¹ Ún nú nyɔn dòdó lǝ̀ Kristo mǝ, nyà ùn xó nǝ viò, í tíŋ jí di nǝ sɛɛ lǝ̀ gbɔngbɔn kɔ̀kɔ̀ mǝ, ² Nǝ nyatɔ vǝ̀vǝ̀ sǝsǝ kíde xomǝ̀fiɛn mavɔ lǝ tiŋ jímǝ dɛ. ³ Ɖo unjí bǝ̀ wɔà kpófideŋúŋ nǝ wɔ́a màn nye kiɖǝ Kristo mǝ nǝ man rɔn tiŋ nɔvíwó amǝ̀kǝ̀ wɔdɛ sígbǝ ǝnye enǝ̀aǹ wó. ⁴ Israël tɔ́wo íwó nyi. Wó xɔ́xɔ̀, ɖódó dǝ́ǝjí, kaɖƒéɖé, wó xɔ ǝ̀sea. Mawu sɛ̀nsɛ̀n kide ǝ̀zé ɖeɖe lǝ wosi. ⁵ Tɔgbi kǝ mǝ Kristo dó cóawo nyi ŋtiran, ye kǝ nyi Mawu nǝ ǝnuwo sée, wɔa kafuì tɛ̀gbɛ̀ɛ: Ácɛ! ⁶ Hína ǝnyíbǝ Mawu ye zé dǝdǝwo gɛn o. Ɖo ŋúnyí amǝsíamǝ kǝ lǝ́ Israël wo ínyí Ísraël ví ò. ⁷ Ǝgbǝnyi Abraham ye jíjímǝ viwo ɖeɖe ínyi ǝviwo o. Vɔa «Cò Isaac jì í wo yo jìjì mV awo cò» ⁸ Ye gɔmǝ í nyi bǝ ŋtiran mǝ viwo nyi Mawu viwo o, ɖevi kǝ wo ɖezé neawo wo cɔ sigbǝ Mawu ye jíjimǝ viwo ǝnǝ. ⁹ Nǝ ǝzéɖǝɖǝ nu kǝ: «Ganamǝdoa, ma va i Sara ají vi». ¹⁰ Ínyi hìnà ɖǝɖǝ̀ í ovɔa Rébeka ca fɔ́ɔfú nǝ amǝɖǝkɛn a ke nyi mian dádá Isaac, ¹¹ Do wo ŋjí deviwo ɖǝ ne wɔa wɔ nuvɔɛn nɔmi nunyɔngbi o, ne Mawu ye jíjí to càncàn mǝ na teŋun její, ŋkanyi to ǝdɔwo wɔwɔ mǝ o, vɔa to amǝke yɔa jíjímǝ. ¹² Ǝnu nɛ bǝ «Ǝvi jeŋkɔtɔa ye í la amǝkǝ le dekɛjɛmǝ». ¹³ Sigbǝ ne wɔ ŋrɔɛn dɛ ǝne « Un rɔn Yacubu í ĺk̀ Esau» ¹⁴ Ne mian nu mɔ̀n? Mawu ye kojó ɖóɖó í a? ŋka vamǝ gbǝɖe o. ¹⁵ Ɖo ǝnu nǝ Moïse bǝ: «Ma kpɔ adɔnu mǝ ne amǝkǝ jrɔ un a, í ɖo akɔ fafa ne amǝke un lǝjí a» ¹⁶ Ína ŋka co amǝke lǝ jía nɔmi amǝkǝ lǝ sudu a gbɔ o vɔa co Mawu ke amǝnu dunʋ adɔnu nea gbɔ. ¹⁷ Ɖo ǝnu ŋrɔn ŋrɔn a nu ne Pharaonbǝ «Cagbǝ tín jíjí na tɔ í un dó wo dejí ne tíŋ ŋusɛn na wɔdɔ̀ lǝ mían ji nǝ mían kaka tíŋkɔ le anyigbanjí sée. ¹⁸ Nǝ ínyi í Mawu fà ne xomǝ de amǝkǝ í jí, í na sɛnŋu ta ɖe amǝkǝ jroeà jí. ¹⁹ Áa nun nɔntɔnbǝ «Nu kei jɔ í kpɔtɔ í lǝ agɔ jǝjǝ? Mɛ í teŋun gbǝ Mawu ye jójrò?» ²⁰ Ǝwó amǝgbǝtɔ nu kée ǝnyi í la kɔntru Mawu? Ǝnu ke wó túa wó túa la tǝŋun biɔ amǝke wɔɛ bǝ:« Nu ke íjɔ í ǝwɔmǝlea?» ²¹ Ǝzé mVtɔ un do ŋusɛn de ǝkójí ne acɔɛ wɔ agbàn gàngàn kide agbàn ke wɔa zan ne ŋkǝkǝ ɖekáa?. ²² Ne mían teŋun mu mǝn ne Mawu bǝ yeawɔ xɔmǝfiɛn í ne wɔa desi ye ŋusɛn, ye jídódó, ye xɔmǝfíɛn kǝ íkpadí dɛ ne crɔ̀ncrɔ́n. ²³ Ne mían nu mɔn ne í wɔ ǝnunawo bǝ mían desi ye dododejí fixɔxɔ, ye dɔnu kpɔkpɔwo ke í kpadi dɛ ne ye ŋutíkɔ̀kɔ̀? ²⁴ Nǝ mían nú mɔ̀n nǝ í wɔ núnawonǝ míawo kǝ í yɔ có jímaxɔ setɔwo mǝawo? ²⁵ Sigbǝ nǝ í gbǝ nuí lǝ Osée mǝ. «Màa yɔ bǝ tíŋ dukɔn amǝkǝwo ǝnyi tiŋ dutɔ o kíde rɔnrɔntɔwo amǝkǝ ǝnyí tíŋ rɔnrɔntɔa o. ²⁶ Í ànyi ǝne lǝ fí ínui newo lea: "Mi Ǝnyi tíŋ dukɔ o". Lǝna àn, wɔa yɔwo bǝ Mawu lagbǝ viwo.» ²⁷ Esaïe fàn av̀ có Israël ŋun: «Ne Israël viwo mɛ sugbɔ̀ dɛ sigbǝ axútà kò ǝnea, anyi amǝ kpǝtiawo kǝ wɔa xɔneawó. ²⁸ Ɖo lǝ madiŋdiŋ mǝ an axotɔa la wɔ de ye nyɔn ji lǝ anyigban jí sée. ²⁹ Í sigbǝ Esaïe nui dɛ ǝne an : '"Ne ahuà wɔwɔ xótɔ ŋgbǝ jíjímǝ wo dɛ ɖe ŋgbǝ ne mí an, mían trɔ zú sigbǝ Sodome í mían ɖi Gomoorrhe". ³⁰ Ne mían nu mɔn? Ne jímaxɔsǝtɔ kǝ ǝjí ɖǝdǝawo, wó kpɔ dǝdǝ; dǝdǝ to ǝseamǝ. ³¹ Vɔa Israêl ke lǝ ji dǝdǝ có ǝseamǝ an ŋkpɔ o. ³² Nukǝ íjɔ? Ɖo wó ŋlǝ zɔ̀n lǝ xɔsémǝ o, vɔa lǝ ǝdɔwǝ wó mǝ. Wó kre afɔ ɖe ǝnúkrininú kpǝ̀ ŋun, ³³ Sigbǝ ne wo ŋrɛn dɛ ǝne. «Un cɔ ǝnúkrinú kpǝ̀ de Sion dɛ, ǝge jíjiwo kpǝwo. Amǝ kǝ kan ɖe jía ǝŋùn ŋka kpɛn o».