¹ Pɔɔl na Silaasɩ basǝla Amƒipolii na Apolonii ma, na ba kpa Tesaloniki, Yuɖaa kǝbaja baɖe bawǝɖa sinagɔɔgǝ ɖǝn ŋkǝŋ. ² Na Pɔɔl akpa sinagɔɔgǝ ɖe nɩ ɖaa acee na lee ma, sabaatɩ bariu a na lǝ na pɩ, ɖaa ba bʋŋa aŋɔn ma. ³ Aɖe tɩ kaɖa na ƒaŋa pɩ waa shee Kristo ajɩ ɩshɛɩ aŋǝn ʋshile ʋriutaja. Yeesu ɖe nna lǝ anyɩn agalei ma, ʋni na gǝŋ Kristo. ⁴ Na ba gicuca nɩ kǝbaɖǝ ba lee kaŋkaarɩ, atɔɔ balɔ aɖʋ na Pɔɔl na silaasɩ, naa gǝrɛɛkɩ kǝbaja tuutuuma. ⁵ Ama , Yuɖaa kǝbaja baɖen ncǝnyoro nɖa na pɩ ma, na ba ce atɩ yɛɛ bɛrɛ alesʋra ɩbɔnɔbaja apele na bagʋlɔ akpa mpá nɩ, na shɩ ŋkǝmprǝ. a ce jasɔn agaƒala nɩ, na yɛɛ Pɔɔl na Silaasɩ baɖoo na pɩ samaa agɩcuca gbagbaraa. ⁶ Kǝ ba ŋǝ Pɔɔl na Silaasɩ na ma, na ba ri jasɔn na bawor baɖǝn ace na bakǝmcǝmja sul mpá nɩ, na kuro waa: bɛrɛ ɩ baɖu ɖulinya ntǝrǝtǝrǝ ma, bakpa atiya na jasɔn acam pɩ adʋ agaɖu. ⁷ Ba bǝla bʋbɔɩ sesari aŋɔn ma, naa naa lǝ waa: Gʋya afɔlɩ ɖǝn aɖa, ʋni na gǝŋ Yeesu. ⁸ Bʋlei bʋɖe bʋ bapikil na samaa na bakǝmcǝmja. ⁹ Batǝɖǝ jasɔn na abasor ʋɖa ɖe ma, na ba ye lam pɩ bashɛʋ. ¹⁰ Gɩjɩbɔŋɔ gɩɖe jɩ bawor bashɛʋ na Pɔɔl na Silaasɩ beree bakpa ŋkǝŋ man naa kpa Yuɖaa kǝbaja ba sinagɔɔgǝ ɖǝn nɩ. ¹¹ Yuɖaa kǝbaja ɩ baɖa beree ma, ba nɩ baŋja nɖawa n lee nsoŋsono nji a wu tesaloniiki kǝbaja; na ba ni ba cam Gaja kaalei na yɛɛ jɩ, awǝɖa na jɩ koŋkaari baaŋjeŋ, na tʋn ʋŋɔn na yɛɛ ba yɔ ɩta jɩ waa ɩ ji nɩ ba na lǝ pɩ. ¹² Na tuutuuma ashee ɩja, gǝrɛkɩ kǝ basǝmprǝ aɖi baja tuutuuma na basaro bashee ɩja. ¹³ Ama Yuɖaa kǝbaja ɩ baɖa Tɛsaloniiki ma, barǝŋǝ waa Pɔɔl atɩ lǝ Gaja kaalei beree ma, na ba pɩ atɩ ɖʋ samaa ntǝrǝtǝrǝ. ¹⁴ Nkǝŋ na bawor ba lǝ Pɔɔl waa: Ace teŋku kagʋsaʋ; na Silaasɩ na Timotee balal baree. ¹⁵ Maaɖee bayala Pɔɔl ma, ba ce na nɩ Atɛnɛsɩ. Naa ye kǝwa, na Pɔɔl atogo pɩ ba lǝ Silaasɩ na Timotee waa bawǝɖa nɩ wene. ¹⁶ Pɔɔl asǝ Atɛnɛsi na saa pɩ ma, akiɖe mpá nɖe ma, n'ʋnyana ʋkpa nɩ paa adʋwaa akʋna ɩkʋŋkɔnɔ ɩɖa ka mpa nɖe nɩ. ¹⁷ Ŋkǝŋ na akpa sinagɔɔgǝ nɩ na lǝ na Yuɖaa kǝbaja ɩ ba na cu Gaja ma, na lǝ na bɛrɛ ɩ ash wa na ma, ma baaŋjeŋ taagbaalaŋ. ¹⁸ Ŋkǝŋ na bakǝkalaa bʋlei baƒaŋa nɩ kǝbɛrɛ baɖǝn ba na lǝ na Pɔɔl baɖǝn baɖe batɩ lǝ waa. Gapaŋa jɩ alɔǝla bǝla katɔ yar ana lǝ? baɖǝn ba rǝŋǝ ana lǝ Yeesu na ʋŋǝnu kaalei ma, baɖǝn waa bʋja bʋsana kabʋlei bʋ ana lǝ. ¹⁹ Na batɔɔ nɩ ace na bakǝmcǝmja banɖi yar sul, alǝ nɩ waa gɩtɩ gɩ sǝra ayɔ ʋceru ʋƒɔlɩ ɩ ʋna cere ma, aa? ²⁰ Adʋwaa ʋtɩ lǝ atʋ ayɔkɔ ɩƒɔlɩ? gɩtɩ yɛɛ gɩ yɔ bʋkɔɩ ɩ nu tɩ pra ma. ²¹ Ateniikǝbaja na basana ɩ baɖa ŋkǝŋ ma, basɔlɔ ba naa lǝ kokoo barǝŋǝ bʋlei bʋƒɔlɩ. ²² Na Pɔɔl ata ayiɖe laŋ gakǝmcǝmɖu alǝ waa Atɛnɛsɩ kǝbaja anyɩn, ncɔɔ ŋǝ waa: ɩlee aɖiini baja paa. ²³ Aɖʋwaa n yeeyee anyɩmpa nɖe nɩ, n'akʋma anyɩna koŋkaarɩ, naa ɖoo ntomo nɖǝn laŋ ɩŋɔn waa Gaja ŋgaɖee ku yɔ jɩ na ma! Gasono jɩ, bɔɔta nɖee ɩna lee kɩ yɔ nɩ na ma, ʋni na nna ƒaŋa anyɩn. ²⁴ Gaja ŋgaɖee galee ɖulinya aŋunii, na bʋkɔɩ bʋɖa ma, alee ka ɩko yar alaŋ na tǝr, ka na ɖa aku nɖee nɩ bɛrɛ ba cǝ na banyɛ ma na. ²⁵ Bɛrɛ banyɛ kɩ na lee antǝma na, ɖaa a cɔɔ hiɛ akɔɖǝn ma na, ashee ŋŋuro na baamʋnʋ ɩna ŋur. ²⁶ Alee ka na bɛrɛ baɖoo na akɔnɔ ɩɖɔŋkɔnɔ nɩ aɖa gatǝna gaŋunii laŋ, n'aɖʋ alʋwaatʋ na bʋ yala ashee pɩ. ²⁷ Ɩsǝm maa ba yɛɛ Gaja gaɖe, na bashee na yɛɛ jɩ na ƒɔmɔƒɔmɔ, Gaja gaɖe kaa yelɩŋ n'atʋ gaɖu na. ²⁸ Ashee ka atʋ ŋŋuro na gɩ ɖa na, na sara, anyɩŋgɩlopi anyɩŋkɔlɩ nɖǝn nlǝ gǝŋvwaa abaja pɩ gɩ lee. ²⁹ Galaŋ ɖaa gɩ lee Gaja abaja ma, kɩ kɔɔ asǝm gɩ tɔɔ nɩ na kɛɛshu na wura, yaa ɩtanɩ, kokoo atala ɩ bɛrɛ balǝm na banyɛ ma na . ³⁰ Gaja kaabʋŋa tɔɔ atɩŋyashɛshɛ katam alee na ntǝma na nnyǝmǝ, ana lǝ baaŋa gaɖuu ʋɖa ma waa ƒʋbanɖawa. ³¹ Adʋwaa alaa ʋshile ɖǝn aɖeiɖei nɩ na yɛɛ acǝm ɩkǝma, nɖee alaa ma anaa cǝm ɩkǝma ɖe, gʋjɔɔ gʋɖe kʋ ashee aƒaŋa agʋnyɛ nɩ bakono nɩ. ³² Saa nɖee barǝŋǝ alǝ ba kono bʋŋǝnu ma, na baɖǝn basǝba na bulɛɛ Pɔɔl, baɖǝn woo ʋshile ʋƒɔlɩ na gɩ ɖʋ akɩ gʋtɔ. ³³ Nkǝŋ na Pɔɔl aɖoo apala pɩ. ³⁴ Na ka ma baɖǝn ba shee ɩja , bagɩcucanɩ, Ɖeniis bakǝmcǝmja kʋsǝmprǝ batɩ yɩ ɖa nɩ waa Ɖamaris baɖen na basaaka.