¹ Oh! maa, ɩtɩɩ səra atoŋo amʋŋyashɛshɛ! gasono ɩlafʋ atoŋo amʋ! ² Aɖʋwaa: Ntɩ cel nanyɩn gʋcele Gaja kagʋcele kʋ nna cel nanyɩn, aɖʋwaa njɩl anyɩn pɩ ashee ʋsoro aɖɔŋkɔnɔ, ʋni na gəŋ Kristo ɖaa ʋpigii nɖee aɖa cɩrɩ cɩrɩ ka yɔ ʋsoro na ma. ³ lige ma, waa: Na gɩyɔɩ jɩ ʋbu apɩ atɩ paapaa na awa, asampəna ɩyɩ kpa amʋ na gaɖɔŋkɔnɔ, waa bapaa tɩ paapaa anyɩn, ɩpaɖa na Kristo na. ⁴ Ʋɖən atakɔɔ apɩtɩ na lee Yeesu afɔlɩ awaasu na shee a nyɩn, ɖaban na nɖee gɩ lee awaasu ashee a nyɩn ma, kokoo ŋŋuro nfɔlɩ ɖaban na nɖee ɩcam ma, ɩtɩ tɩ tələ na shee karɛ gɩshɛbu. ⁵ Ntɩ ŋə waa: Ba təmka baɖe ɩna tɔɔ waa ba ŋərə ma, kə ma jɩba baŋyɩɩ na. ⁶ Baa maa abʋliləka nɩ kə ma yɔ kanɖina kɩ lee nɖee awəɖa ʋyɔʋ awu amʋ ma, asul na nɖa na, gɩ saŋkɔɔ akaɖa afaŋa anyɩn kpaa baa mʋ nʋ nɩ. ⁷ Yaa mburo aŋgʋlɔ anyɩnasul naa anyɩn ɩ taa alaŋ ma, nlee taalɩ aa? Gaja kalaabaarʋ asoŋsono na nlee ashee anyɩn faala aa? ⁸ Ncam n'ɩcɔɔcɩ basaaka ɖaaba na cam ʋsəlʋ ma, apɩ tɩ kaŋa n'anyɩ. Nkələ ɩ nɖa anyɩn asul naa ɩna Hɩɛ amʋ ma, kə ma pala ʋɖən akaŋa n'amʋ na; ⁹ Aɖʋwaa: Atɩ bawor ɩbaɖoo na Maseɖuanɩ ma, ba shee amʋ bʋkɔi bʋ sər amʋ ma. Nri aŋgʋlɔ baa mʋ nʋ nɩ, ma paa tɩ lee ʋɖʋra ashee ʋɖən na, nsaŋkɔɔtɩ yɛɛ ma toŋo gəŋ. ¹⁰ Na Kristo ɩɩja nɖee ɩɖa amʋ nnɩ nɩ ma, ntɩ lə waa: ʋɖən kaasəra a pɩr n'amʋ ʋni kʋjɩ kʋmʋ akayii ɩkara kara ɩŋunii nɩ na. ¹¹ Maakɔ laŋ? kə ma sɔlɔ anyɩn pɩ aa? Gaja kanɖənɖən ga yɔ! ¹² Ama, gəŋ ci n na lee, naa makɔɔ alee gəŋ acəŋə naa mbaɖee ba na yɛɛ batɔɔ balɔ akpaarɩ n'atʋ ma, baɖa ɖaa atʋ ma, ba paa kʋma balɔ na. ¹³ Bɛrɛ baɖe ɩsəi kəbatəmka pɩ ba lee, mpaapaa kəbatənleeja pɩ balee, ba cəpra balɔ apra Kristo abatəmka. ¹⁴ Gani kaalee bitina, aɖʋwaa sheetaanɩ gboo atɩ tɔɔ agʋlɔ apra ɖaa Malaɩka ʋkaɖʋ kaja ma. ¹⁵ Ɩni kɩ lee gɩsana waa: sheetaanɩ ɩminisi, batɔɔ balɔɔ apra ɖaa ɖei ɖei kɩ minisi ba na lee ma na ama, baaye ataaboŋo ɖaa ba lee bantəma ma. ¹⁶ Ntɩ lə jɩ acəŋə, waa: ʋɖən apaa tɔɔ amʋ ɖaa ŋyasɛshɛyar ma na; Ama cam ma amʋ ɖaa ŋyashɛshɛyar ma, naa amʋ miyaʋ makʋma aŋgʋlɔ cei. ¹⁷ Ŋgaɖee n na lə, na shee ɩja na yɛɛ makʋma aŋgʋlɔ ma, kə ma na lə ɖaa nɖiyar a na yɛɛ ma na, ama námʋ ŋyashɛshɛ njɩ nna lə. ¹⁸ Aɖʋwaa: Bɛrɛ tuutuuma ba na kʋma balɔ, amʋ gboo shee ma kʋma aŋgʋlɔ. ¹⁹ Aɖʋwaa: Anyɩn ɩ ɩlee afaŋa baja ma, ɩkɔɔ tɩ cam ŋyashɛshɛ baja. ²⁰ Ʋɖən ata tɔɔ anyɩn apra adɔmpəla, ʋɖən ata naa caarɛ anyɩn, ʋɖən ata naa muulee anyɩn, ʋɖən ata naa lim anyɩn ʋɖən ata sə anyɩnɩlanɖa gʋnyɛ, ɩ tɩ tələ na shee karɛ. ²¹ Gɩ cɩfala gɩtɩ kpa amʋ, ma lə waa: Gɩfaŋa anfara. Baa nakama, ʋɖən atatɩ nayɛɛ asheeshee agʋlɔ; amʋ gboo ntɩ ma sheeshee angʋlɔ ɖaa ŋyashɛshɛ yar ma. ²² Hebree kəbaja pɩ aa? amʋ gboo nlee Hebree kaja na. Israɛl kəbaja pɩ aa? Amʋ gboo nlee Israɛl kajana. Abraham bapur pɩ aa? Amʋ gboo nlee Abraham ʋpur na. ²³ Kristo ɩminiisi pɩ ba lee aa? Amʋ gboo nlee Kristo aminiisi na awu pɩ amʋ ntəma kʋleu nɩ, bakə amʋ akpala tuutuuma, baɖʋ amʋ ɩsarka nɩ akpala gʋyagʋya. Aɖa bʋce ka jamba nɩ. ²⁴ Akpala ɩnun nɩ Yuɖaa kəbaja ba kəɖa amʋ ɩpɛ nɖən mana ɩshɩnʋn. ²⁵ Akpala ɩriu bakə amʋ ma, nkpala ba nyɩm amʋ atala, akpala ɩriu nɩ gɩ mɩɛ bʋto nɩ, na baɖʋ amʋ gʋkulu nɩ gɩshili kɔnɔ gɩɖən na gɩjibɔŋɔ gɩ ɖən. ²⁶ Ɩnyɩŋca ɩcəka akpala tuutuuma, bʋtobʋmbɔnɩ kɩjamba bawəɖa amʋ, ifolu ɩbɔnɔ baja balee amʋ jamba, Amasamaa nɩ kə barɛ balee amʋ jamba, mpà nɩ ba lee amʋ jamba, ʋteru nɩ jamba awəɖamʋ, Təŋku nɩ jamba awəɖamʋ, atɩ bawor ɩsəi baja balee amʋ jamba. ²⁷ Nlee atəma ɩkpamʋ, gɩfonyine gɩ ma na, akɔmɔ n'ʋtunyem, akʋr bʋnɔ akpala tuutuuma, ʋnyəŋkrə ʋtɩ kə ayɔkɔkaraka ɩmana. ²⁸ Kɩɖa ba lə alesʋra Ɩsaaka na, baa njəŋ nshɩ naɖa na faŋa faŋa ɩ cɔɔcɩ ma laŋ na lee ceewa. ²⁹ Ʋɖən agʋlɔ gʋta cii amʋ gboo aŋgʋlɔ gʋ na cici ʋɖən atafəɖa taalɩ taalɩ ɖən nɩ, ɩna yar amʋ na paa. ³⁰ Ɩta jɩ waa gʋlɔkʋmaka gʋɖa, amʋŋfara nɩ na ma kʋma aŋgʋlɔ! ³¹ Gaja ɩgalee atɩnɖiyar Yeesu ayar, alee alɩbarka yar nace nace ma, ayɔ waa: kə ma na lee ɩsəi na. ³² Ɖamaasɩ kampa nɩ, gʋpayarɩ Aretaasɩ akələ kələ Damaasi kəbaja bampà na yɛɛ ari amʋ. ³³ Ama, ba na tɔɔ amʋ na adʋ gashɛɩ nɩ nɩ argə n'ʋyarɩ katokporo, amʋnfɔɖɔ banyɛ nɩ.