¹ Nɔviwo, ǝnú kǝ unlǝji kide tiŋ ɖǝ xoxó nǝ Mawu ne wó í nyi bǝ wɔa xɔ̃ nǝ wó. ² Ɖo un nú có wó ɖe vǝvǝ Mawu vɔa ínyí lǝ nu nyànyà mǝ o. ³ Wó ŋrɔ̀bǝ Mawu ye kójó dódó í wó nǝ wo ŋtawó kójó. Wo ǝwɔnǝ ɖe Mawu ye kójó dodo jí o. ⁴ Ɖo Kristo ye va xɔ ŋunsɛn le ǝsea si bǝ amǝsiamǝ ke akandejia, wɔa yɔɛ bǝ amǝ dòdò. ⁵ Mose ŋrɔɛndɛ bǝ: «Amǝ kǝ la jǝ agbàgbà bǝ yea nɔ agbǝ le ǝsea mǝ pɛ́pɛ́pɛ́a, ànɔn kɔ̀kɔ̀ lǝ́ ǝ̀séà mǝ. ⁶ Vɔa ǝnú kǝ wo nu co amǝ dodo ŋuna í nyi bǝ «kà nu nǝ tɔ jí bǝ, mɛ í ka yi jíŋkori man o? Ǝka didi Kristo kpǝtǝ ne. ⁷ Kà bìɔ sǝ bǝ́ mɛ í la có akpɔkpɔ mǝ va maa o. ( À nyibǝ ǝtrɔ cɔ Kristo í seyi amǝkukuwo mǝ.) ⁸ Vɔa ne ǝnyɔna lǝ nu mɔn? «ǝtǝbɔ gbɔwo dɛ, í le tɔ nu mǝ kide tɔ ji mǝ» ⁹ Ɖo nǝ ǝnú có tɔnú mǝ bǝ ye ínyi xɔnamǝtɔ, í ǝkandeji lǝ tɔ jimǝ bǝ Mawu fɔɛn có amǝkúkúwó mǝ ànxɔ nǝwó. ¹⁰ Ɖo có jimǝ í amǝ ye xɔsǝ wɔ nǝ amǝ dódó, í ye nú nà nú núvɔɛn kǝ í wɔàwó nǝ xɔ̀xɔ̀. ¹¹ Ɖo wó ŋrɛ̀n dɛ̀ bǝ.«àmǝsiamǝ ke là kándejia ŋka dú ŋkpǝŋ gbǝde o». ¹² Vóvó tótó ŋlǝ Juif tɔ kide Grectɔ mǝ o. Xɔnamǝtɔ ɖekɛn í lǝ wósi. Ǝnyí nɛ ǝnu xɔxó ne amǝkǝ yǝnɛawó see. ¹³ Ɖo amǝsiamǝ kǝ la yɔɩ axotɔa ŋkɔa wɔa die lǝ ye yaɖúɖúwó mǝ. ¹⁴ Nǝ wɔa yɔɛ mɔ̀n, amǝkǝji wo ŋkande o? Í ne wɔa teŋun kandeji mɔn, amǝkǝ ŋun wó ŋu xɔnú có nǝwó o? Ne woa wɔ mǝn í see ne amǝɖe un nuí o. ¹⁵ Ne wɔa ɖe gbefaǹ mɔn ne wo ŋdɔwo o? Ke wo ŋrɛn dɛ bǝ. «Wo nyàn kpɔ̀kpɔ̀, amǝke lǝ́ ɖe gbéfàn ǝnyɔn nyɔnggbiwo.» ¹⁶ Vɔa wó see ŋɖótó ǝnyɔn nyɔngbi o. Ɖo Esaïe nu bǝ: «Axótɔ mɛ í xɔ mían nyɔna jí se?» ¹⁷ Xɔ̀seà có ne ǝnú kǝ wó séà gbɔ, kide ǝnú kǝ̀ wó sǝ́nǝ̀ có Kristo ún à wó. ¹⁸ Vɔa un nu bǝ. «Wó ŋsèa?» Wó se fɛ̀ɛ! Wó gbǝ ɖi lǝ anyigban an see jí. Í wo nyɔn yi xíxea vɔxó.» ¹⁹ Un gbǝ le nu bǝ: «Israël ŋnyanan?» Kǝlǝkǝlǝa Mose nu bǝ «Mà gri mían ŋuhàn to ǝnu kǝ ǝnyí dua mǝ. Càgbǝ ǝdú mànyan ŋunudɛtɔ mà gri mían xɔmǝfiɛ̀n.» ²⁰ Í Yesaya doji í nu bǝ: «Un kpɔwò lǝ amǝkǝ bjían wo mǝ, un disa dekiɛn ne amǝkǝ ǝnyɔ un a wó o.» ²¹ Vɔa có Israël ŋuna ǝnubǝ: «Un ketíŋ lɔ̀ dɛ ne dukɔ agranjetɔ kide dúkɔ̀ màbúàmǝtɔ.»