¹ Ba kpa Ɖerbi ma, naa ce Listi, Yeesu akǝŋja ɖǝn ba tɩ yɩɖa nɩ waa Timotee, aɖe ɖa ŋkǝŋ, arar ɖe lee Yuɖaa kʋsǝmprǝ ayar ata lee gǝrɛɛk kaja. ² Bawor baɖa listi na kɔɔn ma, baɖe batɩ laa sǝriya asoŋsono alaŋ paa. ³ Ŋkǝŋ na Pɔɔl atɔɔn niya waa ; Ataanyɔn na nɩ ba ce atɔɔ nɩ ma; na alee nɩ baŋ aɖʋwaa; Yuɖaa kǝbaja mbaɖee baɖa ŋkǝŋ ma ba yɔ nɩ waa; ayar alee gǝrɛɛk kaja na. ⁴ Batakpa baa mpa mpaŋaŋja, aɖe tɩ lǝ pɩ waa, ŋgaɖee Yeesu abakǝŋja na baŋona ba na lǝ Yerusalɛm ma bakʋn jɩ. ⁵ Ɩcɔɔcɩ mana baɖe bawǝɖa ʋcine gishɛbɔ, bɛrɛ baɖe ba tɩ pele baaŋeŋ. ⁶ Na ŋŋuro nsoŋsono nbala na pɩ waa ba paa lǝ gaɖen asii nɩ na na basǝba ƒirigii na galaatɩ kaatǝna. ⁷ Ba sǝla naa misii ma, na ba na tɔɔ niya bakpa bitinii na Yeesu aŋŋuro mbǝla na pɩ. ⁸ Na ba sǝla misii, naa ace traasi. ⁹ Gɩjibɔŋɔ na Pɔɔl aŋǝ ʋŋǝʋ ɖǝn; Maseɖuanɩ kaja ɖǝn alǝ nɩ waa:<< Ji suuru pɩ Maseɖuanɩ atɩ ƒʋna atʋ>>. ¹⁰ Ʋŋǝʋ ɖe kaŋkǝm na batɔɔ niya kpaarɩ arina Maseɖuani kʋja, n'iye pɩ waa nɖi yar atɩ yɛɛ waa ba ce ŋkǝŋ atɩ lǝ laabaarʋ asoŋsono kaalei ashee bani. ¹¹ Bata troasɩ ma, naa atǝŋǝ na samɔɔtɩnaasi, gaja gakʋ ɖa ma , na ba ta Neapoli. ¹² Naa kpa Ƒiliipu Kampa nɖǝ nɩ, nɖe nlee Maseɖuani kʋtǝŋla ni ma, basana bana kpasɛ pɩ ŋkǝŋ. Na gɩ ɖa mpa nɖe nɩ ɩshile ɩnyɩʋ ɖǝn. ¹³ Sabaatɩ kʋshile na gɩ ɖoo mpá kʋpampaŋa asǝla na gatupiri na yɛɛ gaɖuɩ ba sǝ anyiŋǝ. Na gɩ sǝ, na lǝ na basǝmprǝ ɩ ba wala aɖa ŋkǝŋ ma. ¹⁴ Basǝmprǝ baɖe bʋɖǝn batiyiɖanɩ waa lɩɩɖi aɖe lee akuro ɩrana kafal leeja aɖa tiatii kampa nɩ, aɖe tɩ cu Gaja paa, naɖʋ gʋtɔ ŋgaɖee ba na lǝ ma, na nɖi yar akaɖa ashee nɩ ɩye nɩ gɩshɛbɔ ŋgaɖee Pɔɔl ana lǝ ma, ¹⁵ Ba mǝna pɩ bʋto aɖenna abʋŋʋma ma, na anyiŋǝ pɩ alǝ waa: << Ɩta jɩ waa ɩshee ɩja waa nyiɖe na nɖi yar kpama aŋgaƒalanɩ, aɖa ŋkǝŋ, aɖeti paŋ atʋ. ¹⁶ Gɩna ce ʋnyiŋu kaaɖu ma, nsookulumǝ kaŋŋuro nɖe nɖa gapisimpi gaɖǝn laŋ aɖe tɩ ŋe ɩnyine na lǝ bʋkɔɩ bʋɖa na bɛrɛma, na cam ɩtanɩ na shee ɩtanɩbaja, na gapɩ atasul. ¹⁷ Atǝn atɩnna Pɔɔl atɩŋkǝm; Na kʋl na shee bɛrɛ waa bɛrɛ mbaɖe balee Gaja gaɖa alaŋlaŋ ma, abalǝŋleeja pɩ, batǝ ba lǝ anyɩn nɖi nsono kʋnyiŋca. ¹⁸ Gapisimpi gaɖe galee gǝŋ ɩshile tuutuuma, halɩ ɩpɩtɩ kpa Pɔɔl na acǝpra akpasɛ ŋŋuro mbɔnɔ nɖe waa na Yeesu Kristo aŋyiɖa ɖoo alaŋ. Na mmana ɖoo kpaarɩ. ¹⁹ Ɩtanɩ baja baŋǝ waa: Batamaa aɖoo ka kɔɔ ɖa na ma, na ba ri Pɔɔl na Silaasɩ ace na bakǝmcǝmja sul taagbaa laŋ. ²⁰ Bace na pɩ ŋkǝŋ ma, na lǝ bakǝmcimja waa: bɛrɛ mbaɖe batɩ ɖʋ ntǝrǝtǝrǝ atɩmpa nɩ. ²¹ Ba lee Yuɖaa kǝbaja pɩ, na lǝ ashile nɖee kishee atʋɩ gɩlee Roma kǝbaja waa: Gɩkʋn na ma. ²² Na samaa ata asǝupɩ, na Roma kǝbakǝmcǝmja ba ƒɔɖɔ Pɔɔl na Silaasɩ bɩtoko, naa shee ganɔ waa Bakǝ pɩ. ²³ Ba kǝ pɩ abaŋo ma, naa tɔɔ pɩ atɩ kǝu sarka nɩ, naa lǝ sarka kanɖi yar waa: akiɖe pɩ gishɛ bɔ. ²⁴ Sarka kanɖi yar arǝŋǝ ɖaa ba lǝ nɩ ma, na atɔɔ pɩ atɩ ɖʋ sarko ka ncɩn cɩn naa akal pɩ ŋkǝmǝ bɩkeinɩ. ²⁵ Gajanɩ, Pɔɔl na Silaasɩ ba na nyiŋǝ na yɩɖa atulo nakʋma Gaja ma, Sarka nɩ kǝbɛrɛ baɖe ba tɩ ɖʋ gʋtɔ narǝŋǝ. ²⁶ Na gatǝna gasbʋtar na sarka ɖe kamana ɩpipi ɩŋunii kpaarɩ, acaŋkɔ ɩtiine, ɩwɔrɔ ɩ baɖʋ sarka nɩ kǝbɛrɛ ma, ɩŋunii ɩtǝɖǝtǝɖǝ. ²⁷ Sarko kanɖi yar aŋǝ acaŋkɔ ɩŋunii ɩtine ma, na aka gapɔɔ na yɛɛ aɖur agʋlɔ, aɖe tɩ tam waa: bɛrɛ baɖoo acu shɛʋ. ²⁸ Na Pɔɔl akuro n'ʋwǝlǝ ʋbʋmbɔnɔ waa: Paa lee akʋ lɔ mbɔnɔ na atɩganɔ gɩ ɖa atɩya. ²⁹ Ŋkǝŋ na sarka kanɖi yar ataba ƒitila, na cu akpa gʋlɔ gʋɖe gʋtɩ tar, acǝm Pɔɔl na Silaasɩ baɲyɩɩ; ³⁰ naa laa pɩ aɖoo na ma, naa taba pɩ waa: Nɖi yar baɩ na ma lee naa ƒʋra? ³¹ Na Pɔɔl na Silaasɩ batǝlǝ ashenɩ waa: shee nɖi yar Yeesu ɩja, ʋ taa ƒʋra, akɩ nna akǝbʋŋma. ³² Na balǝ nɩ nɖi yar Yeesu agalei, na mbaɖee baɖa agaƒala nɩ ma gboo. ³³ Na atɔɔ pɩ gɩjibɔŋɔ gɩɖe ajene banyʋŋkɔ, na atǝlǝ ba mǝna nɩ bʋto, aɖenna abaja. ³⁴ Na tɔɔ pɩ ace na agaƒala nɩ, naa shee pɩ ʋjɩʋ bajɩ, nabɩ cine ɩkǝr aɖe nna abʋŋʋma ɖaa ba shee Gaja ɩja ma laŋ. ³⁵ Gaja gakʋɖa ma, na bakǝmcǝmja batǝm bɩsɔja ba lǝ saraka kanɖi yar waa: alam bɛrɛ baɖe. ³⁶ Na sarka kanɖi yar alǝ Pɔɔl waa: Batǝm bɛrɛ waa ba law anyɩn; nyimǝ ɩtu sǝra aɖoo ashɛʋ fɛɛ. ³⁷ Ama,na Pɔɔl alǝ iƒirishi baɖe waa: bakǝɖa atʋ ɩpɛ gbagbaraa kǝ ba cǝm nátʋ ɩkǝma na, atʋ ɩ gɩlee Roma kǝbaja ma, naa kǝu atʋ sarka nɩ, na nnyimǝ ba na yɛɛ ba laa atʋ ashiiri ni; Gani kǝ galee na. Ba gɩlopi ba pɩ atɩ laa atʋ. ³⁸ Ɩƒirishi ba ce atɩ lǝ ashee bakǝmcǝmja ma, n'ɩkpa pɩ asampǝna aɖʋwaa barǝŋǝ waa: Ba lee Roma kǝbaja pɩ ma ³⁹ laŋ. Na ba pɩ atɩ dʋ pɩ gʋɖatǝna apǝla pǝla pɩ, naa laa pɩ sarka nɩ alǝ pɩ waa: batǝbǝ bampa nɩ. ⁴⁰ Baɖoo sarla nɩ ma, na ba ce Lɖii agaɖu ba ŋe pɩ naa ɖʋ pɩ ɩkashɩ na ye shɛʋ.