¹ Ɩsəm ma shee shee aŋgʋlɔ aa? ɩni kɩ caa wəɖa aŋfaanɩ ɖən na, ama, ntɩ ma lə bʋkɔɩ nɖi yar akaɖa afaŋa amʋ nyɔ ma. ² Nyɔ ʋsoro ɖən, alee Kristo ajana, ɩlee bʋja təb na bʋnan bataanɩ ace na alaŋ laʋ alɩ jaŋna nɩ, ba taa nɩ na ńagʋrɩlɔɔ? Kəma yɔ na, kaɖa gʋrɩlɔ nɩ na aa? Gaja ga yɔ ka? ³ Ncɔɔ ayɔ waa: ʋsoro ɖe n'agʋrɩlɔ kʋ acə aa? kəma yɔ na ma ama Gaja ga yɔ. ⁴ Ba taa nɩ ace na, alijaŋna nɩ ma, n'arəŋə bʋlei ɩ kəbashee arɛ ganɔ asər aləbʋ na ma. ⁵ Ɖaa kajarɛ ɖe ma, ntɩ shee nɩ ama, ɩta saa ńam ʋamʋŋfara nɩ na n na shee shee aŋgʋlɔ. ⁶ Baa maa nsheeshee aŋgʋlɔ, kə ma lee n yashɛshɛyar na, aɖʋwaa: ɩja nɩ n nalə; Ama nte lee laakaarɩ, naa ʋɖən apaa tɩ ŋə ɖən waa wu amʋ, na kɩlee bʋkɔɩ aŋə ńamʋ kokoo a rəŋə n nalə ma na. ⁷ Naa ma paa tɩ nafaŋa aŋʋlɔ, aɖʋ bʋkɔ bʋ ŋənə ɩ bakaɖa afaŋa amʋ ma na, baɖʋ ɩca aŋgʋlɔ nɩ sheetaanɩ amalaɩka atɩ sə amʋ anyɛ na kəl amʋ ma paa tɩ na faŋa aŋgʋlɔ na. ⁸ Akpala ɩriu nɩ n nyiŋə nɖiyar waa atutur nɩ alɩŋ ńamʋ gaɖu. ⁹ Na a lə amʋ waa: Aŋgʋjɔ gʋyɔgo ashee akɩ, aɖʋwaa: Kɩŋfara nɩ na amɩkashɩ ɩna lee katəma, Gəŋ ma shee ma shee shee aŋgʋlɔ na yɛɛnɛɛ amʋŋfara nɩ, naa Kristo ɩkashɩ ɩrgə amaloŋ. ¹⁰ Galaŋ na n nabelenshi amʋfara nɩ, batɩ yɛɛ amʋ lei, na ciu ńamʋ, naɖʋ amʋ ɩnawɩya, nɖa ʋcimpɩ ɛka nɩ Kristo laŋ: Aɖʋwaa: Ŋkələ nɖa ŋfara nɩ ma kaŋkələ njɩ aŋgʋlɔ gʋ na kaŋkər. ¹¹ Nlee nyashɛshɛyar, ama anyɩn ɩɖʋ ka amʋ, maa anyɩn ɩnɩɩ shee amʋ ganɔ, aɖʋwaa: Batəmka baɖe, ɩna tɔɔ pɩ waa: baŋərə ma, kə ma jiba baŋyɩɩ baa maa kə ma pa akɔɖən na. ¹² Amʋtəm kantəma nlee mpiaram na bʋɖu anyɩngɩcɩɩca ńamasuuru, ɩ nawɩ ya tuutuuma nɩ na biti kalesʋra, na maamaa ci kalesʋra. ¹³ Maakɔ nɩ ŋkaŋa nɩcɔɔcɩ basaaka awu anyɩn, na kɩ lee kə matələ malee ʋɖʋra ashee anyɩn ma na? Təɖə ma amʋ galei gaɖe laŋ. ¹⁴ Mkpala nriutaja n naa kama nkpeɖe nayɛɛ ma ce anyɩnasul ma, na kə ma na yɛɛ ma lee ʋɖʋra ashee anyɩn na; Aɖʋwaa: kɩ lee anyɩna maana na nnayɛɛ na, anyɩn gɩlopijɩ n nayɛ kɩ lee bapi ba na wala amaana nashee bayà na, ama bayà ba na wala amaana na shee bapi. ¹⁵ Ɩta saa ńmʋ ntɩ ma cɔɔ ajɩ ɩtanɩ ɖaa nsɔlɔ ma, ntɩ ma kɔɔ ajɩ ɩtanɩ ɖe anyɩnaŋŋuro laŋ nsɔlɔ anyɩn gɩshɛbʋ gɩshɛbʋ ma, laŋ na anyɩn kɩsɔlɔ amʋ ɖaa ɩsəm ma aa? ¹⁶ Gəŋ ma, kə malee ʋɖʋra ashee anyɩn na, ama rianyɩn pɩ na gɩyɔɩ! ¹⁷ Taa ma akiɖe bɛrɛɩ ntəm anyɩnasul ma, nlo b'ʋɖən a cam n'anyɩn akɔɖən aa? ¹⁸ Ntəm Tiitɩ ace anyɩnasul ma, na nlə ʋwar waa ayalà nɩ ace ma, Tiitɩ ɖe atəɖə anyɩn ʋɖa aa? Kɩ lee gasana gaɖɔŋkɔnɔ jɩ gɩsara akʋn ʋnyɩnca ʋɖɔŋkɔnɔ aa? ¹⁹ Ɩtɩ faŋa faŋa waa ɖoo ɖaa gɩ na lə ma, gɩ na lə lə na laa atalɔ ncən anyɩnasul. Ama Gaja kaŋyɩɩ Kristo nɩ, na gɩ na lə; ɩŋunii kpataa atɩ basɔlɔ ka, gɩ na lələ na shee anyɩna baamʋ kaŋyɩɩ kʋceu. ²⁰ Ntɩ cu asampəna waa ma paa tɩ kpa anyɩna sul ɩpaa ɖa ɖaa n na yɛɛ ma na, naa ɩpaatɩ ŋə amʋ aŋgɩlopɩ ɖaa bʋkɔɩ kɩ na yɛɛ na ma nɩ, asampəna ɩtɩ kpamʋ, ma paatɩ kpa awəɖa nyɩ bʋboro nɩ na, na ncəŋyoro nɩ, n'ɩbɔrɩ ŋɔnja balesʋra, na cim n'anyɩmbawor ɩkəma ɩbɔnɔ, na piɛ anyɩmbawor, na ciu n'anyɩmbawor, na taa anyinalɔ alaŋ, na ɖʋ ntərətərə. ²¹ Ntɩ cu asampəna amʋkpaʋ anyɩnasul Gaja gapaa pala gɩcifala gɩ kpamʋ acəŋə anyɩnalesʋra laŋ ma kara gako na yu bɛrɛ tuutuumaɩ bakɔɔ alee mbɔnɔ naa kəba fʋba balesʋra ajɩwa kɩ ja, fɔɩfɔɩ kalesʋra, gʋlɔjiŋkə n'alesʋra ɩkɩwẹɖa nɖi na ma.