¹ Gɩ rǝŋǝ waa: Gɩsǝna kagʋlesʋra gʋɖǝn gʋɖa anyɩŋ gɩcuca, gʋlesʋra gʋɖe kʋʋcaa aɖa mbaɖee kǝ ba yɔ Gaja na ma, bagɩcuca na; Halɩ ʋɖǝn atɔɔ ayarkar gɩka. ² Na gʋlɔfaŋaka gʋrŋǝ n'anyɩn anyɩnʋcine kʋ caa pɩɛ na galei gaɖe na, naa nɖee alee gʋce gʋɖe ma, ɩlaa nɩ anyɩŋgɩcuca na! ³ Baa maa kǝ ma ɖa anyɩnasul aŋgɩlopi na nɖa anyɩnasul ŋŋuro nɩ, ncǝm ɩnɩ k'ɩjɩkǝma boŋo ɖaa nɖa anyɩnnasulma, nɖee alee gʋlesʋra gʋɖe ma ⁴ Na nɖiyar Yeesu aŋyɩɖa n'anyɩn n'amʋ, gɩ man nɖiyar Yeesu ɩkashɩ, ⁵ Ɩsǝm gɩ tɔɔ arɛ ɖe ashee sheetaanɩ aɖur agʋlɔ naa aŋŋuro nfʋra nɖiyar Yeesu ʋshile. ⁶ Ɩna anyɩnalɔ nɩ fɔɩ. Kɩ yɔ waa:Lefincei shishɩnɩʋ a na pala ŋmana nfugo ata aa? ⁷ Laa ma lefiir aŋono ɖe anyɩŋgɩcuca, naa ɩlee ŋmana nfɔlɩ, lefiir ka anyɩn ni na, aɖʋwaa: Kristo alee ka ata paakɩ nɖee bafʋma. ⁸ Jɩma jɩŋgaarɩ nɖee kǝ ba ɖʋ lefiir aŋono na ma, ɩpaa lee gɩ yɔɩ n'ʋnyana ka ja na,ama, n'ɩboɖoboɖoɩ kɩ ba ɖʋ lefiir na, aɖa gɩshɛbɔ n'ɩja ma. ⁹ Ŋŋɔn gʋbɔ ashee anyɩn alǝ waa: ɩpaa tɩ man na gɩsǝna kǝbalesʋra lee ja na. ¹⁰ Kɩ lee ɩbǝɖa pɩ'kpataa na, ama, lee ma laa kaarɩ na ɖulinya nɖe kǝbɛrɛɩ ba na lee gɩsǝna, kokoo nɖee agoro ɩtaŋyɛɛ ka, na nyɩm, na pɛŋɛ akʋna:Galaŋ ɖoo ma ɖulinya ɖe agɩcuca. ¹¹ Ŋnyimǝ, bʋkɔɩ nŋɔn ashee anyɩn ma na gǝŋ waa: ɩpaa tɩ man na, nɖee ɩna yɩɖa waa: Anyɩnʋwar naa a na lee gɩsǝna, kokoo agoro ɩtaŋyɛɛ ka yɔgʋ, kokoo atɩ pɛŋɛ akʋna, kokoo atɩ pɩ na gaboro bɛrɛ bagɩcuca, kokoo akaŋshija, kokoo apɩtɩrɩ na, paa ma man n'karɛ ajɩ ʋjʋ na. ¹² Gapaŋajɩ nwǝɖa na yɛɛ ma cɩm na baɖɔŋkaja? kɩ lee bafalja pɩ ɩnɩɩ cim na maa? ¹³ Mbaɖee balee balee baɖɔŋkaja ma, Gaja ŋgacim na pɩ.Loa ma mbɔnɔyar anyɩŋgɩcuca.