¹ Amʋ pɔɔlɩ, ntɩ ŋɔn na nyɩŋə anyɩn na Kristo abʋcəmakalɩbarka, ntɩ buro aŋgʋlɔ anyɩŋyɩɩ ntaɖa anyɩngɩcɩɩca, ama, nta mana anyɩnasul aɖa gaɖu lɩŋka ntɩ paŋ anyɩn. ² Ntɩ ɖʋ anyɩn suuru, ŋkələ̀ ma kpa anyɩnasul ma, ɩ paa lee amʋ ɖoole ma cuu ʋpaŋ kaarɛ ɩ baɖən ba na kiɖe atʋ ɖaa gʋrɩlɔ kaarɛ jɩ gɩ na cu. ³ Gɩ ta naa sara gʋrɩlɔ nɩ, kɩɩ na cɩ gʋrɩlɔ kagʋtara na. ⁴ Aɖʋwaa: Bʋkɔɩ gɩ na cɩ na gʋtanɖma, kɩ lee gʋrɩlɔ kayɔkɔ nɩ gɩ na ci na gʋtara na, ama Gaja katar yɔkɔ nɩ gɩ na ci na gʋtara. Na pɛɛpɛɛ na ɖur ɩkashɩɩ na kpaarɩ na Gaja ma. ⁵ Gɩtɩ kə na pɛɛpɛɛ afaŋaɩ ɩ nataakalɔ alaŋ natəŋ Gaja kʋyɔʋ ma, naa naa yɛɛ gɩ pɩ na bɛrɛ bafaŋa ɩnyene Kristo. ⁶ Anyɩnʋnyenu ʋta tɩ kpe aboŋo, gɩtɩɩ bɔ mbaɖee kəbana nyene na ma, batɔ. ⁷ Kiɖe ma gɩshɛbʋ! ʋɖən ata naa tɔɔ agʋlɔ waa aɖe lee Kristo aja, ɩsim a lə agʋlɔ agɩlopi waa aɖe lee Kristo aja ma, atʋ gboo Kristo abaja pɩ gɩ lee. ⁸ Nta saŋkɔɔ na kʋma aŋgʋlɔ yɔgʋ yɔgʋ ɖaa ɩko nɖee nɖiyar ashee atʋ waa gɩ cere n'anyɩn, kɩlee waagɩ ɖun anyɩn na ma aa ka gɩja gɩ cifala ka gɩ jɩ amʋ na. ⁹ Naa amabɔ n na ŋɔn na shee anyɩn ma, ɩpaa kolo anyɩŋganɔ na. ¹⁰ Aɖʋwaa baɖən batɩ lə waa: Abɔ kabʋlei bʋkaŋkrə na caarɛ gaɖu: Ama ata ɖa atasul, ka na haʋ atʋ na, abʋliləka bʋɖe bʋ buro. ¹¹ Arɛ ɩ ana lə gəŋ ma, karɛ ayɔ waa: Ɖaa atɩ bʋlei bʋkaŋkrə gɩtɩ mana anyɩnasul ma aa, gəŋ ci gboo gɩ ta ɖa anyɩnasul atibʋlei bʋkaŋkrə. ¹² Atɩɩ kɩɩ na yɛɛ gɩtɔɔ atalɔ afana m'ʋɖən na, kokoo gɩ kpaarɩ na mbaɖee ba na shee balɔ ɩja bagɩlopi ma na. Ama, batɩ kɛɛhɩ na bagɩlopɩ ɖaa baɖa ma, bana kɛɛshɩ na ba gɩlopi gəŋ ma aa: Gʋfaŋa kʋʋtə pɩna. ¹³ Ɩta saa n'tʋ, kɩ nayɛɛ gɩkʋma atalɔa ɖə gayalaɩ ba ɖʋ ashee atʋ ma na, gayala ŋgaɖee Gaja gaɖʋ ashee atʋ ma, gɩ nɩ jɩ na yɛɛ gɩyɩɖe na ma, ɖaa gɩ sara Halɩ atɩ kpa anyɩnasul ma na gəŋ. ¹⁴ Kɩɩ na yɛe gɩsəla atɩ gayala na, ɖaa kɩɩ kpa anyɩnasul ma na, Anyɩnasul na gɩ kpa na Kristo alaabaarʋ asoŋsono. ¹⁵ Kɩɩ səla ʋɖən agayala alee baɖən ba ntə ma, na kʋma alalɔ na: Ama, na tama, ɩta jɩ anyɩnʋcine ɩwəɖa ma, ʋtɩ pele na kpər na ce anyɩŋgɩcɩica, ɖaa gayalaɩ baɖʋ ashee atʋ ma. ¹⁶ Waa gɩ lə laabaarʋ aɖə anyɩŋgaɖu, gɩ paa tɩ kʋma ata lɔ na ba saaka bantəma balee ayala gaduu bayala ma na. ¹⁷ Arɛɩ a na kʋma agʋlɔ ma, akʋma agʋlɔ Kristo nɩ. ¹⁸ Kɩ lee nɖee ana kʋma agʋlɔma, awəɖa ka aŋfaanɩ na, ama, nɖee nɖiyar ana kʋma ma, awəɖaka aŋfaanɩ.