¹ Kasaa ɖe na gʋyarɩ Erooɖi asəba na naashɛ cɔɔcɩ kə barɛ baɖən. ² Na akə Yaakubu Yohana apar na gapɔɔ galama ka. ³ Aŋə waa ɩcɩm na yudaa kəbaja ma, na akɔɔ ari Piɛɛr ɩɖe tɩ lee ɩshilee ɩ kə ba na ɖʋ lefiir boɖo boɖa nɩ na ma, kishile. ⁴ Ari nɩ akəʋ sarka nɩ ma, na aɖʋ ɩsɔɔja banan nan bʋɖu bʋnan ba naa tʋŋa nɩ, na yeɛ waabata jɩ paakɩ aboŋo, alaa nɩ aɖoo na samaa bagɩcuca. ⁵ Pɩɛɛ aɖa sarka nɩ ma; cɔɔcɩ aŋunii aɖe tɩ nyɩŋə Gaja na shee nɩ. ⁶ Ɩsaa ʋshile ʋɖɔŋkɔnɔ naa Erooɖi alaa piɛɛr aɖoo na samaa agɩcɩɩca ma, baɖe ba kʋr pɩɛɛr ɩwɔrɔ aɖe ɖa ɩsɔɔja banyɩʋ bagɩcuca nafol; Batʋŋaka baɖe ba yɩɖe sarka kaakonu na tʋŋa. ⁷ Ŋkəŋ na ɩkayar amalaika akpa sarka nɩ na nkomo nkaɖa kpaarɩ gaɖu gaɖe gatɩ ŋələnələ sarka nɩ. Na malaɩka aŋənə pɩɛɛr alə nɩ waa: Tayiɖe alaŋ were! Nɩ́wɔrɔ baɖoo anyɛ nɩ́kei nɩ afaɖa atən. ⁸ Na malaɩka a lə nɩ waa: Run akabɛlɛtɩ akɩnsəl naa akara akakɔɖɔkɔɖɔ. Na alee ɖaa gəŋ ma. Na malaɩka akɔɔ alə nɩ acəŋə waa: kara akɩtokopeu, naa tər amʋŋkəm. ⁹ Na Pɩɛɛr atər aŋkəm, kasaa ɖe kɩkana ye nɩ bʋkɔɩ malaika analee ma na, ɩɖe ɖa nɩ ɖaa atɩ fol gʋɖa kokoo atɩ ŋə akɔɖən ma. ¹⁰ Baɖoo na ce asəla ɩsɔja basbaka na banyɩʋtaja na bakpa mpa kagʋcaŋkɔ nrukɔ kagʋja ma, na gʋni gʋtine kagʋja baŋyɩɩ; na baɖoo akʋn ʋnyɩŋca ɖən kpaarɩ na Malaɩka anyeŋe apala piɛɛr. ¹¹ Ŋkələ pɩɛɛr aŋə waa: ɩ ja nɩ ma, na alə waa: Nŋə nnyimə gbagbaraa waa: ɩkoyar atəm a Malaika apɩ atɩ laa amʋ Erooɖi agʋnyɛ nɩ na bʋkɔɩ yuɖaa kasamaa ana yɛɛ namʋ ma. ¹² Afaŋa faŋa jɩ aboŋo ma, na atəŋə agayɛ na Maari Yohana nɖeee bana yɩɖa waa Maarkə ma anar agaɖu, bɛrɛ tuutuuma baɖe bawala aɖa ŋkəŋ na nyiŋə Gaja. ¹³ Na akə gʋcɩŋcaŋa kaakonu ma, n'abaawayar ɖən ba nɩ yɩɖa nɩ waa: Rooɖɩ ma, apɩ atɩ na ɖʋ gʋtɔ. ¹⁴ Na arəŋə piɛɛr vwələ; ʋciŋkərka nɩ ɖaa anaa tine gʋcaŋkɔ ma, na acuu ace atɩ lə pɩ waa: piɛɛr akpa ayɩɖe gakukonu. ¹⁵ Na ba lə nɩ waa: Akɩ ʋshɛshɛ gʋya yɔgʋu. Ama na alə pɩ waa: ɩja nɩ. ¹⁶ Na ba lə waa: ka yɔ na amalaɩka na. Kasaa ɖe Piɛɛr ɖe kara gayɛ na kə gʋcaŋkɔ. Batine ma, naa aŋə nɩ, nɩ lee pɩ biti. ¹⁷ Na Piɛɛr atɔɔ agʋnyɛ afaŋa pɩ waa bapɔɔ babʋnɔ shɛlɛmm, na akɛshɩɩ alə ashee pɩ ɖaa ɩkoyar atəm a Mala ɩka apɩ atɩ laa nɩ sarka nɩ ma, na alə waa: Ba lə ashee yaakubu na bawar, kaŋkəm na ba təbə ace gaɖufɔlɩ. ¹⁸ Gaja gakʋɖa ma, n'ɩsɔɔja bakpa ntərətər na ta ba bawor bʋkɔɩ piɛer apra ma. ¹⁹ Erooɖi ayɛɛ nɩ baa ŋka kaŋənɩ na ma, na alə waa: babɔ ɩsɔɔja ɩ batɩ pɩ ba na tʋŋa ma batɔ. Kaŋkəm na ace yuɖee ati ɖa seraree. ²⁰ Erooɖi kabʋŋa na ŋə tiir na siɖɔŋɩ kəbaja gɩnyine na. Na bapɩ wəɖa nɩ waa: Barəŋə na bawor, na ba ce Blasita sul ʋni alee ka gʋya ʋkal na ma karɛ soŋsono waa: Akaŋa na pɩ, na ba rəŋə na bawor aɖʋwaa gʋya agatəna nɩ na ba na ŋə ʋjɩʋ na ji. ²¹ Ʋshile ɖən na Erooɖi akara bayarɩ bɩtoko asə anyarɩboi laŋ na lə gapalei. ²² Na samaa akuro alə waa: Gaja kʋwələ na, kɩlee arɛ ʋja na! ²³ Ŋkəŋ ɖe kpaarɩ nɩ́koyar atəm a malaɩka apɩ atɩ kə Erooɖi, aɖʋwaa kashee Gaja ʋkʋmʋ na nɩ́shɛŋɛ baɖən ba jɩ nɩ aci. ²⁴ Kasaa ɖe Gaja kaalei gaɖe gatɩ ce ŋyɩɩ baa ŋka na, ce. Yeesu abakəŋja baɖe batɩ pele nace. ²⁵ Barnabaasɩ na Sool baboŋo ba waasu Yerusalɛ, na bakɔɔ ashɛʋ na ba nyɔnna yohana nɖee baɖʋ nyɩɖa waa maark ma, ashɛʋ na ma.