¹ Ambawor ntɩ yɛɛ ma lə anyɩn, Gaja kagʋjɔɔɩ Masɖuanɩ ka cɔɔcɩ nɩ kəbaja ba ŋə. ² Ɩnawɩya tuutuuma nɖee ɩtʋŋapɩ ŋə ma, kagɩcɩɩca, baa nakama bʋcinkər ka ʋyɔgɔ paa, na bagɩshɛɩ nɛ gɩŋʋm arisiki abʋmbɔnɔ halɩ ba wəɖa gʋjɔɔ gʋlee ka. ³ Bacɔɔ lee gʋjɔɔ ncɔɔ lee kasəriya, na bʋcinsɔlɔka na ba lee awubʋkɔɩ bawəɖa, ⁴ Na balə atʋ waa atʋ gboo gɩ lee kaŋkaarɩ akaŋa na atɩ bawoɩ cɩrɩ cɩrɩ kəbaja ɩ baɖa Yesrusalɛm ma. ⁵ Kɩ lee waa ʋkaŋʋnama kanɖənɖən ɖaa gɩ na yɛɛ ma na, ama, ba cɔɔ atɔɔ bagɩlopi bagʋlɔ ashee nɖiyar ɖaa ɩsim ma, naa tɔɔ balɔ ashee atʋ gboo ɖaa Gaja gasɔlɔ ma. ⁶ Na gɩlə Tiitɩ aɖŋkəŋ abɔŋo ntəma nsoŋsono nɖe alee, aɖʋwaa: Acee ka səba ntəma nɖe. ⁷ Anyɩn gboo ɖaa ɩnalee anyɩn abaamʋ nʋ n'ʋcine wəɖaka, na bʋlei bʋləka, na koŋkaarɩ, aleʋra ɩŋunii nɩ ma, n'ʋsɔlɔɩ ɩsɔlɔ atʋ ma anyɩn miyaʋ lee ma, ntənsoŋsono nɖe. ⁸ Kə ma na lə na kpashɛ na shee anyɩn na ama, basaaka baŋə anyɩnakoŋ kaarɩ, nanyɩnʋsɔlʋ ɩjakʋja. ⁹ Aɖʋwaa: ɩyɔ atɩ nɖiyar Yeesu kristo, adei alee arisikiya ma, anyɩnalaŋ na apra ashɛɛrɛ naa anyɩn ɩpra arisiki baja. ¹⁰ Ɖaa n naŋəwaa ɩsim ɩlee ma, aɖʋwaa ɩcɩm ɩlee gəŋ kɩ lee waa ɖaa ɩcee na lee ma na, ama, ɖoo gacokol n'ɩcee kʋr kaniya. ¹¹ Lee ma, ntəma nɖe atɩ cəm kaayala, na bʋkɔɩ ɩwəɖa ma, na niya nɖee ɩwəɖa na lee na má mà ɩlee atɩ waɖa. ¹² Ɩta naa shee n'ʋcine ʋsoŋsono, shee bɛrɛ bacam n'ʋcine ʋɖɔŋkɔnɔ, kə ba lə waa mʋleeka kɩshee ɩwu gəŋ na. ¹³ Kɩ lee ba na yɛɛ bakara anyɩn gɩshɛɩrɛ n'akaŋa na basaaka na, ama, baaŋa awəɖa ɖeiɖei. ¹⁴ Naa ba ni gboo bʋkɔɩ bawəɖa kʋyɔgʋ ma, ɩtɩ kaŋa nanyɩn ŋkələ ɩ ɩnɩɩ tɩ sər anyɩn ma, bakaŋa n'anyɩn ɩlee ɖei ɖei. ¹⁵ Ʋŋɔn cɩrɩ cɩrɩ kabɔ, ɩlə waa: Nɖee apiɖe tuutuu ma ma, kagoro awəɖa na, nɖee apiɖe cei ma, akɔɖən kɩ sər nɩ na. ¹⁶ Ʋkʋmʋ ashee Gaja, ɖaa aɖʋ Tiitɩ ʋcine nɩ, kakoŋkaarɩ ɖe ashee anyɩn ma; ¹⁷ Aɖʋwaa Tiitɩ atələ bʋkɔɩ gɩ na yɛɛ ma, atɩ yɛɛ akɔɔ atɔɔ koŋkarɩ afɔlɩ nayɛɛ ace anyɩgaɖu n'ʋciŋsɔlɔ ka. ¹⁸ Gɩtɩ yɛɛ gɩ təm nɩ aɖe nna atʋwor nɖee baaŋa anakʋma, aɖʋwaa: Apalaka na laabaarʋ asɔŋsono ace ɩcɔɔcɩ mànà baŋunii nɩ, ¹⁹ Ʋni na ɩcɔɔcɩ mánà balaa waa anaa yàlà atʋ nace ɩnyɩŋoa gɩ na lee ntəma nsoŋsonɔ ɩ nlee atɩ nɖiyar ʋkʋmʋ kantəma ma, nalaa na səriya ɖaa gɩnalee n'ʋcine ʋsoŋsono ma. ²⁰ Ɖaa gəŋ ma na gɩ na lee naa ʋɖən apaatɩ yolo atʋ nabʋkɔɩ gɩcam, naa naa lo ɩ ma na; ²¹ Aɖʋwaa gɩtɩ yɛɛ bʋkɔɩ bʋcɩm ma, kɩ lee nɖiyar anɖənɖən aŋyɩɩ na, ama bɛrɛ baŋyɩɩ mɩaʋ. ²² Na gɩ lə atʋwor nɖee gɩŋə akoŋkaarɩ alesʋra tuutuuma nɩ ma ayala pɩ aace, na akɔɔ alaa na faŋa akoŋkaarɩ nɩ na yɛɛ waa ʋcine nɖee awəɖa ma atɩ kantan ńanyɩn. ²³ Galaŋ ɩta saa na Tiitɩ agaja, alee atanyɩʋtaja na nɩ na lee ntəma, anyɩnasul; ɩta saa n'atʋwor asaaka, ɩcɔɔcɩ mbaɖee ba lee Kristo ʋkʋmʋ ma; ba laaka nɩ natəm. ²⁴ Laa ma afa pɩ waa ɩsɔlɔ pɩ gɩshɛbʋ n'ja naa ɩcɔɔcɩ bashee ɩja ayɔ waa gɩwəɖa ɩja gɩ kʋma ata lɔ anyɩna sul.