¹ Kɩ kɔɔ a hɩɛ waa: Maŋɔn ashee anyɩn bʋkɔɩ ɩkaŋa na Kristo kəbapi Yerusalɛm kəbaja ma na. ² Aɖʋwaa: nyɔ anyɩna niya asoŋsonɔ nɖee ɩwəɖa ma, ŋkəŋ na n na kʋma anyɩn nashee aŋgʋlɔ Maseɖʋanɩ kəbaja baŋyɩɩ, naa lə waa: Akayii kəbaja ba cee akpeɖe boŋ na saa ɖoo gacokol; bakoŋkaarɩ ɖe aɖʋ bɛrɛ tutuu ma ɩkashɩ. ³ Ntɩ matəm atɩbawar bapɩ anyɩna sul naa, ʋkʋmʋɩ ŋkʋma anyɩn ashee pɩ ma ʋpaa lee fɔɩ na, galaŋ kpeɖe ma anyɩnalɔ, ɖaa nlə ma. ⁴ Kə ma na yɛɛ, waa Maseɖʋanɩ kəbaja bata yàlá atʋ ace anyɩnasul bapaa tɩŋə waa: kɩka na kpeɖe na, naa ka gɩcifala gɩjɩ atʋ kokoo anyɩn na. ⁵ Ŋkəŋ na ntəm ayɩɖa atɩ bawor waa: Bace anyɩnasul, atɩ wala wala gʋjɔɔ ŋgʋɖee ɩ ɖʋ waa ɩshee ma, gʋkpe, naa gʋlee anyɩn ʋciŋka nɩ na ɩshee kɩ lee nʋcimpɩɛka na. ⁶ Yɔ ma waa: Arɛɩ aɖu ceima, cei na anaa piɖe arɛɩ aɖu tuutuuma ma, tuutuuma na a naa piɖe. ⁷ Galaŋ baaŋa ashee ɖaa akʋr aniya n'ʋciŋkərka ma, ɩ paa lee təlashɩ kokoo batɩ caarɛɛ nɩ na, aɖʋwaa; Gaja gasɔlɔ nɖee a naa shee n'ʋciŋkər ka ma. ⁸ Aɖʋwaa: Gaja gɩtɩ gasəra ashee anyɩn kʋyɔgʋ tuutuuma, naa baanjəŋ ɩnɩɩ shɩ na wəɖo wəɖa baa mʋnʋ nɩ nakə ńanyɩmbʋkaata, naa awəɖa tuutuuma na lee ńalesʋra ɩsoŋsono. ⁹ Aɖʋwaa: Baŋɔn waa: Acɔɔ wəɖa gʋjɔɔ kʋ na shee bashɛɩrɛ ɖaa asɔlɔ ma, abʋcəma bʋ ɖaɖa nace nace. ¹⁰ Nɖee a na shee nɖo baɖuka n'ʋjɩʋ jɩka ma, ataa shee anyɩn naa apala bʋkɔɩ ɩɖu ɩɖu ma ɩŋʋm tuutuuma, ataa pele anyɩna ɖeiɖei kale ʋra. ¹¹ Ɩtɩɩ pra arisiki baja anyɩna baamʋnɩ, ashee gʋjɔɔ gʋlee kaɩ wəɖa nalee ma, laŋ na bʋkɔɩ gɩce na ma ashee pɩ ma, bakʋma Gaja. ¹² Aɖʋwaa: anyɩnʋkaŋʋ na ma, ɩkaŋa na Yerusalɛm kəbaja ma, ɩlee ali heeri abʋmbɔnɔ alesʋra tuutuuma nɩ naa baaŋa akʋma Gaja. ¹³ Anyɩnʋkaŋʋ na ma, ʋtɩ laa na faŋa ɖaa ɩna lee ma naa bakʋma Gaja ɖaa ɩna nyene Kristo alaabaarʋ asoŋsono kantəma, n'anyɩngʋjɔɔ ɩwəɖa na lee na shee baaŋa na ŋa ma. ¹⁴ Batɩ nyiŋə na shee anyin, aɖʋwaa: Bacɔɔ asɔlɔ anyɩn pɩbusu anyɩŋgʋjɔɔ gʋbʋmbɔnɔɩ Gaja galee ashee anyɩn ma laŋ. ¹⁵ Ʋkʋmʋ ʋtə Gaja ɩkoyar laŋ, agʋjɔɔ kʋʋnabon ayɔna.