¹ Ambawor, ɩta saa n'amʋ, kǝ ma na yɛɛ ma, lǝ n'anyɩn ɖaa Gaja kaŋŋuro nɩ k'ǝbɛrɛ ma na, ama, ɖaa gʋrɩlɔ nɩ, ɖaa bapi kokolo ɩ baŋʋm gɩƒɔlɩ Kristo nɩ ma. ² Bʋnye bʋ nna shee anyɩn, kɩlee ʋjɩʋ ʋsono na, aɖʋwaa: kɩɩ sǝra ajɩ ʋjɩʋ na, kɩɩ c'asǝra na, aɖʋwaa: ɩ naa ɖa na lee gʋrɩlɔ kalesʋra. ³ Gʋcele gʋɖa anyɩŋgɩcɩɩca, ɩtɩ bɔ bɔ n'anyɩmbawor, galaŋ kɩ naa ɖa gʋrɩlɔ nɩ, na sara ɖaa bɛrɛ ma aa? ⁴ Saa nɖee ʋɖǝn alǝ waa: Amʋ nɖaɖa qshee Pɔɔl n'asaaka, waa: Apolosɩ kɩ lee bɛrɛ banɖawa nɩ na gǝŋ aa? ⁵ Gǝŋ ma, aŋa na Apolosɩ, aŋa na Pɔɔl? Batǝŋleeja pɩ ba lee, ba pala ka n'ɩshee ɩja, daa nɖiyar ashee pɩ ba ntǝma ba lee ma. ⁶ Amʋ, ntǝʋ, n'Apolosɩ aŋono bʋto, na Gaja galee ɩta. ⁷ Kɩlee nɖee atǝʋ, kokoo nɖee aŋono ma, alee ka akɔdǝn na, ama Gaja ɩ gapala ɩta ma, alee akɔɖǝn. ⁸ Nɖee atǝʋ, na nɖee aŋono bʋto ma, ba lee ɖeiɖei, naa baa ŋa acam antǝma alee ma, kagʋjɔɔ. ⁹ Aɖʋwaa: Atɩnna Gaja gɩman ka na lee ntǝma. Anyɩn pɩ gǝŋ Gaja kaawara, anyɩn pɩ gǝŋ Gaja kaaƒala ɩ acǝ ma. ¹⁰ Ɖaa Gaja kagʋjɔɩ ba shee amʋ ma, ɖaa ayɔka ayiu ʋkukei ma, n'arɛƒɔlɩ apɩ atɩ cǝ ʋkukei ɖelaŋ. Ama, baa ŋa alee laakaari, ʋcɩʋ gʋsʋraɩ a na cǝ ʋkukei ɖe laŋ ma. ¹¹ Aɖʋwaa: ʋɖǝn kaa sǝra ayiu ʋkukei ʋƒɔlɩ daban na nɖee Kristo agɩlopi ayiu ma na. ¹² Yaabaɩ yaa, ʋɖǝn ata cǝ ʋkukei ɖe laŋ na wura, kokoo, ɩtanɩ, kokoo atala ɩpiɖe piɖe ka, kokoo ayo, kokoo anyɔ nɖee ba na sɔsɔ naɖʋ ɩsuko ma, kokoo iwa nɩ baa ŋa atǝma, ntɩ ntɩ ɖoo ba ŋǝ njɩ; ¹³ Aɖʋwaa: Ʋshile ɖǝn ʋtʋpala ba yɔ ntǝma gʋsʋra ɩ ʋlee ma, ʋtonu ʋmʋƒaŋa ntǝma nɖe, batɩ antǝma ɖaa nɖa ma. ¹⁴ Ɩta jɩ waa: ʋɖǝn a ntǝma a cǝ ʋkukei ɖe laŋ makʋ shɩ ʋtonu na, ataa cam gʋjɔ. ¹⁵ Ama, n'ʋɖǝn a ntǝma nshɩ ʋtonu, kaa kɔɔ aŋǝ gʋjɔ na, ama, ataa ŋǝ nɖinsono aƒʋra, ama ɩtuɖa ɖaa arɛ a na ta asǝla ʋtonu n'ʋtonu ʋwur nɩ ma na. ¹⁶ Kɩ yɔ waa: Anyɩn pɩ Gaja kaaƒala, Na Gaja ŋŋuro nda anyɩn nɩ aa? ¹⁷ Galaŋ ʋɖǝn a ta pi Gaja kaaƒala, Gaja gboo ga tɩ ga pi karɛ mɩyaʋ; Aɖʋwaa: Gaja kaaƒala gaɖe ga lee cɩrɩ cɩrɩ na, anyɩn pɩ gǝŋ gaƒala gaɖe. ¹⁸ Ʋɖǝn apàà páá páá agʋlɔ agɩlopi na: Ʋɖǝn ata naa lǝ anyɩngɩcɩɩca waa: Aɖe wǝɖa ka gʋƒaŋa awu ɖulinya nɖe nɩ, shee karɛ akpa n yashɛshɛ na ye wǝɖa gʋƒaŋa. ¹⁹ Aɖʋwaa: Ɖulinya nɖe nɩ kagʋƒaŋa gʋ lee n yashɛshɛ njɩ Gaja kaŋyɩɩ. Ba ŋɔn acǝŋǝ waa: Bagʋƒaŋa kʋ a na tɔɔ ataa na kpaca ari napɩ. ²⁰ acǝŋǝ waa: Nɖiya, ayɔ gʋƒaŋa baja bagʋƒaŋa, waa: ƒɔɩ na gʋlee. ²¹ Galaŋ ʋɖǝn a paa kʋma agʋlɔ na, aɖʋwaa: baa mʋnʋ nɩ anyɩɩjie. ²² Pɔɔl naa, Apolosɩ naa, seƒaasɩ naa, ɖulinya naa, kokoo ŋŋuro njɩɩ, kokoo bʋce bʋʋ, yaa ayɔkɔ ɩ nɖa nnyǝmǝ ma naa, yaa nɖee ɩnɩɩ tɩ pɩ ma naa. ²³ Ɩŋunii anyɩɩjie; Kristo ata jie anyɩn, na Gaja ga jie Kristo.