¹ Nɔmi nɔnvió mí ŋnyà àn? (Do ǝlǝ xónu nǝ amǝke desi ǝsea wo) bǝ ǝs&a wɔnǝ dɔ kide amǝkǝ nɔ agbǝ ɖiɖi lǝ ye gbǝmǝ àn? ² Ɖo nyɔnrú kǝ ɖe ácuà ǝse í lǝ́ ye kiɖe ácuà ɖe ǝdu. Vɔa nǝ ácuà kuà, ǝvò lǝ́ ɖeɖǝ ye séa mǝ. ³ Gáke mǝ ácuà lǝ agbǝ́ à ne ìgbǝ dɔ̀n kíɖe ŋúcú búà, wɔa yɔɛ bǝ ácúwɔtɔ. Vɔà nǝ ácuà kuà, ǝsea ŋkagbexóe ò, ŋkagbǝ nyi ácúwɔtɔ ò, nǝ igbǝ le dó kide ŋúcú bu cá. ⁴ Ífia nɔvinyewo, míawo ca, to Kristo ye ŋtiran mǝ í mí ku to ǝsea mǝ nɛ mían trɔzu amǝbu tɔ, amǝkǝ fɔn có amǝkukuwo mǝ míawo miateyun cɛn kú nǝ Mawu. ⁵ Ɖo gakǝ mi kpɔt ɔle ŋtiran mǝ dɛa, ǝnuvɔɛn wɔwɔ ye jójró lǝ miantɔ wɔmǝ dɛ tó ǝse kǝ la hɛn ǝku váa mǝ. ⁶ Vɔa ífia wo cɔ ǝsea íseŋún kǝ mí, ǝseà kǝ me mí kú tó, í gbɔ bǝ mí ŋka wɔnú lǝ gbɔngbɔn yeye mǝ, í nyi lǝ ŋrɔnŋrɔn xóxóa mǝ ò. ⁷ Ne mià nú mɔn? Ǝsea cá nyi ǝnúvɔɛn lǝ dekiá si a? O. Vɔa ǝsea tɔ̀ ma nɔn mǝ àn nye ŋka ɖesi nuvɔɛn o. Ɖo nye ŋkamɛn biaŋún ɖe amǝbu ye nu ji nǝ esea ŋnubǝ: ŋka biaŋunɖǝ nɔvio ŋún ò. ⁸ Vɔa ǝnúvɔɛn kǝ co ǝse ɖeɖe mǝ wɔ bǝ ŋunyi ŋbiá tɔ́. Ɖo nǝ ǝse ŋlɛà, ǝnuvɔɛn kú. ⁹ Un lagbǝ dɛ lǝ ǝsea mǝ, vɔa kǝ ǝse ɖéɖé vaa, ǝnuvɔɛn gbǝ trɔ va, í nya ŋkú. ¹⁰ Ǝse ɖeɖe kǝ lá mɛn hɛn agbǝ váà un a, va hɛn ku vá ún ¹¹ Ɖó ǝnúvɔɛn kpɔde ǝse ɖeɖe ún í dú jinye í wú un. ¹² Ífia ǝsea lǝ kɔkɔ, ǝse ɖeɖe kɔ, í nyɔn ígbǝ́ nyi adódó. ¹³ Ífia ǝnu nyɔngbi ávà hɛn ǝku va nǝ nyà àn? O. Vɔa ǝnuvɔɛn, gbɔxó nǝ ányí ǝvɔɛn tó ǝnu nyɔngbimǝ an, a hɛn ǝkú va nǝ nya. Ǝnu wɔdɛ nǝ bǝ to ǝsédédéawo mǝ àn ǝnúvɔɛn na nyí nyɔdódó. ¹⁴ Mi nya bǝ ǝsea nyi gbɔngbɔn í nya un nyi ŋutiran. Wo sà un to tiŋ nuvɔɛn súgbɔ wɔwɔ mǝ. ¹⁵ Ɖo nya ŋsǝ́ ǝnukǝ un wɔ gɔmǝ ó. Ɖo ǝnúkǝ ún ɖó la wɔà nye ŋle wɔɛ ó. Í ǝnùkǝ ún gbǝ bǝ nya ŋkáwɔà ye í ún wɔnǝ. ¹⁶ Vɔ̀a nǝ ún wɔ ǝnúkǝ nye ŋlǝjià áà, ún rɔn bǝ ǝséa nyɔ́n ¹⁷ Kpɔ ŋgbǝ́nyi ǝnye í lǝ wɔ ǝnú nan wo ó, vɔa ǝnuvɔɛn kǝ le tíin ran mǝ dɛ í. ¹⁸ Ɖo un nya bǝ ǝnú kǝ lǝ tíin ran mǝ dɛà ŋlǝ ji ǝnú nyɔngbi dekɛn ò. Ɖo ǝnú nyɔngbi wɔwɔ le tíin ranmǝ dɛ nye ŋuteŋun le wɔɛ ò. ¹⁹ Ɖo ǝnú dódó kǝ un le jià, nye teŋun le wɔɛ ò, vɔa ma le wɔ ǝnuvɔɛn kǝ nye ŋlǝ jiá ò. ²⁰ Mi kpɔ, ne un wɔ ǝnúkǝ nye ŋle jiaó à, ùn gbǝ nyi ǝnye í le wɔɛ ò. Vɔa ǝnuvɔɛn kǝ le tíin ran mǝ dɛ í. ²¹ Un kpɔ ǝse nà le tíŋ ran mǝ, ne un jibǝ ma wɔ nyuin, vɔa ǝvɔɛn wɔwɔ va ɖúnǝ tíin ŋtiran mǝ ji. ²² Ɖo ǝnú le vivi ún lǝ Mawu ye sea mǝ. ²³ Vɔa ǝse bú lǝ duji lǝ tiŋ gótò nuwo ŋun kǝ gbǝ́ bǝ ǝse yeye kǝ unle nɔntekpɔa ŋká do tiŋ ran mǝ ò í gbǝ cɔ un sà nǝ ǝnuvɔɛn se ke le tiŋ tamǝ kide abɔwo mǝ àn. ²⁴ Áó tiŋ nú dú adɔnu! Mɛ í la ɖeŋun lǝ ŋtiran kúkú là mǝ? ²⁵ Vɔa kàfú-kàfú ne Mawu tó mía xɔnamǝtɔ Yesu Krito ji. Ífià un le bú Mawu ye se có tiŋ ji mǝ. Vɔa lǝ tíin ran mǝ àn, un nyi amǝxrǝxrv ǝnuvɔɛn sé.