¹ Ɩkɔɔn ŋkəŋ na pɔɔl na barnabaasɩ ba kpa yuɖakəbaja ba sinagɔɔgə nɩ na alə na pɩ na yuɖaa kəbaja na gɛkɩ kəbaja tuutuuma bashee ja. ² Ama yuɖaa kəbaja ɩ ba bla kəba shee ɩja na ma, ba tutur bawor anaashɛɛ mbaɖee banhee ɩja ma. ³ Baa nakama, na baɖa ɩkɔɔn ŋkəŋ alɩŋ baɖe batɩ lə bʋlei nɩɩja, nakantan na nɖiyar Yeesu, aɖe ti kaŋa na pɩ na laa səriya agalei, maamaaci kalesvra ɩɖe tɩ lee na banyɛ. ⁴ Na mpa nɖe kasamaa ayʋga akpala ɩnyɩʋ baɖən baɖa ashee Yuɖaa kəbaja basaaka baɖa ashee Yeesu abatəmka. ⁵ Na bayoja na yudaakəbaja bace atɩɖʋ ganɔ ńaɖɩbaja asəba na tootoo gaɖu anashɛɛ pɩ anyɩm pɩ atala, ⁶ Pɔɔl na barnabaasɩ baŋə gəŋ ma, na ba cə atɩ ɖa likaonii, liisi na Ɖɛdɩ kapa na nakɩ karakara nɩ haa. ⁷ Naa haa nə laabaarʋ asaŋsono kaalei. ⁸ Liisi ŋkəŋ na arɛbʋmbɔnɔ ɖən, aaɖe lee falaŋfalaŋ ɖoo ɖaa baŋʋm nɩ ma, kasara ayɔ na. ⁹ Aɖe tɩ ɖʋ pɔɔl gʋtɔ ana lə bʋlei ma, na Pɔɔl akɩɖe nɩ suu, aŋə waa: Awəɖa ʋcine ataa səra aŋə alaafɩya. ¹⁰ Na alə nɩ n'ʋwələ ʋbʋmbɔnɔ waa: Taayiɖelaŋ kpaka akɩ kei laŋ. N'ata ayiɖe laŋ na sara. ¹³ Baŋə bʋkɔɩ pɔɔl alee ma, na bakuro na lə na ɩkɔɔn kagɩkrə waa: bʋjabʋtɔɔ gʋrilɔ akpa atɩgɩ cɩɩca oo! ¹¹ Nabaɖʋ Barnabaasɩ baŋkʋna kaŋyɩɖa waa jupitɛɛ naa yɩɖa Pɔɔl waa mɛɛrcuu, aɖʋwaa ana lə bʋlei. ¹² Jupitɛɛ kaŋkʋna, kaŋku nɖa mpa kaanɔ jɩ, nɖe ana pɛŋɛ ŋkʋna nɖe ma, apɩ nɩ́na na kɩsa mpa kaanɔ na yɛɛ bɛrɛ balaa saraa. ¹⁴ Yeesu abatəŋka Barnabaasɩ na Pɔɔl, barəŋə gəŋ ma na bafatər bɩtoko acuu ace samaa agɩcuca, ¹⁵ na kuro na lə pɩ waa: o bɛrɛ anyɩn, mʋlee ka ɩ na lee gəŋ? Atʋ gboo bɛrɛ pɩ gɩlee ɖaa anyɩn ma aa? na gɩ Pɩ na laabarʋ asoŋsono ashee anyɩn, palama anyɩŋt əma nɖe fɔɩ na ɩlee, cəpra ma atəŋə na gaja ŋŋuro yarɩ alee alaŋ, ńatən, natəŋku na bʋkɔɩ gɩshɩ na ŋə ma. ¹⁶ Gaja gaɖe gabʋŋa apala baaŋa akʋn ʋciŋsɔlɔ ka. ¹⁷ Kapala səriyakʋlaʋ ɖaa aɖa ma na, Atɩlee nsono, na pala ʋto ana nyɩ gatəna gaɖe gatɩ ŋʋm ʋjɩr tuutuuma, anyɩnʋcine ɖe tɩkər. ¹⁸ Na bakɛɛshɩ bʋlei bʋɖa, na shee pɩ waa: Ba paa laa saraa ashee pɩ na. ¹⁹ Na yuɖaa kəbaja baɖoo na Antiyɔɔshɩ na ikɔɔn acere samaa na ba nyɩm pɔɔl atala abɔnɩ atɩ bəɖa mpa kʋpaŋpaŋa baɖe batɩ tam waa aci. ²⁰ Ama, Yeesu abakəŋja bawala asul ma, na ata ayiɖelaŋ, na ba man akpa mpa nɩ. Gaja gakʋ ɖa ma, na aɖenna barnabaasɩ. ba ɖɛrbɩ. ²¹ Ba lee waasu mpá nɖe nɩ ma, na baɖən bacam Yeesu apra abakəŋja ma, na bakɔɔkɔɔ ace liisi, na ikɔɔn halɩ Antiyɔɔshɩ. ²² Na aɖʋ Yeesu abakəŋja ɩkaŋkrɩ waa: ɩsəm bakara gayɛ awəɖa ʋcine, na lə pɩ waa: Na nawɩya tuutuuma na gɩkpa na Gaja kaayaritəna nɩ. ²³ Na ba laa baɖən atɩ pɩ waa: Ba lee cɔɔcɩ kaɖibaja bakʋr ganɔ anyiŋə, atɔɔ pɩ aɖʋ nɖiyar Yeesu nɖee bashee ɩja ma, anyɛ nɩ. ²⁴ Ba səla pisiɖii ma, n'ace pamfilii. ²⁵ Naa alə Gaja kaalei pɛrgə na ce Atalii kampa nɩ. Ŋkəŋ na bakɔɔkɔɔ apɩ Antysh, gauu ba cee tɔɔpɩ aɖʋ ²⁶ Gaja kgʋjɔɔ nɩ aɖʋ ntəma ɩ ba lee ma. ²⁷ Ba kpa ŋkəŋ ma, na ba bawala cɔɔcɩ aŋunii naa akɛɛshɩɩ alə ashee pɩ, bʋkɔɩ Gaja gakʋn na pɩ alee ma, ɖaa atine ʋnyɩŋca ashee ɩsamaa bawəɖa na nɩ ʋcine ma. ²⁸ Na baɖa Yeesu abakəŋja sul ɩshile tuutuuma.