¹ Ba səmprə nyene ma anyɩn bakulo, naa n'ʋɖən ka na nyene Gaja kaalei na, anyɩn nɖawa nsoŋsono laŋ ɩjɩ nɩ caa caa apaa ka na rəŋə galei na bábà ka bagasana laŋ. ² Bata ŋə anyɩŋɖawa ɖaa ɩtoŋo anyɩnalɔ na laa aləsʋra nɩ ma. ³ Na ki wəɖa alɔ laŋ kʋjiŋu, n'aŋʋrʋ ɩfar ka, na ɖʋ ɩlaalɩ, na wura kɩ shishiri kokoo ɩtoko ba piɖe piɖe ka ɩ ba na kana ma. ⁴ Ama bʋkɔɩ bʋlee ʋjiŋu gʋlɔnɩ ma, ɩni ɩfərə gɩfolunɩ na, ʋjiŋu nɖee kʋ na bu na ma, ʋni ʋɖoo na yaashɩ asoŋsono ndee asan aɖa shɛlɛm, ɩ ni ɩlee ka gʋyakaŋkra Gaja sul. ⁵ Gəŋci ɖoo ɖoo ɖo kə basəmprə cɩrɩ cɩrɩ kə baja ɩ bawəɖa tamaa na Gaja ma; banye ne ba ba kul. Ɖaa sahara anyene ʋkur Abraham naa naa yɩɖa nɩ waa: ⁶ Amʋnɖi yar alaŋ na ba na lə waa: ɩlee bapur, ɩta naa lee bʋkɔi bʋ cim ma, paa ma tɩ kara anyɩnalɔ ntərətərə naa asampəna ɖən ɩkpa anyɩn na. ⁷ Anyɩn ɩ ɩlee bakulo ma, wəɖa ma asəŋsi n'ʋyɔ ʋ anyɩn na nyɩnbako tɔɔ pɩ ɖaa mbaɖee kə ba wəɖa ɩkaŋkɩrɩ na ma. Dʋ ma pɩ ŋyɩda ɖaa mbaɖe na pɩ ɩnɩɩ man ajɩ Gaja ka gʋjɔ ŋŋuro ka gʋja katiibi. Ɩlee gəŋ naa akɔɖən ɩ paa tɩ kəl anyɩnʋnyiŋu na. ⁸ Kaŋkəm anyɩnganɔ wəɖa ma gʋfaŋa gʋɖɔŋkɔnɔ na ganɔ gaɖɔŋkɔnɔ, ńanyɩnbawor, ʋsɔlʋ ɩja kʋja ʋɖa ɩɖa ɩnaa ŋə anyɩmba wor bɩshɛɩ na buro anyɩnalɔ. ⁹ Paa ma səla anyɩmbawor mbɔnɔ na, paa ma səla anyɩmbawor aluntɔ na, ɖʋ ma alɩbarka, aɖʋwaa: gaŋ na bayɩɖa anyɩn naa ɩjɩ alibarka katiibi. ¹⁰ Ʋɖən a ta naa yɛɛ asɔlɔ aye naa a ŋŋuro nlama, shee karɛ ari agɩɖanʋ na aganɔ na paapaa kabʋlei nakalesʋra. ¹¹ Karɛ alɩŋ ńagʋlɔ mbɔnɔ, naa lee nsono, karɛ a yɛɛ fɛɛ kʋɖaʋ atər kaŋkəm. ¹² Aɖʋwaa: Nɖi yar ɩnyine ɩɖa mbaɖe batəŋə ma laŋ, atɔ gboo ɩtɩ rəŋə b'ʋnyiŋu, Ama, mbaɖee ba na lee mbɔnɔ ma, atɩ təŋə pɩ. ¹³ Ba na ɖʋ anyɩn nawɩya saa nɖee ɩkara gayɛ na lee nsono ma. ¹⁴ Gita kiɖe, ʋta naa jɩ ɩshɛɩ ʋtəŋʊ kanɖi laŋ, ʋŋə ndi nsono. Paa ma cu pɩ asampənɩ paa ma saŋkɔɔ akpa ntərətərə nɩ na; ¹⁵ Na ma na kʋma nɖi yar Kristo anyɩnfolu nɩ kpede ma, na bəla ńabəla ńanyɩnalɔ a ma ńʋrɩsana baanjəŋ, ʋɖən ata naa yɛɛ ataba anyɩn tamaa nɖee ɩwəɖa ma, kaashɩ. ¹⁶ Naa ɩwəɖa nɖawa nsoŋsono, naa gaɖu ɩ bana yɛɛ baciu ńanyɩn ɖaa ba na ciu n'alesvra ɩbɔnɔ baja ma, mbaɖe banaŋə anyɩna ɖàà Kristo nɩ ma, gɩcifala gɩjɩpɩ. ¹⁷ Aɖʋwaa: ʋta naa jɩ ɩshɛɩ, nɩɩ jɩ waa Gaja kʋci nɔlɔka na, nalee nansono, ɩcɩm awu alee mbɔnɔ. ¹⁸ Kristo gboo ajɩ ɩshɛɩ ŋkpala nɖɔŋkɔnɔ ashee mbɔnɔ baja aɖeɩ alee atəŋə ma ashee mbaɖee kə ba təŋə na ma naa atɔɔ atʋ acə na Gaja sul, ba kə nɩ aci gʋlɔ nɩ, ama na ŋŋuro nkɔɔ apɩ na nɩ aye nɩ. ¹⁹ Ace tɩ lee waasu ashee mbaɖe baŋŋuro ɩɖa sarka nɩ ma. ²⁰ Bani ɩ bɩfolu ɩbʋŋa acir, ŋkələ Gaja ka suuru ajɩ na pɩ, ŋkələ Nuhum a na kal ŋyifoi nɖee nɩ bɛrɛ ganaana ba ŋə nɖinsono aɖaa naɖi bʋto nɩ. ²¹ Bʋto bʋɖe bʋɖe bʋ ɖoo bʋtomənaka bu, kɩ lee mbʋɖee bana la gʋlɔ nɩ kajɩwa mana, ama ɩlee ʋyiɖu nama na nɖawa nsoŋsono ashee Gaja, na nnyimə ɩnafʋra a nyɩn gboo na Yeesu-Kristo. ²² Asə Gaja kagʋnyɛsono laŋ ɖoo ɖaa aboɖo alaŋ laŋ ma, n'ɩmalaɩka n'alaŋlaŋ kaɖi baja bakaŋkra, n'ɩkashɩ ndee iɖa alaŋ ma ŋunii kpataa ɩkur atən aŋyɩɩ.