¹ Ǝkúfiɔ cócó ɖe àgbǝ lɛ nǝ amǝkǝ le Yesu Kristo mǝàwó à? ² Ɖo Kristo mǝ ye gbǝ́ gbɔngbɔn de un ǝnuvɔɛn kide ǝkú mǝ. ³ Ǝnú kǝ ǝsea wɔ ɖekpi cagbǝ ǝgan lǝ ran mǝ mawɔɖe tɔà, Mawu ya wɔɛ. Ǝcɔ ǝvia ɖóɖà tó ŋtiran kǝ ɖi ǝnuvɔɛn bǝ na nyi vɔsa nǝ ǝnúvɔɛn, í gbǝ nyi ǝnu vɔɛ lǝ ŋtiran mǝ. ⁴ Ǝwɔ nɛ cágbǝ́tɔ ǝsen nàwɔ dɔ lǝ miamǝ, míà amǝ kǝ ŋle zɔn lǝ ŋtiran mǝ à wo ò, í lǝzɔn lǝ gbɔngbɔn mǝ à ó. ⁵ Amǝkǝ nɔn nagbɔ lǝ ŋtiran mǝwo wɔne ŋtiran mǝ núwó, vɔa amǝkǝ nɔn agbǝ lǝ gbɔngbɔn mǝàwo wɔnǝ ǝnuwo lǝ gbɔngbɔn mǝ. ⁶ Ɖóì àkande ŋtiran jia, ǝkú á, vɔa à kandegbɔngbɔn kɔkɔ ji à, agbǝ kiɖe ŋtifàfà lǝ mǝ. ⁷ Doa à kande ŋutiran jià ŋnyɔn nǝ Mawu ò, do ŋutiran ŋbúbɔnǝ Mawu ye se ò í ŋkà tenyun wɔɛ càó. ⁸ Amǝke lǝ ŋútiran mǝ dɛàwo wo ŋkateŋun nyɔn Mawu ye ŋkɔ̀ ò. ⁹ Gànamǝàn, mi ŋlǝ ŋútiran mǝ ò vɔa mi le gbɔngbɔn mǝ, nǝ ínyi nyàwo í nǝ Mawu ye gbɔngbɔn lǝ mían mǝ . Vɔa nǝ amǝde ŋwɔ Kristo ye gbɔngbɔn dɛà á, ŋká nyi yetɔ ò. ¹⁰ Nǝ Kristo lǝ mian mǝ, mían ŋtiran ku lǝ nuvɔɛn mǝ, vɔà gbɔngbɔn à lagbǝ lǝmǝ tó mían ŋti kɔkɔ mǝ. ¹¹ Nǝ amǝke fɔn có amǝkúkúwo mǝ ye gbɔngbɔn lǝ mían jià, amǝke fɔn Kristo lǝ amǝkúkúwo mǝ àn, ána agbǝ mían ŋutiran kúkú, to ye gbɔngbɔn kǝ lǝ mían an mǝ. ¹² Ífia, nɔnviwo mi dú fɛn vɔa ŋnyi ɖǝ́ ŋútiran nǝ mían nɔn agbǝ lǝ ŋutiran nǝ mían nɔn agbǝ lǝ ŋutiran mǝ ò. ¹³ Ɖo nǝ mi lǝ́ nɔagbǝ le ŋutiran mǝàn, mian kú, vɔa nǝ ínyi lǝ gbɔgbɔn mǝ, mi wú ŋútiran mǝ nuwo à mían nɔagbǝ. ¹⁴ Ɖó kǝ Mawu ye gbɔngbɔn lǝ kprɔ amǝ súgbɔa, amǝnàwo nyi Mawuviwo. ¹⁵ Ne miawo à, mi ŋgbǝ xɔ vɔnvɔn kide amǝxrexre ye gbɔngɔn o. Vɔa mi xɔ ɖeɖe ye gbɔngbɔn kǝ mi sǝŋún ɖǝ́nǝ axa bǝ. «Abba, dada!». ¹⁶ Gbɔngbɔn ŋta ɖenɛ disa nǝ mían gbɔngbɔn bǝ mi nyi Mawuviwo. ¹⁷ Ne mi nyi ɖevi, mi nyi Cinɔn dútɔ, Mawu ye Cinɔn dútɔwo. Í midú Cinɔn kiɖe Kristo, ne ínyibǝ mi dú ayà kiɖe, nǝ wɔà ɖo mi deji kiɖée. ¹⁸ Do ŋbuibǝ, ǝgbàayadúdúwo unwɔdɛ sigbǝ ɖóɖó deji ke wo kà cɔ́nǝ mio ǝne ò. ¹⁹ Ɖo xixea lǝ nɔntǝ́ kpɔ mawuviwo ɖeɖefía. ²⁰ Ɖo wo cɔ̀ enugbalé gbaléwo sǝ́ wɔ xixea mǝ, ŋnyi lǝ ŋta nújójra mǝ o, vɔa amǝ kǝ coɛ nɛà ye rɔnrɔn nú mǝ. Kákáɖeji nyɔngbitɔ. ²¹ Ínyibǝ wo ka va ɖǝ xixeà lǝ vǝvǝsǝ́sǝ́ m, l frafi m, í wɔa dée tó Mawuviwo jidúdú mǝ. ²² Ɖo mi nyan bǝ xixéa sée lǝ sǝ́ vǝvǝ í lǝ wɔ dɔ dedú lǝ vǝvǝsǝsǝ mǝ kǝkǝ va nà ǝgbá. ²³ Vɔa ŋnyi nǝ ɖeɖe í ò, vɔa míawo cá kǝ xɔ ǝkú cɛncɛn kǝle-kǝle tɔ ye gbɔn gbɔn mǝ àwo cá mi lǝ sǝ́ vǝ̀vǝ̀ lǝ́ mían ŋtawo mǝ, í lǝ́ nɔtǝ kpɔ mía ŋútíran ye ɖéɖé kide ye xɔ̀xɔ̀. ²⁴ Ɖo kákàdeji nàn í ɖemi lǝ mǝ. Vɔa ǝnú kǝ mi lǝ nɔtǝ kpɔà, mi ŋkpɔɛ hɔdó o. mɛ ígbǝ́ va nɔnnǝtǝ kpɔ enú kǝ i lǝ́kpɔa? ²⁵ Vɔa nǝ mi lǝ nǝtǝ kpɔ ǝnukǝ mi ŋkpɔ hɔdóa, mía nǝtǝ kpɔɛ lǝ ji ɖódó mǝ. ²⁶ Nǝnǝ kǝ́ gbɔngbɔn à ca lǝ̀ kpǝ́de míŋún lǝ mía gbɔ̀jɔ̀-gbɔ̀jɔ̀ mǝ. Ɖo mi ŋnya dɛ ɖecá ò vɔa gbɔngbɔn ntà wɔnǝdɔ ɖe mía tó xó. ²⁷ Amǝkǝ lǝ dó ǝjiwo kpɔa nya gbɔngbɔn ye súsú, do ǝxɔnǝ nǝ xɔse tɔwo tó Mawu ye jijimǝ. ²⁸ Mi nya bǝ Mawu wɔ ne ǝnúwo sée bǝ amǝkǝ rɔɛnàwo nányɔn, kide amǝke í yɔ có jɔjɔmǝwo ŋɔn ŋrɔn ɖecátɔ wo bǝ: «Ǝnú ɖesiaɖe wɔme ǝnú nyɔngbi dedú». ²⁹ Ɖo amǝkǝ ídesiɖe jǝnkɔàwo, ǝwo bǝ wɔa sɔkide ǝvià, nǝ ànyi ŋúkúvi lǝ nɔviawo mǝ. ³⁰ Amǝke í jradódɛàwo wo ínyi amǝke íyɔwo Amǝkǝ́ íyɔwoà, ǝkɔ̀wo ŋúti, amǝke ŋúti íkɔwoà, ǝdówoɖeji. ³¹ Ne mía nu có ǝnunàwo ŋú mɔn? Nǝ Mawu lɛ kide mi, mɛ í la nyi mía ketɔ? ³² Amǝke gbǝ ǝvía dɛ í wo wui cagbǝ míatɔ, nú kǝeíjɔí nà nàmi ǝnúkǝ lǝ sià wó séé ò. ³³ Mɛ ílá cɔ nyɔn de Mawu ye mǝ càncàn ŋún? Mawu ŋtá í kɔ wo ŋun. ³⁴ Mɛ í la teŋun có kúfiɔ? Kristo í nyi amǝke kú cagbǝ mìatɔ, í vǝvǝɖe tɔà ye í fɔn có amkúkúwo mǝ. Ǝle ɖúji kide Mawu lǝ búbúmǝ, ye ínyi amǝkǝ lǝ ɖe kúkú de mía núvɔɛn tá. ³⁵ Mɛ, nɔmi núké í lá mami có Kristo ye rɔnrɔngbɔ? Aya dúdúà, xáxàa, fifeà, amǝxáxáa, afɔkúà nɔmi enú wúàmǝ? ³⁶ Sigbǝ ne wo ŋrɔɛn dɛà «Cagbǝ tɔwo í wo wumi lǝ ŋkǝkǝa mǝ sée. Wó cɔ nu dɛ sigbǝ aringbɔvi kǝ wo kàwúà wo ǝne.» ³⁷ Lǝ ǝnú hina wo sée mǝ àn, mi nyi jidutɔwo lǝ amǝkǝ rǝnmía gbɔ. ³⁸ Ɖo ŋkandeji bǝ ǝkú í à, agbǝ í à, Mawu ye dotɔ íà, jidudu íà, xíxǝamǝ nú ǝgbatɔwo íà, kǝ lá va víawo í à, ŋúsɛnwo íà, ³⁹ Ǝnú yi jííà, ǝnú yídò íà, ǝnú kǝ mawu dóa ɖǝkɛn, ŋká má nyɛn kid́ Mawu ye rɔnrɔn k ícɔ tó mía xɔnamtɔ yésu Kristo jí à mǝ ò.