¹ Ɩta saa n'amʋ, ŋkǝlǝ nce anyɩŋgaɖu ma, kɩ lee n'ʋyɔʋ kagɩlǝkrǝ gɩɖǝnjɩ nlǝ nalaa na Gja kasǝriya ashee anyɩn na. ² Aɖʋwaa: kǝ ma yɛɛ ma yɔ akɔɖǝn akɔɔ awu Yeesu-Kristo na, Yeesu-Kristo nɖee ba kal gʋyɔ kaŋkʋra laŋ ma. ³ Ŋkǝlǝ nɖa anyɩnŋgaɖu ma, na gʋlɔcika kʋ nɖa, asampǝna, gʋlɔ gʋɖe gʋ tɩ tar; ⁴ Ambʋlei n'amawaasu kaɖa ashee, gʋƒaŋa kabʋlei ɩ ba na ƒɔɔshɩ na bɛrɛ ma na, am, ɩlaa aƒaŋa ŋŋuro nsoŋsono k'ɩkashɩ, ⁵ Naa anyɩnvcine ɩwǝɖa ma, ʋpaa tɩ yiu bɛrɛ ba gʋƒaŋa k'ʋyɔʋ laŋ na, ama, ʋyiu Gaja k'ɩkashɩ laŋ. ⁶ Nakama, ɩlee gʋƒaŋa ɩ gɩ na lee kawaasu mbaɖee ba tǝŋǝ ma, bagɩcɩɩca, ɩlee gʋƒaŋa ŋgʋɖee kʋɖa ɖulɩnya nɖe nɩ ma na. Atɩ nyɔnna ɖulinta nɩ k'adibaja batɩ ba sheʋ: ⁷ Gaja kawaasu na gɩ na lee, ɩlee ntǝmbʋ mbɔnɔ nɖee nfǝrǝ ma na, Gaja ga cee k'aɖʋ njɩ ashee atʋkʋmʋ, ⁸ GVlee gʋƒaŋa ŋgʋɖee ɖulinya nɩ kanɖiyar ɖɛn ka yɔ kʋ na ma na, aɖʋwaa maa ba yɔ gʋƒaŋa gʋɖe maa kǝ ba kal nɖiyar nɖee ajie ʋkʋmʋ ma na. ⁹ Ama, ɖaa ba nɔn ma, waa: Bʋkɔɩ arɛ agɩnyine kɩɩ ŋǝ na ma, n'arɛ agʋtɔ kʋʋŋǝ na ma, na kaa caa pɩ arɛ agɩƒolu nɩ ma, ɩlee ayɔkɔɩ Gaja gacee akpeɖe ashee mbaɖee basɔlɔ nɩ ma na. ¹⁰ Gaja ga pala aŋŋuro ŋkaɖa ashee atʋ. Aɖʋwaa ŋŋro nɖe ntɩ ŋǝ baamʋnʋ, atɩ nyɔnna Gaja kashiiri. ¹¹ Arɛ aɖa ma, ayɔ ʋwor rɛ alesʋra kɩ lee arɛ aŋŋuro nna pala ayɔ arɛ alesʋra? Ɖaa gaa gǝŋ ma, ʋɖǝn ka yɔ Gaja kalesʋra na, aŋŋuro n yɔ ka. ¹² Ʋtakiɖe kɩlee ɖulinya aŋŋuro njɩ gɩcam na, ama, aŋŋuro nɖee nɖoo na Gaja sul ma, naa gɩ yɔ ayɔkɔ nɖee Gaja gashɛɛ atʋ n'agʋjɔɔ ma. ¹³ Kabʋlei bʋ gɩ na lǝ, kɩlee na bɛrɛ babʋlɩlǝka kʋyɔʋ na, ama, Gaja kaŋŋuro kʋceru, na lǝ na ŋŋuro kagɩlǝkrǝ nashee nɖee ɩlee ŋŋuro kɩja ma. ¹⁴ Ama, arɛ nɖee kawǝɖa Gaja kaŋŋuro na ma, kaa sǝra atɩ ayɔkɔ ɖe kaashɩ na, aɖʋwaa: Ɩlee nyashɛshɛ ashee nɩ, kaasǝra ayɔɩ na, adʋwaa: ŋŋuro njɩ ba na yɔ na ɩ. ¹⁵ Arɛ ɩ Gaja kaŋŋuro nda na ma ma, ayɔɩ apaɖa paɖa n'ʋɖǝn kaacǝm na nɩ ɩkǝma na. ¹⁶ Aɖʋwaa: Aŋa yɔ ka Gaja kagʋƒaŋa aŋa naa sǝra acere nɩ? Amaa atʋ gɩshee wǝɖa Krist 'agʋƒaŋa.