¹ Kɩde ma ʋsɔlʋ ndee gʋyà awʋda naatʋ, naa baye yɩda atʋ waa Gaja pur ma galaŋ gəŋcɩ atʋ gɩlee, dulinya kayɔɔ atʋ na, adʋwaa kayɔ gʋyà na. ² Atəbasɔlɔka ŋnyɩmə atʋgilee Gaja bapur pɩ ,na bʋkɔu gɩ tɩ da ma kɩkanakada na.Gɩyɔwaa Kristo atatɩfaŋa agʋlɔ gɩtɩgɩda daa ada ma . ³ Arɛ ndee awʋda ʋcɩne de ma anaa nada cɩrɩ cɩrɩ daa ade gboo ma. ⁴ Arɛ ndee anaa na lee nbɔnɔ ma kana nyene gʋpɔna adʋwaa mbɔnɔ kʋleʋ ɩlee gʋpɔ kaŋkəm k'ʋɖoo na. ⁵ ɩyɔwaa Kristo afaŋa agʋlɔ naa ashɛr atɩmbɔnɔ, anɩ nɩ ŋbɔnɔ nmana . ⁶ Arɛ ndee ada anɩ nɩ ma ka na lee nbɔnɔ na arɛ ndee anaa na lee ŋbɔnɔ ma ka ŋənɩ na gəŋcɩ kayɔ nɩ na. ⁷ Ambapɩ basɔlɔka, paama pala ʋdəŋ alu naa nyəm na arɛ ndee analee deede ma ada deede daa Kristo agɩlopɩ gɩ da deede ma. ⁸ arɛ ndee analee ŋbɔnɔ ma alee sheetanɩ aja na adʋwaa shetanɩ alee ŋbɔnɔ jɩ ʋsʋbʋ nɩ. galaŋ na Gaja pur apɩ apɛɛpɛɛ shetanɩ antəma. ⁹ Arɛ ndee alee Gaja karɛ ma kanalee ŋbɔnɔ na, adʋwaa Gaja kɩkashɩ da anɩ nɩ. kaa tələ da ŋbɔnɔ nɩ na, adʋwaa alee Gaja karɛ na. ¹⁰ Galaŋ Gaja gafaŋa bapur afələ na sheetanɩ abaja. arɛ ndee kanalee dee na ma kalee Gaja karɛ na gəŋcɩ arɛ ndee kasɔlɔ ʋwor na ma. ¹¹ Galaŋ galeŋgadee ɩrəŋə ʋsəbʋ nɩ ma na gəm: waa gɩsɔlɔ atəbawor, ¹² Kɩlee daa kaɩn alee sheetaanɩ aja na kə ʋwor ma na. maa makɔlaŋ na akə nɩ? adʋwaa aŋtəmaə nlee ŋbɔnɔjɩ ʋwor aɳja ŋlee nsoŋso no. ¹³ Dulɩnya taŋoonyɩm paa ma lee biti na. ¹⁴ Gɩyɔ aləwaa gɩdʋwo bʋce nɩ akpa nŋuro ni adʋwaa gɩsɔlɔ atə bawor, arɛ ndee kawəda ʋsɔlʋ na ma ada bʋce nɩ. ¹⁵ Arɛ ndee aŋo ʋwor ma alee arɛ ndee ana kəbarɛ ma na. na ɩyɔ aləwaa aljaŋna kada ashee arɛ ndee ana kə barɛ ma na. ¹⁶ atʋgɩyɔ ʋsɔlu adʋwaa Kristo atəwa aŋuro ashee atalaŋ; atʋgboo ɩsɩm gɩ təwa atəŋŋuroŋ ashee atəbajalaŋ ¹⁷ Arɛ ndee awʋda dulɩnyanɩ karɩsɩkɩ naa ŋe uwor ana gəshɛɩ naa bəla kakaŋananɩ na ma baɩ na Gaja kʋsɔlʋ ʋnada na nɩ? ¹⁸ Ambapɩ basɔlɔka, gəpaasɔlɔ atəbʋlələka na atəgɩdanʋlaŋfɔɩ na ama gɩsɔlɔ nɩɩ ja na atalesʋra. ¹⁹ Nkən na gɩyɔ aləwaa gɩda ɩja nɩ, na gɩ na kaŋtaŋnanɩ atəcine ni. ²⁰ Atəgɩfolu gɩtakə atəgalee Gaja gasəŋkəla awu atəcɩne, gəŋcɩ ayɔ bamaakɔnɩ. ²¹ Ambasɔlɔka, na atəfolu kagəkə atəgalee na gɩwəda ʋkaŋtam na Gaja. ²² Na baa maakɔ nɩ gɩtabanɩ ataashee tu adʋwaa gɩtoŋo agalee nagɩnalee ʋcɩŋsɔlɔka. ²³ Agʋpɔ gunoo ka ma waa gɩshee ʋpur Yeesu-Kristo ɩja naa na sɔlɔatəba wor, daa agɩlopɩ gɩsɔlɔ atʋ ma ²⁴ Arɛ ndee atoŋo Gaja kagʋpɔ ma ada na Gaja gəŋcɩ Gaja gada na nɩ galaŋ aŋŋuro ndee nda naatu ma laŋ na gɩyɔwaa ada naatu.