¹ Atɩyɔɔshɩ ka cɔɔcɩ nɩ Annabi mana na bayɔka babʋmbɔnɔ baɖa ka ŋkəŋ: Barnabaasɩ, simɔɔ bana yɩɖa waa Nijɛɛr, lusius sirɛɛnɩ kaja, Manahee, babʋŋa aman pɩ atoŋo aɖe na Erooɖi ma, na Sool. ² Ba na lee nɖiyar antəma ɩ aɖʋ pɩ ma, baɖe batɩ kʋr ganɔ na ŋŋuro nsoŋsono nlə waa: Laa ma Barabaasi na Sool aɖʋ afələ ashee amʋ aɖʋ ntəma nɖee laŋ ŋyɩɖa pɩ ma. ³ Bakʋr ganɔ anyiŋə aboŋo ma, na ba tər anyɛ ba laŋ naa apala pɩ bafəl. ⁴ Ŋŋuro nsoŋsono ntəm Barnabaasɩ na Sool ba ce selʋsii, ba ɖoo nkəŋ ma, na shiipu kaatəna ɩ bʋto bʋsər jɩ akal ma nɩ. ⁵ Bakpa salamii ma, na ba lə Gaja kaalei sinagɔɔgən yuɖaa kəbaja ɩ baɖa ŋkəŋ ma, Maark aɖe tɩ kaŋa na pɩ. ⁶ Basəla gatəna ɩ bʋto bʋsər jɩ akal naa ace pafoosɩ ma, na ba ŋə jejebuyar annabi ɩsəiyar yuɖaa kaja ɖən batɩ yɩɖa na waa: kəl Yeesu. ⁷ Aɖe ɖa kɔmɩɖa abʋmbɔnɔ sergiusu polus ʋsoro gʋfaŋayar sul. Nakɔmɩɖa ɖe ayɩɖa Barnabaasɩ na Sool na yɛɛ waa: Ba lə Gaja kaalei ashee nɩ arəŋə. ⁸ Ama Elimaasɩ jeŋjəŋbuyar aŋyɩɖa kaashɩ na gəŋ, aɖe tɩ kəl kɔmɩɖa waa apaa shee ɩja awəɖa ʋcɩ́ne na. ⁹ Na Sool nɖee ba na yɩɖa waa: Pɔɔlɩ ma, ŋŋuro nsoŋsono nrŋə na nɩ ma, ataa agayɛ atəŋə nɩ, naa lə waa: ¹⁰ ʋsorobɔnɔki, mbɔnɔ nrŋə na kɩ ma, sheetaanɩ ʋpur kɩ, ɖeiɖei kɩ́bɛrɛ, kaapala akɩŋtəmbɔnɔ ʋna kəl nɖiyar ma aa?. ¹¹ Ŋnyimə nɖiyar agʋnyɛ gʋɖa akalaŋ, ʋtaa fɔnɔ kaa kɔɔ aŋə ʋshile na. Kpaar na ŋkomo nshee ka kɔɔ na ŋə gaɖu na, aɖe tɩ fɔmɔfɔmɔ na yɛɛ bɛrɛ ba toŋo nɩ. ¹² Kɔmɩɖa aŋə bʋkɔɩ bʋ lee ma, na ashee nɖiyar Yeesu ɩ́ja, aɖʋwaa aŋə Nɖiyar ʋceru. ¹³ Pɔɔli ńabasoro barina pafosɩ, n'ace pɛrgɩ pamfilii. Ŋkəŋ na Yohana apaɖa na pɩ akɔɔkɔɔ Yerusalɛm. ¹⁴ Ba kpa pɛrgɩ ma, na ba kɔɔ atəŋə na Antɩyɔɔshi pisiɖii. Na bakpa sinagɔɔgə nɩ Sabaatɩ kʋshile asə. ¹⁵ Batʋr gʋpɔ na annabi mlana babʋlei aboŋo ma, na sinagɔɔgə kaɖibaja batəm alə pɩ waa: Atɩ bawor basoro anyɩn, ɩta jɩ waa: ɩtɩ yɛɛ ɩɖʋ samaa ɩkashɩ lə ma, ŋgaɖee ɩwəɖa ma, nnyimə. ¹⁶ Ŋkəŋ na Pɔɔl ataa agʋnyɛ alŋ afaŋa pɩ alə waa: ɩsraɛl kəbasoro anyɩɩ ɩna cu Gaja ma, ɖʋ ma gʋtɔ. ¹⁷ Ɩsraɛl asamaa nɖe a Gaja ga laa atibaya afələ. Naa a ɖʋ samaa ɖe albarka ŋkələ aɖa Ejibiti kaa təna nɩ ma,natɩ laa nɩ na agʋnyɩkaŋkra. ¹⁸ Naa aɖəʋ pɩ ʋteru nɩ halɩ bʋja ɩshɩnyɩʋ. ¹⁹ Na aɖur ɩsamaa kulumi kanaha kaatəna nɩ, naa ashee pɩ gatəna gaɖe: Ba jie jɩ. ²⁰ Ganikaŋkəm bʋja awanyɩʋ nínyɩnatəb na ashee pɩ bakəmcimja halɩ annabi samɩɛl. ²¹ Na samaa ataba waa: Batɩ gʋpayarɩ ashee nɩ, na Gaja gashee pɩ sayul kiisi ʋpur Bɛŋjamɛɛ abʋ ŋʋna a jɩ gɩyarɩ balaŋ halɩ bʋja ɩshɩnyɩʋ. ²² Na tɩ bəɖa gʋya ɖe, na alaa Ɖaʋɖa waa ajɩ gɩyarɩ, na alaa səriya alaŋ alə waa:ŋŋə Daʋɖa Ɩsaii ʋpur, ʋni na amʋcine ʋtɔɔ, a naa lee amʋciŋsɔlɔka. ²³ Ɖaʋɖa abʋŋʋma nɩ na, Gaja gacee lə waa: Ataalaa afʋraka ashee Ɩsraɛl, ʋni na gəŋ Yeesu. ²⁴ Naa afʋraka aye pɩ, yohana alee nɖawa nfʋbaka na bʋtomənaka kawaasu ashee Ɩsraɛl a samaa. ²⁵ Yohana aboŋo antəma ma, n'alə waa: Amʋ nkəm ʋɖən atʋna pɩ, kə ma caa sim makur atən alaa aŋkɔɖɔkɔɖɔ kʋlɔ na. ²⁶ Atɩ bawor basoro, Abraham bapur, nányɩn ɩ ɩna cu Gaja ma, anyɩn pɩ batəm na nɖinsono kaalee ashee. ²⁷ Aɖʋwaa Yerusalɛm na kaɖibaja baja babla yeesu, naa akə nɩ, ba lee bʋkɔɩ Annabi mana balə naa bana tʋr jɩ baa sabaatɩ apaŋa na ma. ²⁸ Kəba ŋə taalɩ nɖee anafaŋa waa: bakə nɩ acii ma, alaŋ na, na ba lə Pilaatɩ waa: akə nɩ acii. ²⁹ Balee ɖaa ba cee lə agaleima, na ba laanɩ gʋyo kaŋkʋrala atɩ ɖʋ nkufo nɩ. ³⁰ Ama Gaja gaŋənə nɩ aɖoo bakono nɩ. ³¹ Na afaŋa agvlɔ mbaɖee na pɩ ba cə galilee na Yerusalɛm ma, ɩshile tuutuuma, ba nɩ ba lee ka kasəri ya baja samaa aŋyɩɩ. ³² Nátʋ gɩ na lə, bʋkɔɩ ba cee lə waa: Batɩ ba shee atɩ baya ma, kalaabaarʋ asoŋsono nashee anyɩn. ³³ Gaja galee ashee atʋɩ gɩ lee bapur ma, naa aŋənə Yeesu, ɖaa ba cee aŋɔn jɩ Ɖaʋɖa antulo nnyɩʋtaja nɩ ma, waa: Akɩ na ampi nŋʋmakɩ ʋrɔŋɖe. ³⁴ Aŋənə nɩ bakono nɩ, kaakɔɔ abuu na, ŋgaɖee alə ma, na gəŋ waa: Ntɩ ma shee anyɩn gʋjɔ asʋra asʋra ciri ciri kɩja ɩ nlə waa: Ntɩ ma shee ɖaʋɖa ma, Ajɔɔ ɖe ɩɖa. ³⁵ Na akɔɔ alə gaɖufɔlɩ acəŋə waa: kaa pala a ciri ciri karɛ abuu ³⁶ na.Gɩta kiiɖe, Ɖaʋɖa alee Gaja kantəma aboŋo ma na aci atɩ wəɖa ayar mana, ama abu. ³⁷ Ama nɖee Gaja gaŋənə ma, kabuu na. ³⁸ Gala atɩ baja yɔ ma, waa: N'ʋnɩ na ba lə mbɔnɔ kʋtəɖu kaalei ashee anyɩn. ³⁹ Naa arɛ nɖee ashee nɩ ɩja ma, aɖa ɖei ɖei, na lesʋra ɩ musa agʋpɔ kagʋsəra apala arɛ aɖa ɖeiɖei na ma. ⁴⁰ Gala lee ma laakaarɩ naa ʋwələ ʋbɔnɔ nɖee Annabi mana ba bʋŋalə ma, ɩpaatɩ wəɖa anyɩn na: ⁴¹ Anyɩn ɩ ɩna bla ma, ɩtɩlee anyɩn biti, ɩtɩɩ nara: Aɖʋwaa ntɩ ma lee bʋkɔ bʋɖən anyɩyɩɩ, bʋkɔɩɩ baa ba kɛɛshɩ ashee anyɩn kɩshee ɩja na. ⁴² Barnabaasɩ na pɔɔl baɖoo nashɛʋ ma, na plapla pɩ waa: Bakɔɔ a pi sabaatɩ kʋshile ʋfɔlɩ atɩ pɛmpɛŋɛ alə ashee pɩ. ⁴³ Samaa ɖe nɩ na Yuɖaa kəbaja na mbaɖee bapra yudaa kə baja ma, batər pɔɔl na barnabaasɩ baŋkəm na, baɖʋ pɩ ɩkaŋkrɩ alə pɩ waa: Batɔɔ balɔ acra na gaja kagʋjɔɔ. ⁴⁴ Sabaatɩ k'ʋshile ʋfɔlɩ na mpa nwala na yɛɛ ba rəŋ gaja kaa lei. ⁴⁵ Yuɖaa kəbaja ba ŋə bɛrɛ tuutuuma ma, na ncənyoro ŋkpa pɩ na baɖa na bla na pɔɔl na lim nɩ. ⁴⁶ Na Pɔɔl na Barnabaasɩ ba lə pɩ ɩ ja waa: Ayɩn pɩ jɩ basəba alə Gaja kaalei gaɖe ashee ńanyɩn ɩbla jɩ atutur jɩ, aɖʋwaa anyɩŋgɩlopɩ ɩŋə jɩ waa: kɩsəm ɩcam jɩ naa gashee anyɩn ŋŋuro nɖee kɩŋwəɖa gayala na ma, atʋ anii gɩtɩ ce mbaɖe kəba yɔ Gaja na ma sul. ⁴⁷ Aɖʋwaa: nɖɩyar alə waa: Akɩ na nɖʋ ntəma nɖe ice na ʋkaɖʋ ashee ɩsamaa, atoŋo nɖinsona kaa lei gaɖe ace na gatəna kaa yala. ⁴⁸ Na mbaɖee kə ba bʋŋayɔ Gaja na ma, barəŋə jɩ ma, na bakʋma nɖiyar agalei, na mbaɖee ba cee lee ŋŋuro nɖee kiŋwəɖa gayala na ma kəbarɛ ma, bashee ɩja galei gaɖe. ⁴⁹ Na nɖiyar Yeesu agalei gace baa bagatəna gaŋunii laŋ. ⁵⁰ Ama, na yuɖa kəbaja ba tutur basəmprə na mpa kanɖi baja waa: banaashɛɛ Pɔɔl na barnabaasi akərə pɩ baɖoo bampa nɩ. ⁵¹ Na Pɔɔl na barnabaasɩ ba kəprə bɩkei kantuli, ashee pɩ naa s shɛʋ ikɔɔn, ⁵² Ama, mbaɖee ba cam Yeesu apra abakəŋja ma, ʋcɩŋkər ka ʋɖe rŋə pii na ŋŋuro nsoŋsono.