¹ Basɔlɔka basoŋsono, pàà ma shee aŋuro ɩŋunii ɩja na. Ama pàà bəla aŋuro baŋunii na naa ɩ səra ayɔ ɩ ta jɩ wàà, ɩ lee Gaja kɩja aɖʋwà, anabi ɩsəi kəbaja tuutuuma ba cə ɖulunya nɩ. ² Na ŋgaɖee, ɩ tɩɩ yɔ Gaja kaŋuro. ŋŋuro baa mpaŋa n yɔ Yeesu Krist anɖənɖən ma, n n pɩ na ntaŋkɔ njɩ naa a ɖoo na Gaja sul. ³ Na ŋŋuro nɖee k'ɩ n yɔ Yeesu Krist na ma, k'ɩ n ɖoo na Gaja sul na. ŋŋuro nɖee k'ɩ n lee Yeesu kanja na, ɩ rəŋə kaalei ma, n kpa baŋa a ɖa ɖulunya nɩ. ⁴ Bapi, ɩ lee Gaja bapur pɩ, ɩ faŋa pɩ aɖʋwaa arɛɩ a ɖa anya laŋ ma, a səŋkəla awu nɖee a ɖa ɖulunya nɩ ma. ⁵ Ba lee ɖulunya kəbaja pɩ na bʋkɔɔ ba na lə na ɖulunya ma, ɖulunya a tɩ ɖʋ pɩ gʋtɔ. ⁶ Gɩ lee Gaja kəbaja pɩ. Arɛɩ a na cu Gaja ma, a tɩ ɖu atʋ gʋtɔ. Nɖee k'a lee Gaja kaja na ma, k'a na ɖʋ atʋ gʋtɔ na. Na ŋgaɖee, gɩ yɔ ŋŋuro ɩja kanja na ŋŋuro nlika. ⁷ Basɔlɔka basoŋsono, gɩ sɔlɔ atəbawor aɖʋwaa ʋsɔlɔ ʋsɔlʋ ʋ ɖa Gaja sul na. ⁸ Arɛ baa apaŋa na, a waɖa ʋsɔlʋ ma a lee Gaja kaja na naa ayɔ Gaja. Arɛ nɖee wʋɖa ʋsɔlʋ na ma, k'a yɔ Gaja na aɖʋwaa Gaja ga lee ʋsɔlʋ na. ⁹ Galaŋ, Gaja k'ʋsɔlʋʋ ʋ ɖoo atəgɩcɩɩca. Gaja ga təm ka ʋpur aɖɔŋkɔnɔ ɖulunya nɩ naa alaŋ gɩ ɖa ɖulunya nɩ. ¹⁰ ŋgaɖe laŋ n'ʋsɔlʋ, k'l lee gɩ cee sɔlɔ Gaja na ama ga sɔlɔ atʋ naa atəm ʋpur a pɩ tɩɩ lee atəmbɔnɔ ka wala. ¹¹ Basɔlɔka basoŋsono, ɩ ta jɩ wàà ga sɔlɔ ɖaa wàà ma, ɩ sim gɩ sɔlɔ atəbawor. ¹² ʋɖən k'a ŋə Gaja ayɔ na. Gɩ ta sɔlɔ atəbawor, Gaja ga tə ga ɖa n'atʋ na kʋsɔlʋ ʋ tʋʋ cəm gɩshɛbʋ. ¹³ ŋgaɖe, atʋ gɩ yɔ wàà gɩ ɖa nɩ, aɖee gboo a ɖa n'atʋ aɖʋwaa ga shee atʋ kaŋuro. ¹⁴ Na gboo, gɩ ŋə naa atələ wàà gʋya a təm ʋpur a pɩ tɩ lee arɛ a cam ɖulunya ma. ¹⁵ Arɛ baa aŋaŋa nɖee a yɔ wàà Yeesu a lee Gaja ʋpur ma, Gaja ga ɖa na nɩ n'aɖe na Gaja. ¹⁶ Gɩ yɔ naa aŋə ʋsɔlʋ nɖee Gaja ga wʋɖa ashee atʋ ma. Gaja ga lee ʋsɔlʋ na, na arɛ nɖee a ɖa ʋsɔlʋ. ɖe nɩ ma, a ɖa na Gaja na Gaja gboo ga ɖa na nɩ. ¹⁷ ŋgaɖe laŋ, ʋsɔlɔ ɖe ʋ cəm gɩshɛbʋ naa gɩ shee ɩkəmaciŋka kʋshilé ɩja aɖʋwaa ga ɖa ma, gəŋ ci gɩ ɖa ɖulunya nɩ atɩya. ¹⁸ ʋsɔlʋ nɩ asampəna k'ɩ ɖa na. Aɖʋwaa, ʋsɔlʋ ʋsoŋsono ʋ na kərə asampəna nɩ, asampəna ɩ lee gʋtɔ gʋbɔka ma. Arɛ baa apaŋa na a na lee asampəna, k'a cee wʋɖa ʋsɔlʋ ʋsoŋsono na. ¹⁹ Gɩ sɔlɔ aɖʋwaa Gaja ga səba ka asɔlɔ atʋ. ²⁰ ʋɖən a ta lə wàà "N sɔlɔ Gaja" , ama naa aŋo arɛ ɖən, a lee asəirɛ. Aɖʋwaa, arɛ nɖee k'a sɔlɔ arɛ nɖee a ŋə ma na, k'a səra asɔlɔ Gaja ŋgaɖee ŋə na ma na. ²¹ ŋə ma gboo bʋkɔɔ gɩ cam ɖaa ʋceru a sul ma. Arɛ nɖee asɔlə Gaja ma, ɩ sim ba sɔlɔ arɛ gboo.