¹ Un nú bǝ, Mawu gbǝ ye dukɔ í à? Ó. Ɖo nye ca ŋun nyi Israëltɔ, Abraham ye jiji mǝ vi kǝ nyi Benjamin ye kpà xó. ² Mawu ǝcɔ̀ ye dukɔn kǝ í desi dɛ ɖɔcàa dankpiŋ ó. Mí ǝnyà ǝnukǝ ŋrɔn ŋrɔn à wo nú có Elia ŋun à, sigbǝ xɔmǝfiɛn lé le Mawu ye ŋkuvimǝ dǝ Israel viwo ŋun à? ³ «Mían xɔnamǝtɔ, wó wú tɔ nyɔnnu dɛ tɔwó í danhan vɔsà tɔxɔ́ a wó. Nye dǝkɛn í wó gbǝ lǝ jí bǝ wo awú nye ca.» ⁴ Vɔa nǝ Mawu ɖo ŋun nɛ mɔn? «Un dó ji amǝ kawui blàtɔn tóxó amàdre kǝ wo ǝɖetagú nǝ baal kpɔ o» ⁵ Nǝnǝ lǝ ǝgbà mǝ ǝgbe kpɔ̀tɔ̀ amǝɖewó cagbǝ amǝnuvǝvǝ ye càncàn an tɔ. ⁶ Vɔa nǝ ínyí amǝnuvǝvǝ tɔ í a, à nyi bǝ ǝgbǝnyi tó ǝdɔwɔwɔ mǝ í ò. Nɔnɔ oà amǝnuvǝvǝ ŋkagbǝ nyi amǝnu vǝvǝ ò. ⁷ Nu kǝyi? Ǝnukǝ Israël lǝ jia ŋkpɔ o. Vɔa amǝcàncàn wo kpɔɛ̀, í kpɔfia sɛnŋun. ⁸ Nǝnǝ tútú wo ŋrɔɛn dɛ ne: «Mawu nàwó tóxó deka nɔnnɔn ye gbɔngbɔn, ŋkuvi kǝ wo ŋkateŋun se tó nu keke ne ŋkǝkǝ nàa o». ⁹ Í David nu bǝ: «Ne wó kpɔnwó nà nyi adɔ̀, fɛncà, ǝnukrinukpǝ, Mawu ye xómǝfiɛn ɖewo ŋun. ¹⁰ Nǝ wo ŋkuviwó na nyrɔn ne wó ŋka gbǝ teŋun kpɔ nú o. Wó ŋgbǝtúmǝ wo na xà. ¹¹ Un lǝ nu bǝ «Wó kré àfɔ̀ kǝkǝ í ɖó la gɛ̀njɛ̀n an?» Ò. Cagbǝ na tɔ, kǝ wó gɛnjɛn í jímaxɔsetɔwó kpɔ xɔ̀xɔ̀ cagbǝ nǝ ǝŋuhàn na nyɔn lǝ womǝ. ¹² Nǝ̀ wo gɛ̀n gɛ̀n jɛ̀n nyi ǝhó nu le xixǝa kiɖe wo búbù nyi ǝhó nu ne jimaxɔsǝtɔwo, nǝnǝ wó un na lɔn kúkú ne wo o?. ¹³ Ífia un lǝ xónú nǝ jímaxɔsetɔwó ne un kpɔ̀tɔ̀ í nyí jimaxɔsǝsǝ tǝwó mǝ dɔdɔ dɛa, enú lǝ viviŋun kǝ ǝnyi Mawu yǝ dɔwɔtɔ lǝ wó mǝ an. ¹⁴ Tá mu nyɔn à va nyi ǝŋuliàn nǝ nye ŋtàa nǝviwó. tà mú nyɔ̀n mían xɔnǝ amǝdɔwo lǝ wómǝ. ¹⁵ Ɖo nǝ inyibǝ wó gbǝgbǝ la hàn xixǝà gɔmǝ sese ovàa, nú kéeí la jɔ wó ǝnà xɔwó ò, ne nannyi agbǝ le amǝkúkúwo mǝà? ¹⁶ Ne ǝku cɛncɛn kǝkǝlǝtɔwo ŋti kɔ̀ nǝnǝ ke akumǝ kànkàn ca la nyi. Ne ati ye kǝ̀ ŋtí kɔà, ye lɔviwo cà ŋti la kɔ. la kɔ ¹⁷ Vɔa ne alǝviwoɖo hàn dɛ í ǝwó ke nyi ǝgbǝmǝ ye miti wó cɔwó ɖǝ wo tóxó, í wo cà ǝdu alǝ lǝ ǝxó nú kǝ le amǝtia ye kǝ̀ mǝan mǝ, ¹⁸ Kàa wɔ akɔ̀ lǝ alǝviawo ŋu ò. Vɔa nǝ ǝle wɔ akɔa, na nyan bǝ ínyi ǝwo í hɛn kǝawo dɛ ò, vɔa ǝkǝwó í hɛn wo dɛn. ¹⁹ Á nú xɔ̀ntɔn bǝ «Wo dǝ alǝviawo bǝ wɔa teŋu cɔ un dǝ wó tóxó» ²⁰ Ǝnyɔn dódó! Càgbǝ wó jímaxɔsǝ tɔ yi wó cówo, vɔa wa lǝbǝnǝ tɔ̀ xɔse kà lǝ kánɖé dekiwo jí dódó, Mawu vɔnvɔn na nɔn mǝ wó. ²¹ Ɖo nǝ Mawu vǝnǝmǝ amǝwó nú an àvǝ wó cà nú. ²² Wɔ ǝnú nyɔngbi nǝ na sɛnŋun nɔ̀n Mawu mǝ. Ɖo gà deka mǝ àn Mawu ye xɔmǝfiɛn va juif tɔwó ji í wo gɛ̀jɛ̀n. Vɔà Mawu ye nyɔ̀nnyɔ̀n là và newó, nǝ wókpɔtɔ lǝ ye nyɔn dódó mǝ. Ávǝ́ wó cá wó ŋú. ²³ Í ne wó ŋkpɔ̀tɔ̀ lǝ wo jima xɔse mǝ dɛà, wɔà trɔ xɔwó. Dóà Mawu lá gbǝ tǝŋún trɔ xɔwó. ²⁴ Ɖo ne ínyi bǝ wó cowó lǝ ǝgbǝ nǝ mi tí ŋun, í lǝ xíxeamǝ rɔnrɔn nú wó cówo dɛ amí tí dódó ŋún à, nú kǝ íjɔ í wó ŋkàteŋún cǝ Juif wó núvɔɛn wo kǝwó ò? ²⁵ Ɖo nya ǝlǝjí o, nɔnviwo, bǝ mían ǝnyɔn bǝ̀bǝ̀ là manyàn o, ne mí ŋka nyí ǝnu manyan tɔwó o. Ǝnyɔn bǝbǝ̀ la ye nyi Israël viwo ji tri-tri ye kpă ɖeka, gbɔxó nv jimaxó sǝtɔwo sée na ɖo mǝ. ²⁶ Nene í wo xɔnǝ Israël sée, sigbǝ wo ŋrɔɛn dɛ. «Xɔnamǝtɔà la có sion í la ɖe yakúbú lǝ Mawu mavɔ̀n mavɔ̀n mǝ. ²⁷ Hilà ye í ka nyi ǝka caca lǝ nye kiɖe wó mǝ ne un va cɔ wó nuvɔɛnwó kǝwó.» ²⁸ Lǝ Mawunyɔn kpàxóa. Wó nyi kǝtɔwó cagbǝ míantɔ, Vɔa lǝ akpadóxóa, ǝcɔ́ kǝ wó càn Mawu à gbɔ, wó rǝn wó cagbǝ wó ɖaɖa tɔ. ²⁹ Do Mawu ye nú nànnàn kiɖe ye yɔ́yɔ̀ un dɔri ò. ³⁰ Ɖo ɖe càa mi bú nǝ Mawu o, vɔa ífia wo kpɔ adanú mǝ nǝ̀ mi cagbǝ mían mǝ mabú ma bú tɔ. ³¹ Nǝnǝ kǝ Juif awo ca gbǝ amǝ mabú. Ǝnu kǝ dó comǝ í nyíbǝ kǝ wo cɔ mían nuvɔɛnav́ kǝ mí aǹ, wo cɔ wó cawo tɔ kǝwó. ³² Ɖo Mawu kpadi amǝ mabuamǝ wo sée cagbǝ tɔ ne acɔ wo sée nuvɔɛn wó se kǝwó. ³³ O Mawu ye dɔkuwo sugbɔ sà! Ye ŋúnú nyànnyàn súgbɔ̀. Í mi kà teŋun se ye nuwɔwɔwo gomǝ ò! ³⁴ Ɖo mɛ í la teŋun se Mawu ye súsú wó gɔmǝ? Í mɛ í va nyi ye ɖaŋún do ne amǝtɔ? ³⁵ Lǝ fi, mɛ í do ǝnú nǝ Mawu kpɔ̀ í à tùí nɛ? ³⁶ Ao ǝnú ɖesiaɖe có gbɔ, tɔ jí, í nyi yetɔ. Ye tɔ í nyí dodoji có ífia íseyí mavɔ mǝ. Acɛ̀ !