¹ Pɔɔl, ba yɩɖa nɩ waa: Alee Yeesu-Kristo atǝmka, na Gaja k'ʋcɩŋsɔlɔ ka, na t'ʋwor sosɩtɛnɩ. ² Ashee Gaja ka Cɔɔcɩ nɖee aɖa korɛtɩ ma, mbaɖee ba pɛmpɛŋɛ pɩ na Yeesu aŋyɩɖa waa: Balee cɩrɩ cɩrɩ kǝbaja, mbaɖee ba na yɩɖa baa ŋka na gaɖu ɩ ba ɖa ma ba nɖiyar Yeesu-Kristo ɩ alee atɩ nɖiyar gboo ma: ³ Gaja gashee anyɩn'agʋjɔɔ na atɩ nɖinsonoyar Yeesu-Kristo aŋyɩɖa! ⁴ Ntɩkʋma Gaja baanjǝŋ anyɩnɖi laŋ aɖʋ Gaja kagʋɖee ashee anyɩn Yeesu-Kristo nɩ ma. ⁵ Aɖʋwaa: Aɖʋ anyɩn alɩbarka ɩ wǝɖa agalei k'arisiki na k'ʋyɔʋ ⁶ Atɩ anyɩn ilee Yeesu-Kristo a sǝriya ɩja kǝbaja. ⁷ Naa gʋjɔ gʋɖǝn gʋ paa sǝr anyɩn na, ɖaa ɩ na saa, saa nɖee Yeesu-Kristo a naa tɩ pɩ ma. ⁸ Ataa ri n'anyɩn halɩ ɩtɩ waɖa, naa gawaka nama gaɖǝn gapaa ɖa n'anyɩn ʋshileɩ Yeesu-Kristo a naa tɩ pɩ ma na. ⁹ Gajaɩ gayɩɖa anyɩn waa: Ɩman n'ʋpur alee ʋɖɔŋkɔnɔ ma, aɖa ɖeiɖei. ¹⁰ Ambawor, ntɩɖʋ anyɩn ɩkashɩ n'atɩ nɖɩyar Yeesuu- Kristo aŋyɩɖa, waa: wǝɖa ganɔ gaɖɔŋkɔnɔ n'anyɩmbawor, awǝɖa gɩlǝkrǝ gɩɖɔŋkɔnɔ, paa ma paɖa paɖa na, ama, ɩlee ʋɖɔŋkɔnɔ anyɩnnabaamʋŋʋ nɩ. ¹¹ Aɖʋwaa; Nrǝŋǝ na koloe kǝbaja waa: ʋbɔbɔʋ ɖǝn ʋɖa, anyɩngɩcɩɩca. ¹² Na baa ŋa, ana lǝ waa: Amʋ, nɖaɖa ashee Pɔɔl n'asaaka aɖa ashee Apoloosɩ, n'ʋɖǝn waa: Aɖa ashee seƒaas, ʋɖǝn acǝŋǝ waa: Kristo na aɖe aɖashee! ¹³ Amʋ waa nii, Kristo ayʋga agʋlɔ aa? Pɔɔl na ba kal gʋya laŋ ashee anyɩn aa? Yaa na Pɔɔl aŋyɩɖa na ba mǝna n'anyɩn bʋto aa? ¹⁴ Nkʋma Gaja ɖaa kǝ ma mǝna anyɩnʋɖǝn bʋto na, nakɩ lee Krispus na Gaius na. ¹⁵ Naa ʋɖǝn apaa tɩ na lǝ waa: Pɔɔl aŋyɩɖa njɩ ba mǝna n'amʋ bʋto na. ¹⁶ Na mmǝna sɩtaƒanaasɩ abʋŋʋma nɩ, ga nɩ kaŋkǝm kǝ ma kɔɔ ayɔ ɩtajɩ waa: Nmǝna arɛɖǝn bʋto na. ¹⁷ Kristo ka yɩɖa amʋ waa: Ma wǝna bɛrɛ bʋto ma, ama, ma lǝ laabaarʋ asoŋsono ashee bɛrɛ, kɩ lee na arɛ agʋƒaŋa kʋlǝu na, naa Kristo agʋyo kaŋkʋra mpaa pra ƒɔɩ na. ¹⁸ Aɖʋwaa: Gʋyo kaŋkʋra kawaasu alee ŋyashɛshɛ njɩ ashee mbaɖee bali ma, ama, ɩta saa na mbaɖee ba ŋǝ nɖinsono ma, ɩlee Gaja kɩkashɩ nɩ. ¹⁹ Ŋkǝŋ na ba ŋɔn waa: Ntɩ ma ɖur gʋƒaŋa baja ba gʋƒaŋa, naa adur asǝŋsibaja basǝŋsi. ²⁰ Gʋƒayar aɖeɩ? Ayɔka aɖaɩ? Nɖee anabɔbɔ na bʋlei ma, aɖaɩ? Gaja kaa tɔɔ ɖulinya ka gʋƒaŋa apra n yashɛshɛ aa? ²¹ Aɖʋwaa: Ɖulinya n'agʋƒaŋa, ka yɔ Gaja na Gaja kagʋƒaŋa na, ɩsheesɔlɔ Gaja ga cam mbaɖee bashee ɩja ma, alamatɩn na waasu aleeka kaŋyashɛshɛ. ²² Yuɖaa kaja atɩ yɛɛ maamaaci kalesʋra, na Gɩrɛkɩ kaja a na yɛɛ gʋƒa: ²³ Atʋ gɩshee tɩ lee Kristo ʋkal gʋya kaŋkʋra kawaasu; ɩlee nawɩya ashee yuɖaa kǝbaja naa lee n yashsɛṣḥɛ ashee mbaɖee kǝ bayɔ Gaja na ma. ²⁴ Ama, mbaɖee Gaja gayɩɖapɩ ma ɩlee Gaja kɩ kashɩ na Gaja kʋ yɔʋ na ashee yuɖaa kaja na Gɩrɛkɩ kaja. ²⁵ Aɖʋwaa: Gaja kaŋyashɛshɛ,nwǝɖa ʋyɔʋ awu arɛ agʋƒaŋa, na Gaja kaŋƒara nwǝɖa ɩkashɩ awu arɛ ɩja. ²⁶ Ambawor taa ma akide anyɩn mbaɖee ba yiɖa ma, anyɩn gɩcuca nɩ tuutuuma kǝ ba wǝɖa gʋnɩƒaŋa kʋ yɔʋ na, kǝ ba saŋkɔɔ awǝɖa ɩkashɩ na ʋɖɛen ka wu ʋwor n'ʋyɔʋ ɖǝn na. ²⁷ Ama, Gaja gatɔɔ ɖulinya kaŋyashɛɛ atǝrǝtǝrǝ na ba yɔ ka. Na Gaja gatɔɔ nɖee kɩwǝɖa ɩkashɩ na ma, atǝrǝtǝrǝ na nɖee ɩwǝɖa ɩkashɩ ma. ²⁸ Na Gaja gatɔɔ nɖee kɩ wǝɖa aŋƒaanɩ ɖulinya nɩ na, na nɖee ba na jɩba nama ma, aɖur na nɖe ɩwǝɖa aŋƒaanɩ ma, ²⁹ Naa ʋɖǝn a paa tɩ na kʋma agʋlɔ Gaja kaŋyɩɩ na. ³⁰ Bʋkɔɩ Gaja galee ma, laŋ na ɩɖa na Yeesu-Kristo ɖe, a lee ka atʋyayɔʋɩ ʋɖoo na Gaja sul ma, na ata ɖeiɖei, ata cɩrɩcɩrɩ kʋɖaʋ, n'atʋ cɛʋ nɖee bacɛ atʋ ma, ³¹ Naa daa ba nɔn ma, waa: Nɖee a na kʋma agʋlɔ ma, a naa kʋma agʋlɔ na nɖiyar aŋyɩɖa.