¹ Ambapi bajala, ntɩ ŋɔ ayɔkɔ de nashee anyɩn naa ɩpaakɔɔ alee mbɔnɔ na. ama, yaabaɩ yaa ʋɖən ata tərə tərə alee mbɔnɔ, gɩwəɖa akəm cəmja Gaja sul, Yeesu Kristo ɖeiɖei yar. ² Atɔɔka agʋlɔ alaa saraa ashɛr n'atɩmbɔnɔ, kɩlee atɩ nɖənɖən atɩja na, ama ɖulinya aŋunii anja gboo. ³ Gɩ tatoŋo agʋpɔ gɩshɛbʋ gɩsɛbʋ, gəŋma, gɩgɩ laƒʋyɔ nɩ. ⁴ Nɖee ana lə waa aɖe yɔ nɩ naa katoŋo agʋpɔ na ma, alee asəirɛ, ɩja ki ɖa na nɩ na. ⁵ Ama, nɖee atoŋo agalei ma, Gaja kʋsɔlʋ ɩja kʋja, ʋlaƒʋɖa asul: kəŋ na gɩ na yɔ nama waa nanɩ gɩ man aɖa. ⁶ Nɖee alə waa: Nanɩ baman aɖa ma, shee anaa sara ɖa Yeesu-kristo agɩlopi asara ma. ⁷ Atɩ basɔlɔka, kɩlee gʋpɔ gʋfɔli kʋ nna ŋɔn na shee anyɩn na, ama gʋpɔ gʋŋono ŋgʋɖee ɩcam ʋsəbʋ nɩ ma; Gʋpɔ gʋŋono gʋɖe kʋ gəŋ, Galei ŋaɖee ɩrəŋə ma. ⁸ Baa na kama, ɩlee gʋpɔ gʋfɔlɩ kʋ n na ŋɔn na shee anyɩn, bʋkɔɩ bʋɖa na nɩ alee ɩja ma, bʋɖa anyɩnɩnɩ gboo, Aɖʋwaa: ŋkomo ntɩkaɖa, n'ʋkaɖʋ ɩja kʋja ʋsəba naɖoo boŋo. ⁹ Nɖee ana lə waa: Aɖe ɖa ʋkaɖʋ nɩ n'akɔɔ na ŋo ʋwor ma, karɛ anaɖa ŋkomo nɩ. ¹⁰ Nɖee asɔlɔ ʋwor ma, aɖa ʋkadʋ nɩ, kɩ na səkir nɩ afəɖa mbɔnɔ nɩ na. ¹¹ Ama, nɖee aŋo ʋwor ma, anaa ɖa ŋkomo nɩ, na sara ŋkomo, kayɔgaɖuɩ a nace ma na, adʋwaa ŋkomo nkara nɩ nfɔnɔ. ¹² Ntɩ ŋɔn na shee anyɩn, aɖʋwaa: Aŋyɩɖa laŋ, batəɖə anyɩmbɔnɔ. Ntɩŋɔ, na shee, baya, aɖʋwaa: Ba yɔ nɖee a cee ɖa ʋsəmbʋ nɩ ma. ¹³ Ntɩ ŋɔn, na shee, baya, aɖʋẅaa: Ba yɔ nɖee a cee ɖa ʋʋwaa: ɩ jɩ ayɔɩ gʋtara. Ntɩ ŋɔn na shee, bapibajala, aɖʋwaa: ɩyɔ n nɖee alee gʋy. ¹⁴ Ntɩ ŋɔn na shee, anyɩn bàyà, aɖʋwaa: ɩ yɔ nɖee acee ɖa ʋsəbʋ nɩ ma, ntɩ ŋtɩ ŋɔn na shee anyɩn bayifala, aɖʋwaa: ɩkaŋkər bɛrɛ, Gaja kaalei gaɖa nanyɩn, n'ɩji ayɔɩ gʋtara. ¹⁵ Paa ma sɔlɔ ɖulinya na, ńayɔkɔɩ ɩɖa ɖulinya nɩ ma na, ʋɖən ata sɔlɔ ɖulinya, karɛ atayà ʋsɔlʋ kʋ ɖa na nɩ na: Aɖʋwaa: ¹⁶ Bʋkɔɩ bʋ ɖa ɖulinya nɩ ma na gəŋ gʋrɩlɔ kagɩnyɩŋfɔnɔ, na bʋkɔɩ ana ŋə ma, kagɩnyɩŋfɔnɔ, aye kagʋlɔfaŋaka, ɩnɩ kɩɖoo na ataya sul na, ama, ɖulinya sul n'ɩɖoo. ¹⁷ Ɖulinya ńagɩnyiŋfɔnɔ ɩtɩɩ shɍʋ, ama nɖee nalee Gaja kʋcɩŋsɔlɔka ma, ʋni aleeka nɖee aɖa na ce na ce ma. ¹⁸ Anyɩnɩ ɩtee bapibajala ma, alʋwatʋ akəŋja anookama, ɖaa ba lə ɩrəŋə waa: Kristo a ɩbɛrɛ atʋ ma, Kristo a ɩ bɛrɛ ma na tuutuum a baɖa n nyimə; ŋkəŋ na gɩŋə waa: Alʋwaatʋ akəmja nagəŋ. ¹⁹ Atɩ gɩcɩɩca na baɖoo na ma, ama, kə ba cee lee atɩbaja na: Aɖʋwaa: maa balee atɩbaja maa baɖa n'tʋ, ama ɩ ni ɩ pɩ gəŋ naa ɩɖoo baŋə waa: kɩ lee baŋunii balee ka atɩbaja na. ²⁰ Ɩta saa n'anyɩn, Gaja kaŋŋuro nɖa n'anyɩn, Kristo ashee ka anyɩn, bʋkɔɩ laŋ ɩyɔ ɩja ma na gəŋ. ²¹ Kə ma na ŋɔn na shee anyɩn waa: kɩyɔ ɩja na, ama, ɩyɔ ɩja, aɖʋwaa: ɩsəikɩ na ɖoo ɩja nɩ na. ²² Aŋa na ɩsəiyar? Nɖee ana jɩ gɩwʋlʋ waa: Yeesu ka lee Kristo na ma, ʋniɖe alee ka Kristo a ɩbɛrɛ, ʋniɖe atɩ jɩ gɩwʋlʋ na gʋyà ńʋpi. ²³ Arɛ nɖee ajɩ gɩwʋlʋ n'ʋpima, kawəɖa gʋya na; nɖee ashee ʋpi ɩja ma, ashee gʋyà gboo ɩja. ²⁴ Galaŋ bʋkɔɩ ɩrəŋ tɔɔ n'ʋseeeebʋ nɩ ma, ɩɖa n'anyɩn ɩta jɩ waa: bʋkɔɩ ɩcee arəŋə ɖoo ʋsəbʋ nɩ, ɩɖa n'anyɩn, gəŋ ma, anyɩn n'ʋpi ɩman aɖa, na gʋya gboo. ²⁵ Bʋkɔɩ alə waa ataa shee atʋ ma na ŋŋuro nnɖee kɩŋwəɖa gayala na ma. ²⁶ Nŋɔn na shee anyɩn, aɖʋ mbaɖee ba na li n'anyɩn ma laŋ. ²⁷ Ɩta saa n'anyɩn, Kristo ashee anyɩn aŋŋuro aŋŋuro nɖe nɖa anyɩnɩ nɩ. Galaŋ kɩkɔɔ a hiɛ ʋɖən acere anyɩn na. Aɖʋwaa ŋŋuro nsoŋ sono nɖe nɩncere anyɩn baamʋ nʋ bʋkɔɩ ŋŋuro nnɖe n na cere ma ɩlee ɩja nɩ kɩlee ɩsəi na, galaŋ anyɩn na Kristo ɩman alee ʋɖɔŋkɔnɔ ɖaa ŋŋuro ncere anyɩn ma. ²⁸ Ambapi yiɖe ma na kristo, naa ŋkələ̀ aɖoo apɩ ma, gɩwəɖa tamaa, naa alʋwaatʋ ata cəm, gɩcifala gɩpaa jɩ atʋ, naa gɩlɩŋ nanɩ gaɖu na. ²⁹ Ɩta lafʋ yɔ waa: A lee ka ɖei ɖei yar, gəŋ ma, nɖee a na sara ɖeiɖei kaasa na ma, alee Gaja ʋpur.