¹ Galaŋ bəɖa ma gɩyɔɩ na ɖibi ɖibi kalesʋra n'ʋrɩpaɖʋ ńanyɩmbawor, na gɩnyɩŋfɔnɔ n'anyɩmbawar babʋlibɔnɔ na. ² Yɛɛ ma bʋ nye ŋŋuro nɩ kabʋja ɩ bʋ lee cɩrɩ cɩrɩ, ɖaa bapi kokoli bana yɛɛ ma naa ɩkʋn na nɩ akpər ashee anyɩndi nsono. ³ Ɩta kəm aŋə waa ndiyar a cɩm. ⁴ Kəm ma asəla na nɩ, alee ka ŋŋuro kantala ɩ bɛrɛ bakɔɔ na ma, abəɖa ma, nshee kalee ntala ŋŋərə Gaja kaŋyɩɩ, na alaa njɩ ashee agʋlɔ. ⁵ Anyɩn gilopi ɩɖa ɖa ɖa atala ŋŋuro kɩja ma wala ma anyɩnalɔ ɩlee ŋŋuro kəbaləfaja bagafala, naa ɩnaa laa saraa ŋŋuro nɩkəbajaɩ ba cɩm na Gaja na Yeesu-Kristo ma. ⁶ Aɖʋwaa: Ba ŋɔn ʋlə waa: kiɖe, nɖʋ ntala nŋərə ɩ balaa ma siyɔ nɩ, ncəkətala; Arɛ nɖee ashee njɩ ɩja ma, kɩɩ ɖa nɩ ŋkomo ayɔna. ⁷ Ɩlee ŋyɩɖa nɖʋ ka ashee anyɩn ɩ ɩshee ɩja ma, ɩta saa na ɩfolu cinka baja, nlee ntala ndee ba cəka ɩfala ba kɔɔ na ma abəɖa ma, mpra ka nɖee ntaŋa ncəkələ nɩ ma, na ntala nɖee nnakara bɛrɛ ntərətərə na pala bɛrɛ baɖe batɩ ka nafəɖa ma na. ⁸ Ba sana na ka ɩŋɩ kəba shee galei ɩja na, ba nipɩ ba ye ashee. ⁹ Ɩtasaa ńanyɩn, ɩlee mbaɖee balaa afələ nɩsankɔɔ alee bayarɩ pɩ, sama cɩrɩ cɩrɩ kaja mbaɖee bashɩpɩ alam atən ma, naa ɩlə nɖee a yɩɖa anyɩn ɩɖoo ŋkomo nɩ akpa ʋkaɖʋ ʋŋərə nɩ ma abʋcəma kalesʋna. ¹⁰ Anyɩn mbaɖee kɩbʋŋa alee samaa na ma, nnyɩmə anyɩn pɩ Gaja kasamaa, anyɩnɩ ɩshɛɩŋəka kɩbʋŋa ɖa ashee anyɩn na ma, ɩ cam ɩshɛɩ ŋəka. ¹¹ Atɩ basɔlɔka, ntɩ ɖʋ anyɩn ɩkashɩ, anyɩn mbaɖee ɩlee basana alee banyɩŋca cəja gatəna laŋ ma, waa: ɩbɔ anyɩnalɔ na gʋrilɔ kagɩnyiŋfɔnɔɩ gɩ na cə gʋtara n'atɩ ŋŋuro ma. ¹² Wəɖa ma Haalɩ nsoŋsono mbaɖee kə ba yɔ Gaja na ma baŋyɩɩ, naa gaɖʋ ɩ ba na yɛɛ ba ciu nanyɩn ɖaa alesʋna ɩbɔnɔ baja ma ma, ba ŋə anyɩnalesʋra ɩsəŋsono, naa ŋkələ Gaja gajeɖe pɩ ma bakʋma Gaja. ¹³ Nɖɩ yar laŋ naa ma na buro anyɩnalɔ aɖi ba jaɩ batɩ pɩ ma baŋyɩɩ ɖaa ba tɩ Gpayarɩ ma. ¹⁴ Ɖa ba tɩ gominantɩ a naa bɔ alesʋra ɩbɔnɔ baja tɔ ma, naa naa kʋma aləṣʋra ɩsoŋsono baja ma. ¹⁵ Aɖʋwaa: ɩlee Gajakʋcɩŋsɔlɔ ka, ɩta naa lee nsono, anyɩŋsono nɖe ɩ na lee ma, nnɩ pɔɔ n yashɛshɛ baja na mbaɖee kəba wəɖa gʋfaŋa na ma ba bʋ nɔ. ¹⁶ Ɖaa ɩɖa ashee anyɩnalɔ ma, muugum ka gʋlesʋra gʋɖən gʋ paa fərə nanyɩ ɩnaa lee mbɔnɔ na, ama anyɩnɖawa nlee Gaja kəbatəŋleeja ba nɖawa. ¹⁷ Nyene ma bɛrɛ baŋuni. Naa asɔlɔ anyɩmbawor; cu ma Gaja, Naa anyene gʋpayarɩ. ¹⁸ Batənlee ja bʋro ma, anyɩnalɔ baa mʋ nʋ nɩ anyɩn ɩtanɩ baja baŋyɩɩ, kɩ lee mbaɖee ba lee basosono asanbɛrɛ ma banɖən ɖən na ama mbaɖe basɔmbɛrɛ ma gboo. ¹⁹ Aɖʋwaa ɩlee gʋjɔ kʋ anaa jɩ ɩshɛɩ ɖoole kɩ ja ńʋcine ʋsoŋsono ashee Gaja, ʋtanaa jɩ ɩshɛɩ kɩ təŋə na ma. ²⁰ Ʋkʋmʋ paŋa ʋɖa ka saa nɖee ʋlee gʋlesʋra gʋbɔnɔ gʋɖə naa ba na bɔ akatɔ ma? Ama, ʋtatoŋo ishɛɩ ɩjɩ ka ɖe akara gayɛ na lee nsoŋsono, ɩlee gʋjɔɔ kʋ Gaja kaŋyɩɩ. ²¹ Galaŋ na ba yɩɖa anyɩn, aɖʋwaa Kristo gboo ajɩ ɩshɛɩ, naa apala ashee anyɩn ɩkɩɖe nama, naa ɩkʋn ambɔlɔ. ²² Aɖeɩ ka lee taali ɖən na, ńaganɔ nɩ mbɔnɔ nɖən kɩnɖoo na: ²³ Balim nɩ, ama ka səla gʋluŋtɔna, bafaŋa nɩ sanaani, ama, ka lɔɔlɔɔ agʋlɔ na. Ama, ńakɔɔ na ma ashee nɖee ana cim ɩkəma kaɖeiɖei ma; ²⁴ Atɔɔ ka atimbɔnɔ agɔlopi atoŋo gʋyo laŋ, acii mbɔnɔ kandi laŋ ma, n'atʋ gɩ ɖa ŋŋuro nɩ ashee dei ɖei, agʋlɔ cʋra cʋra kʋ ɩŋə ńalaafɩya. ²⁵ Aɖʋwaa: Gɩ bʋŋa ɖa ɖa ɖaa ɩbɔrɩ ɩ baram na gaɖu. Ama nnyəmə ɩkɔɔ apɩ pastɛr na nɖee anatʋŋa aŋŋuro ma sul.