¹ Ɩta jɩ waa: Ʋɖǝn n'ʋwor bawǝɖa galei mbaɖee kǝ ba yɔ Gaja na ma, basul na ɩce atɩ cim ɩkǝma, yaa mbaɖee bayɔ Gaja ma, basul na ɩce. ² Kɩ yɔ waa: Cɩrɩ Cɩrɩ kǝbɛrɛ mba cim na ɖulɩnya ɩkǝma aa? ɩta jɩ waa gasono anyɩn ɩnɩɩ cim na ɖulinya ɩkǝma, gǝŋ ma, kusǝra apɛmpɛŋɛ anyɩmbawar aa? ³ Kɩ yɔ waa: Atʋgɩ nɩ gɩ cim na ɩmalaɩka baɖǝn ɩkǝma aa? Kɩ yɔ waa: kukɔɔ aɖa gɩ cim na aye nɖe ɩjɩ kǝma aa? ⁴ Ŋkǝlǝ ɩna yɛɛ ɩcim ɩkǝma apɛmpɛŋɛ anyɩmbawor ma, mʋ laŋ n'ɩ na ce mbaɖee kǝ ba wǝɖa aŋfaanɩ cɔɔcɩ nɩ na ma sul? ⁵ Ŋgaɖee nna lǝ waa ma, galee anyɩŋgɩcifala.Gǝŋ ma, ʋɖǝn ka ɖa anyɩŋgɩcɩɩ ca nɩ awǝɖa gʋfaŋa ataa sǝra apɛmpɛŋɛ anyɩmbawor aa? ⁶ Ʋɖǝn awǝɖa galei n'ʋwor ma, mbaɖee kǝ ba yɔ Gaja na ma basul n'ɩ na ce! ⁷ Ɩlee galibɔnɔ aboŋo saaɩ ɩwǝɖa n'anyɩmbawor ɩkǝma ma. Mʋ lee ka na kɩ na yɛɛ ɩjɩ anyunbawor bɩshɛɩ na, mʋlaŋ na ʋɖǝn ka na yɛɛ bamuulee nɩ na? ⁸ Ama, anyɩn ɩ na lee bʋkɔɩ kǝ bʋ tǝŋǝ na ma, na muulee anyɩn bawor basaaka! ⁹ Kɩyɔɔ waa: Mbaɖee kǝba ɖa ɖeiɖei na ma, kǝ ba kpa Gaja kaayarɩtǝna nɩ na aa? Paa ma paapaa anyɩnalɔ na: Mbaɖee ba na lee fɔɩfɔɩ, nalee gɩsǝna, nakpa akʋ na ma, na mbaɖee ba na yɛɛ bawor ba baka ma, ¹⁰ Mbaɖee balesʋra kɩ cǝm na ma, bapɩtɩrɩ gboo, mbaɖee ba goro ɩtaŋyɛka yɔ gʋʋ ma, na ba kanshija, ba bʋliyɛɛ ka baja, na mbaɖee bana paa paa basaaka na prǝ ayɔkɔ ma, kǝ ba kpa kpa Gaja kaayarɩ tǝna nɩ na. ¹¹ Bʋkɔɩ ɩbʋŋa na lee ma na gǝŋ, ama, nnyǝmǝ ba cɩ anyɩn, pɛmpɛŋɛ anyɩn, aɖʋ n'ɩnyɩn ɖeiɖei na nɖiyar Yeesu-Kristo aŋyɩɖa, na Gaja kaŋŋuro. ¹² Bashee amʋ gano malee ɩŋunii, ama,ɩŋunii kɩ wǝɖa afaanɩ na, ba shee amʋ ganɔ ma lee ɩŋunii, ama kǝ ma tɔɔ aŋgʋlɔ akara baa ŋkana. ¹³ Ɩjɩʋ ʋɖaɖa ashee ncǝna, na ncǝna nɖa ashee ʋjɩʋ.Ama, Gaja gatɩ gaɖur ɩ gɩɖǝn ɖǝn.Ama, gʋlɔ kʋuɖa ashee fɔɩfɔɩ ka lesʋra na.Gʋlɔ gʋɖaɖa ashee nɖiyar na nɖiyar aɖa ashee gʋlɔ. ¹⁴ Na Gaja ŋgaɖee ga ŋǝnǝ nɖiyar Yeesu ma, ataa ŋǝnǝ atʋ gboo n'ɩkashɩ. ¹⁵ Kɩ yɔ waa anyɩŋgʋlɔ gʋlee Kristo a gʋlɔ kʋ aa? ɩkɔɔasim waa ma tɔɔ Kristo agʋlɔ gʋɖe, na lee fɔɩfɔɩ ɖaa bayee yee ka ma aa? ¹⁶ Aaɩ gani galaŋ gaɖu, kɩ yɔ waa nɖee atɔɔ agʋlɔ aɖʋ na ayee yee ka ma aɖe nna nɩ ba pra gʋlɔ gʋɖɔŋkɔnɔ na gǝŋ aa? Aɖʋwaa: Balǝ waa:Banyɩʋ baɖe bapra gʋlɔ gʋɖɔŋkɔnɔ. ¹⁷ Ama, nɖee atɔɔ agʋlɔ a cra na nɖɩyar ma, aɖe nna nɩ bawǝɖa ŋŋuro nɖɔŋkɔnɔ. ¹⁸ Galaŋ laa ma, anyɩna lɔ fɔɩfɔɩ kalesʋra nɩ.Mbɔnɔ nsaakaɩ arɛ a na lee ma, kɩ nna kpa agʋlɔ nɩ na, ama, nɖee atɔɔ agʋlɔ nalee gʋyeeyee na fɔɩfɔɩ ka lesʋra ma, agʋlɔ kʋ a na lee mbɔnɔ. ¹⁹ Kɩ yɔ waa anyɩŋgʋlɔ gʋlɔ Gaja kaafaala jɩ ŋŋuro nsoŋsono nɖa anyɩn nɩ Gaja gashee ka anyɩn, galaŋ kɩ kɔɔ ajie anyɩnalɔ na aa? ²⁰ Aɖʋwaa: bashɩ anyɩn pɩ gʋyakaŋkǝra. Gala kʋma ma Gaja anyɩnnalɔɩ Gaja ga jie nɩ na nyɩnnaŋŋuro.