ATCHAMADO_BEN-aug_rom_text

Ǝta 6

¹ Nǝ mía nu mɔ̀n? Mía kpɔtɔ lǝ nuvɔɛn mǝ dɛ nǝ amǝnuvǝvǝ na sugbɔa? ² Ó Míawo kǝ kú to ǝnuvɔɛn mǝ, nuke ìjɔ í mía gbǝ nɔ̀n ágbǝ lǝ ǝnúvɔɛn mǝ? ³ Mi ŋùnyin bǝ àmǝ ɖǝsiaɖǝ kǝ wó nyrɔ̀n lǝ Yéesu Kristo mǝ àn, wó lǝ ye kumǝ cáà? ⁴ Wó ɖi mi kiɖée to nyrɔn-nyrɔn mǝ ìseyi ǝkúmǝ. Ǝjɔ ǝvǝ, cágbǝ kǝ Kristo fɔn có amǝkúkúwó mǝ to ye ɖáɖá ye dódódejí mǝ àn, nǝ mía cáó miá zɔn lǝ agbǝ yèyè mǝ. ⁵ Ɖo ne mi ǝku dekɛn sigbe yetɔ ǝnǝàn, míanfɔn dedu kiɖee. ⁶ Mi nya bǝ wo kàn mían tɔ gbi kidee cagbɔtɔ nǝ ǝnuvɔɛn navɔ wó wɔɛ ǝne cagbe nǝ mi ŋkagbǝ nyi ǝnuvɔɛn ye mǝ xrexrewó ò. ⁷ Amǝkǝ kúa wo cɔnǝ nuvɔɛnwo kee . ⁸ Nǝ mi ku kiɖe Kristo à , mi Kandeji bǝ mían nɔn agbǝ kiɖée. ⁹ Mi nya bǝ Kristo fɔn co amǝkukuwo mǝ í ŋkagbǝkúò. Ǝku ɔgbǝdo ŋusɛn dejí ò. ¹⁰ Ɖó ǝkù, í càgbǝ ǝnúvɔɛntɔ í ìkú vɔa ǝlǝ́ ágbǝ, í cagbǝ Mawu tɔ í ì lǝ àgbǝ. ¹¹ Nǝ̀nǝ̀ kǝ, mìan cáo mìan buí bǝ mi kú to ǝnúvɔɛn mǝ, vɔa mi lǝ àgbǝ nǝ Mawu tó Yéesu Kristo jí. ¹² Ye taɖoa, mi ŋka nà nǝ ǝnuvɔɛn du mìan ŋtiran kǝ la teŋun kuà nǝ mían va lǝ wɔ de ye nujojrowó ji ò. ¹³ Mì ŋkacɔ mían gótónúwo de ǝnúvɔɛn mǝ nǝ woà va ɖo kojo nǝwo ò. Vɔa mi cɔ mían ŋtawo nǝ Mawu sigbe amǝkuku ke trɔ gbɔ va amǝlagbǝwo mǝ ǝnǝ. Nǝ míacɔ mían gótónúwo wɔdɔ nǝ Mawu. ¹⁴ Mi ŋkana nǝ ǝnuvɔɛn na du mianji ò, do ŋnyi ǝsea í lǝ kprɔmi o, vɔa amǝnuvǝvǝ í. ¹⁵ Nukǝ í? mían wɔ nuvɔɛn cagbɔ kǝ ŋnyi ǝsea í lǝ kprɔmi ò, ì ìnyi amǝnuvǝvǝía? Ò. ¹⁶ Mi ŋnya bǝ amǝkǝ mi cɔ mían bu, amǝkǝmi do labua? Ǝnyɔn dodo ínyi bǝ mían kprɔ nuvɔɛn kǝ la kprɔmi yi ku mǝ do nɔn mi mían kprɔ bubudo kǝ la nan mían nyi amǝ nyɔngbi. ¹⁷ Vɔa wɔa cɔ kafu-kafu nǝ Mawu! Ɖo deca mi nyi ǝnuvɔɛn ye mǝ xrexrewo, vɔa bu co mían jiwó mǝ ǝnukpramǝ kǝ wo kpra miàn. ¹⁸ Wóɖe mi lǝ núvɔɛn mǝ í cɔ mi wɔ cɔcɔkǝ ye amǝxrexrewo. ¹⁹ Unlǝ xonu sigbǝ amǝgbetɔ ǝne cagbǝ mían ŋutiran gbɔjɔ̀jɔ̀tɔ. Í kǝ mi gbǝ cɔ mían tà kide mían bɔ wo sigbǝ ǝnu xrexre kide makɔ makɔ ǝne. ²⁰ Ɖó gá kǝ mǝ mí nyi ǝnúvɔɛn ye mǝ xrexrewo dɛ a, Mi vo lǝ kojo ɖoɖo mǝ. ²¹ Gan na mǝ àn ǝku cɛ̀ncɛ̀n kéewɔ í mi cen lǝ ǝnukǝ va lǝ wɔ ŋukpɛn nǝ mi agba wo mǝ? Ǝnu kǝ wɔ donǝ lǝ ǝnúnàwo mǝ í nyi ǝkú. ²² Vɔa ífia kǝ mi vo co ǝnuvɔɛn wo mǝ, ítrɔ amǝxrǝxrǝwo nǝ Mawu a, wo kɔ mían ŋun. Ǝku cɛncɛnan í nyi agbǝ mavɔ. ²³ Ɖo ǝnuvɔɛn ye fɛntú ínyi ǝku, vɔa Mawu ye nu nana ye ínyi agbǝ mavɔ to mían xɔnamǝtɔ Yesu Kristo ji.