¹ Bɛrɛ baɖǝn baɖoo na yuɖee apo na cere bawor basaaka waa: << Na kǝba lee pi baŋ ɖaa Musa agʋpɔ gʋlǝ ma na, kǝ ba ŋǝ nɖinsona na.>> ² Na Pɔɔl na Barnabaasi ba bɔ bɔ na pi galei gaɖe, ŋkeŋ na bawor batɔɔ niya waa Pɔɔl na Barnabaasi na baɖǝn ba cǝ Yerusalɛm Yeesu abatǝmka na baŋono sul ati yɛɛ galei gaɖe kanɖi. ³ Cɔɔci ayala pi acǝ, na ba kɔɔkɔɔ akʋn na ƒenisii ati kpa Samarii na ba lǝ ɖaa mbaɖe kǝ ba bʋŋa ayɔ Gaja na, naa baƒʋba nɖawa ma, ni lee pi ʋciŋkǝrka. ⁴ Ba kpa Yerusalɛm ma, na cɔɔci acam pi gisana, na Yeesu abatǝŋka na baŋono, ba lǝ ɖaa bʋkɔi Gaja gakʋn na pi alee ma. ⁵ Ŋkǝŋ na Ƒariisi kǝbaja baɖǝn ɩ bashee ɩja ma, ba ta ayiɖe alǝ waa: ɩsim balee bayoja ɩ baƒʋba nɖawa ma, baŋ naa ba kʋǹ Musa agʋpɔ. ⁶ Na Yeesu aba tǝmka na baŋona bawala aƒaŋ ƒaŋa galei gaɖe. ⁷ N'ʋbɔbɔʋ ʋbʋmbɔnɔ ɖǝn ʋkpa ba gɩcuca, na Piɛɛr ata ayiɖelanŋ alǝ waa: Ambasoro na ambawor, lyɔ waa. Gaja ga cee laa anyɩngɩcuca, naa mbaɖee kǝ ba cee yɔ Gaja na ma, barǝŋǝ Gaja ka laabaarʋ asoŋsono aŋganɔ ni, naa ba ni gboo bashee ija. ⁸ Gaja ɩ ga yɔ bɩƒolu ma, alaa sǝriya ashee pɩ, nàshee pɩ ŋŋuro nsoŋsono ɖaa atʋ ma ⁹ Kalaa atʋ aƒǝlǝ na pɩ na, ʋcine ɩ bawǝɖa na Gaja ma, ʋni na apɛmpɛŋɛ na pɩ. ¹⁰ Nnyiwǝ mʋ laŋ na ɩna yɛɛ ɩtʋŋa yaa hkǝu Gaja alaŋ, na yɛɛ ɩtaa ʋɖʋra ɩ atɩ baya na tɩgɩlopi kutoŋo na ma, atǝr Yeesu abakǝŋja bɩɖɔ laŋ?. ¹¹ Ama yɔ ma waa: N'atinɖiyar Yeesu agʋjɔɔkʋ atɩnna pɩ gɩ shee ya, aŋǝ nɖinsono. ¹² Mbaɖee bawala ŋkǝŋ ma, baŋʋra jɩjɩjɩ, na Barnabaasɩ na Pɔɔl ba lǝ maamaaci na biti kalesʋra ɩ Gaja gakʋn na pɩ alee mbaɖee kǝ ba bʋŋa yɔ Gaja na ma, bagɩcuca. ¹³ Banibalǝ aboŋo ma, na Yaakubu, acam ʋwǝlǝ alǝ waa: atɩbasoro nátɩbawor, ɖʋ mamʋ gʋtɔ. ¹⁴ Simɔɔ alǝ ɖaa Gaja ga jeɖe ɩsamaa naa a laa bagɩcuca nɩ abaja waa aŋyiɖa nɖa na pɩ. ¹⁵ Gavi gaɖe gamana ƒana na ŋgaɖe Annabi mana ba galei ɖaa ba cee aŋɔn ma: ¹⁶ Waa " Kaŋkǝm anii, ntɩ ma kɔɔ pɩ atɩ taa Daʋɖa agaƒala gapɩ ma, ntɩ ma pɛmpɛŋɛ jɩ gatǝŋǝ. ¹⁷ Naa bɛrɛ ɩ basaa ma, ba yɛɛ iko yar, atɩ nnyɔn na ɩsamaa basaaka gboo ba naa yiɖa aŋyiɖa, ŋgaɖee ɩko yan nɖee ana lee baa mʋnʋ ma, alǝ ̀mana gǝŋ. ¹⁸ Na baa ŋa ayɔ na cǝ na cǝ. ¹⁹ Galaŋ Amʋ nsɔlɔ waa: Gɩ paa yɛɛ na wiyaɖǝn aɖʋ mbaɖee baƒʋba nɖawa ayɔ Gaja ma na. ²⁰ Ama, ɩsim gɩŋɔn ashee pɩ, ba paa jɩ ɩsaraa ɩ ba pɛŋɛ akʋna ma, na gɩsina kʋleu, na ɩbɔrɩ ba cika kʋjɩʋ. ²¹ Tɔɔ naɖoo bʋjabʋja, Musu adʋbɛrɛ baa mpa mpaŋanyi ba na lǝ jɩ, aɖʋwaa ba titʋr jɩ ɩsinagɔɔgǝ nɩ baa sabaatɩ apaŋa na. ²² Na gani gaɖe gaƒana Yeesu abatǝmka na baŋono na cɔɔcɩ aŋunii, na ba laa bɛrɛ bagɩcuca nɩ, atǝm bace antɩyɔɔshɩ, Baɖennapɔɔl na Barnabaasi, na yuuɖi nɖee ba ɖʋ ŋyiɖa waa: Barnabaasi ma, na silaasu , alee grǝma yar na bawor bagɩcuca na. ²³ Galei ba ŋɔn gʋbɔ gʋɖe nɩ ashee yeesu abakǝŋja na baŋono, na bawori baƒʋba nɖawa aɖa Antiyɔɔshi na Sirii, na Silisi wa gɩtɩsala anyɩn. ²⁴ Gɩrǝŋǝ ɖaa bɛrɛ baɖǝn baɖoo na atɩgaɖu atiya kilee atʋ gɩ tǝm ka pɩ na, atɩ ɖʋ anyɩn ntǝrǝtǝrǝ na babʋlilǝka. ²⁵ Gɩ wala akiɖe galei gaɖe suu, naa alaa bɛrɛ atǝm ashee anyɩn, na atɩbasɔlɔka Barnabaasi na Pɔɔl, ²⁶ bɛrɛ baɖe ba tɔɔ baŋŋuro ajel nɖi yar Yeesu Kristo laŋ ²⁷ Na gɩtǝm yuuɖi na Silaasi, bapɩ atɩ lǝ anyɩn bʋkɔɩ gɩlǝ ma, na babʋnɔ. ²⁸ Aɖʋwaa ɩƒana ashee ŋŋuro nsoŋsoro ɖaban na nɖee ʋlee kpataku ma, ²⁹ Ɩni nɩ gǝŋ waa: Lee ma laakaari, na ataŋkɔɩ ba pɛŋɛ akʋna ma, k'ʋjɩʋ, n' ɩbɔrɩ bakono k'ʋjɩʋ na gɩsǝna kʋleu, alesʋraɩ anyɩngɩlopi ɩblaɩ na lɩŋ nányɩnalɔ gaɖu ma. ³⁰ Balee cɔɔcɩ baɩ baɩ ma, na ba ce Antiyɔɔshɩ, naa akara gʋbɔ gʋɖe samaa agʋnyɛ nɩ. ³¹ Batʋr gʋbɔ gʋɖe arǝŋǝ ma, na baŋunü bɩcine ɩkǝrǝ ɖaa bashee pɩ ɩkaŋkrɩ ma laŋ. ³² Yuuɖi na Silaasi, Balee Annabi mana pɩ, na ba lǝ bʋlei tuutuuma aɖʋ pɩ ɩkaŋkrɩ. ³³ Ɩti lee ɩshile ɩnyɩʋ ɖǝn ma, na ba pala pɩ bakɔɔ ashɛʋ mbaɖee ba cee tǝm pɩ ma sul. ³⁴ ( Ama, na Silaasi aŋa waa ɩcǝm naɖe alal basul.) ³⁵ Pɔɔl na Barnabaasi baɖa Antiyɔɔshi na cere bɛrɛ, na lǝ nɖi yar a laabaarʋ asaŋsoro kaalei na shee bɛrɛ tuutuuma. ³⁶ Ɩti lee alʋwaatʋ ɖǝn ma, na Pɔɔl lǝ Barnabaasi waa: Gɩkɔɔkɔɔ ace apa nɖenɩ ati jeɖe atǝ bawor; gɩ lǝ pɩ nɖi yar alaabaarʋ asoŋsono ma, gɩŋǝ ɖaa baɖa ma. ³⁷ Barnabaasi ashee sɔlɔ waa anyɔnna yotiana ɩ bana yiɖa waa Maark ma. ³⁸ Ama, na Pɔɔl alǝ waa kɩ sǝm batɔɔ nɩ anyɔn na ma na, aɖʋwaa Pamƒilii na abʋŋapaɖa na pɩ, kayala pɩ ace batǝŋleeka nɩ na. ³⁹ N'ʋbɔbɔʋ ɖen ʋpɩ bagɩcuca halɩ bapɩ atɩ paɖa na bawor. Na Barnabaasi atɔɔ Maark na ba ce shiipu kaatǝnaɩ bʋto bʋsǝr jɩ akal ma nɩ. ⁴⁰ Na Pɔɔl atɔɔ Silaasɩ, na ba nɩ gboo bawor batɔɔ pɩ aɖʋ nɖi yar agʋjɔɔ nɩ. ⁴¹ Nace sirii kɩkara kara nɩ, na Silisii na ɖʋ ɩcɔɔcɩ mana ɩkaŋkrɩ.