¹ Ɩlee ŋkpala nriu taja nji gǝŋ ca ce anyɩŋga ɖu ma bɛrɛ banyɩʋ yaa bariu basǝriya nɍa gɩlee ntǝma. ² Saa nɖee nce anyɩŋgaɖu ŋkpala nnyɩʋtaja ma ncee a lǝ anyɩn ŋkɔɔ tɩ lǝ anyɩu acǝŋǝ ɖe waa mbaɖee balee alesʋra ɩbɔnɔ ɖe ma kǝ ma pala pɩ na. ³ Ɩtɩ yɛɛ waa Kristo akʋn ńamʋ alə ńanyɩn, aɖeɩ kawəɖa nfara na ma, ama awəɖa ɩkashɩ anyɩng cɩɩca. ⁴ Kristo agʋlɔfarka laŋ na bakal nɩ gʋyo kaŋkʋro laŋ, ama, n nyəmə aɖa ŋŋuro nɩ na Gaja kɩkashɩ atʋ gboo gɩfar atalɔ Kristo nɩ, ama, na nɩ gɩma aɖa ŋŋuro nɩ na Gaja kɩkasɩ na lee anyɩnasul. ⁵ Pɛmpɛŋɛ ma akiɖe anyɩnalɔ gɩshɛbɔ aŋə ɩta jɩ waa: ɩ naa ɖa ʋcine wəɖaka nɩ, Tʋŋa ma anyɩna akiɖe gɩshɛbʋ. Kɩ yɔ waa: Yeesu kristo aɖa anyɩnɩnɩ aa? ba ta kɔɔ nányɩn abəɖa ganɩ baasi. ⁶ Ama, ntɩ yɛɛ ɩyɔ gɩshɛbu waa: kə ba kɔɔ n'atʋ abəɖa na. ⁷ Baa na kama, gɩtɩ nyiŋə Gaja nashee anyɩn ɩ paatɩ lee taalɩ ɖən na, ɩpaatɩ jɩ waa atʋ gɩ nakʋma anyɩn na, ama, ɩ naa bʋkɔɩ bʋ cɩm ma, naa ɩta saa n'atʋ atɩ galei gacii. ⁸ Aɖʋwaa: kɩɩ wəɖa ɩkashɩ awu ɩja na, ama gɩ na lee na shee ɩja nɩ. ⁹ Ŋkələ gɩɖa nfara nɩ ma, kasaa na atɩ cine ɩna kərə; kasaa ɖe, anyɩn ɩwəɖa ɩkashɩ; Bʋkɔɩ gɩ na nyiŋə Gaja na shee anyɩn ma na waa: ɩwəɖa ɩwəɖa nɖawa nŋərə. ¹⁰ Galaŋ na nna ŋɔn bʋlei mbʋɖe baamaa kə ma ɖa anyɩnasul na, naa ntatɩ kpa anyɩnasul, ma paa kɔɔ apam anyɩn na pəwələ anyɩnalaŋ, n'ɩko nɖee nɖiyar ashee amʋ aɖʋ anyɩŋyɩɩ kʋ ceu, kɩ lee waa: Madur anyɩn na. ¹¹ Nagaɖee gasaa ma, ambawar, ɖama ʋciŋkərka nɩ, pɛmpɛŋɛ ma anyɩnalɔ, nyəŋkrə ma, anyɩmb awar bɩ cine, na rəŋə nanyɩmbawor, ɖa mafɛɛ, naa Gaja ɩ galee ʋsɔlʋ na fɛɛ k'aja ma, ga ɖa anyɩnasul. ¹² Sala ma, anyɩmbawor nsala nsoŋsono nakur atən, Kristo kəbaja baŋunii batɩ sala anyɩn. ¹³ Atɩ nɖiyar Yeesu-Kristo agʋjɔɔ, ¹⁴ na Gaja kagʋjɔɔ, na ŋŋuro nsaŋsono kʋɖaʋ na ma ɩ ɖa n'an yɩŋganɔ kpataa!