Pɔɔl aɖe tɩ lǝ yuɖaa kǝbaja na gǝrɛk kǝbaja waa bashee ɩja. ⁵ Silaasɩ na Timotee baɖoo na Maseɖuanɩ akpa ma, na ŋŋuro nsoŋsono nlo pɩ, bakara gayɛ na galei gaɖe na lǝ yuɖaa kǝbaja waa yeesu alee ka Kristo. ⁶ Ama Yuɖaa kǝbaja kǝba tǝlǝ ji na, na baboŋo nálutɔ, na Pɔɔl akpǝprǝ ɩtoko alǝ pɩ waa anyɩnakɔnɔ ɩkǝwa anyɩnɖɩ laŋ!kɩkɔɔ lee aŋgalei na, ntɩ ce mbaɖee kǝba yɔ Gaja na ma sul. ⁷ Aɖoo ŋkǝŋ ma, nákpa ʋsoro ɖǝn ba na yiɖa waa Justus ma agaɖu, ʋsoroɖe anacu Gaja jɩ paa agaƒala gaɖe ga cra na sinogɔɔgǝ. ⁸ Na Krispus, sinagɔɔgǝ kanɖi yar ashee nɖi yar Yeesu ɩja, aɖe nna agaƒala gaŋunii.Na koronti kǝbaja tuutuuma ɩ barǝŋǝ Pɔɔl awaasu ma, bashee ɩja na ba mǝna pɩ bʋto. ⁹ Nanɖɩ yar Yeesu alǝ Pɔɔl gʋɖa nɩ gijibɔŋɔ waa Asampǝna ɩpaa kpa akɩ na; ama kara gayɛ alǝ paa ŋʋra na. ¹⁰ Aɖʋwaa nɖa akasul, ʋɖǝn amana aɖʋ gʋnyɛ akalaŋ alee akɩ mbɔnɔ, lǝ na pɩ, aɖʋwaa nwǝɖa samaa abʋmbɔnɔ mpɖ nɖe ni. ¹¹ Na baɖa ŋkǝŋ Gaja gapǝlǝmǝ niŋɔrɔ ɩkoloŋ, nacere korɛtɩ kǝbaja, Gaja kaalei. ¹² Ŋkǝlǝi Galiyɔ ajɩ gɩ kɔmɩɖa akayi nɩ ma, na Yuɖaa kǝbaya baɖʋ ganɔ atayiɖe laŋ na ciuna Pɔɔl, ace na nɩ gakǝmcǝmɖu. ¹³ Na lǝ waa ʋsoro nɖe atɩ cere bɛrɛ balee Gaja bɔɔta ɖaa gʋpɔ gʋbǝla ma. ¹⁴ Pɔɔl ana yɛɛ alǝ ma, na Galiyɔ alǝ Yuɖaa kǝbaja waa ɩta jɩ waa :<< Mbɔnɔ nɖǝn kaalei jɩ, kokoo gʋlesʋra gʋbɔnɔ gʋɖǝn kʋ, ntɩ ma ɖʋ anyɩn gʋtɔ yuɖaa kǝbaja anyɩn. ¹⁵ Ama, ɩta jɩ waa ʋbɔbɔ ɖǝn kaalei jɩ, kokoo ayɩɖa ɖǝn, anyɩŋgʋpɔ kanɖi laŋ na, gani gasaa nanyɩnasul. kǝ ma na yɛɛ ma cǝm kɩjɩkǝma na . ¹⁶ Nákǝrǝ pɩ gakǝŋcǝmɖu. ¹⁷ Na baganɔ bata ari sɔstɛn, sinagɔɔgǝ kanɖi yar akǝ nɩ, gakǝmcǝmɖu, Galiyɔ ka lǝ gaɖǝn na. ¹⁸ Na Pɔɔ aɖa korɛtɩ ŋkǝŋ alɩŋ. Na ye tɩ tǝbǝ bawor sul, ace sirii, aɖenna Prisil na Akilas, baka baɖi aboŋo ma, aɖʋwaa babʋŋa lǝ waa batɩ ba le akɔɖǝn ashee Gaja. ¹⁹ Ba kpa Eƒɛsɩ ma, na Pɔɔl apala abanyɩʋtaja. Akpa sinogɔɔgǝ nɩ ma, na alǝ na Yuɖaa kǝbaja. ²⁰ Na bani ba nyiŋǝ nɩ waa asǝ basul ɩshile ɩnyɩʋ ɖǝn. ²¹ Ama katǝlǝ na pɩ, na atǝbǝ basul na lǝ pɩ waa ɩsim ma jɩ jiŋgaari aƒɔlɩ yerusalɛm Gaja gatatǝlǝ ntɩ ma kɔɔ pɩ anyɩnasul na atǝbǝ Eƒɛsɩ. ²² Ata sesaree ma, na ace Yerusalɛm, asala cɔɔcɩ kǝbaja aboŋo ma, na ace Antiyɔɔshɩ. ²³ Pɔɔl aɖa Antiyɔɔshɩ ɩshile ɩnyɩʋ ɖǝn, na ce Galatii na ƒirjii na yee yee akpala ɩnyɩ nyɩʋ naɖʋ Yeesu abakǝŋja ɩkashɩ. ²⁴ Yuɖaa kaja ɖǝn batɩ yiɖa nɩ waa Apolosɩ aɖe lee alɛkɩsanɖirii kaja, alee ayɔka na ʋŋɔn nɩ paa, na yɔ bʋlei kʋlǝʋ. ²⁵ Ba cere nɩ na Yeesu agalei ayɔ ji gɩshɛbɔ gɩshɛbɔ, ŋŋuro nsoŋsoro nɖe nɖa na ni, aɖe tɩ lee waasu na cene kaɖei ɖei bʋkɔɩ bʋlee Yeesu agalei ma, ama yohana ! abʋtomǝnaka bʋnba mǝna nɩ. ²⁶ Na aɖa sinagɔɔgǝ nɩ, na lǝ bʋlei ƒɛɛ. Akilaasɩ ,a Prisil barǝŋǝ ana lǝ ma, na batɔɔnɩ naa apɛmpɛŋɛ akaɖa Gaja kʋnyɩŋca ashee nɩ. ²⁷ Ba na yɛɛ bace akayi ma, na bawor baɖʋ nɩ ɩkaŋhrɩ na aŋɔn gʋbɔ ashee Yeesu abakǝŋja waa bacam nɩ gɩsheebɔ. Akpa basul ma, na Gaja kagʋyɔɔ gʋlɔ nɩ akaŋa na mbaɖee bashee ya ma. ²⁸ Aɖʋwaa: acɔɔ na yuɖaa kǝbaja pɩ nalaa na ƒaŋa pɩ ɖaa ʋŋɔn ʋlǝ waa Yeesu alee ka Kristo ma.