¹ Un lǝ có míangbɔ nɔnvinyewo bɔ tó Mawu ye dɔnú kpɔkpɔ mǝ bǝ mían cɔ mían ŋtiran wo sigbǝ vɔsa lagbǝ kɔkɔ kǝ Mawu la xɔ̀, kǝ nyi subɔ subɔ dòdò. ² Mí ŋka sɔ kiɖe xixeamǝ nuwó ò, mí trɔ kiɖe mían tamǝ susu yeyewo,ccagbǝ ne mian nyan Mawu ye jójró. ³ Í un lǝ nu bǝ cagbǝ amǝnuvǝvǝ kǝ wo cɔ ŋun a tɔ, amǝɖe ŋka bú súsú gangan wú ɖekià ò. Vɔa wo bú susú lǝ ŋúnú nyannyan mǝ sigbǝnǝ Mawu nà wó xɔse ǝnǝ̀. ⁴ Ɖo mían gɔtó núwo sugbɔ vɔa wo ŋwɔnǝ ǝdo ɖekɛn à ò. ⁵ Nǝnǝ kǝ mía cawo mía cawo mí nyi ntiran ɖekà le Kristo mǝ vɔa mi í mí gbǝ nyi amǝ vóvó. ⁶ Mian nú nànnànwolǝ vovo sigbǝnǝ wó na mí amǝnuvǝvǝ a ǝnǝ. Nǝ amǝde xɔ̀ ǝnyɔn núdɛ ye gbɔngbɔn a, na zɛn lǝ xɔsǝamǝ. ⁷ Nǝ amǝde xɔ ǝdɔ wɔ̀wɔ̀ ye gbɔngbɔn a na wɔ̀ dɔ. Nǝ amǝdǝ xɔ ǝnukpramǝ ye gbɔngbɔn a na kpranú. ⁸ Ne amǝde xɔ ǝgan do amǝ ye gbɔngbɔn an nà dogan amǝ. Nǝ amǝde xɔ ǝnúnanàa gbɔngbɔnan, na nàn nú. Nǝ amǝdǝ xɔ amǝkpɔkpɔ ye gbɔngbn an na lǝ bǝ í wɔ̀. Nǝ amǝdǝ xɔ adɔn nú kpɔkpɔa, na wɔɛ kiɖe víví dódó. ⁹ Ganganŋgan ŋka nɔn rɔnrɔn mǝ nǝ mí o. Mí tri ǝnuvɔɛn nǝ mían wɔ nú nyɔngbí. ¹⁰ Mí rɔn mían ɖekiwó nǝ mían bú mían dekíwó. ¹¹ Mí bì ɖe mían dekiwo ŋun, lǝ gbɔn gbɔn mína ne mían gbɔngbɔn na rikǝ́. Nǝ axɔtɔa tɔ, mí wɔdɔ nǝ. ¹² Ǝnú na vívínǝ mí lǝ kánkàn deji mǝ nǝ cɔ̀mǝ, mí dojí lǝ mían tǝtǝkpɔwo mǝ nǝ mian sɛnŋun lǝ mɖǝxóxómǝ. ¹³ Nǝ xɔsetɔwo nú hiànwo, mían bide wo ŋún. Mí to mɔn desiadeji bǝ mían nyi ǝnú nyɔngbi wɔ̀to. ¹⁴ Mí yra mían kǝtɔwo, mí ŋka kpɔvi dewo ò. ¹⁵ Mi konú kiɖe amǝkǝ lǝ vivi sesemǝ dɛawo. Mí fàn aviŋ kiɖe amǝkǝ lǝ fàn aviŋ wó. ¹⁶ Mí wɔnú ɖedú kidǝ tamǝ súsú dǝkɛn an. Mí ŋka wɔ akɔ lǝ mían súsú mǝ ò, vɔa mi xɔ amǝ nyɔngbiwo. Mí ŋka nyi adaŋùn ɖetɔ ne mían ŋtawo dekíwo ò. ¹⁷ Mí ŋka wɔ ǝvɔɛnɖe amǝkǝ lǝ jí ǝvɔɛn nǝ mí ò. Mí wɔ nu nyɔngbi lǝ amǝsiamǝ ye ǝkúvimǝ. ¹⁸ Mian ŋtawó mi ŋka do ǝvɔɛn vɔɛn tóxó ò, migbǝ Mawu dɛ ne awɔɛ kide ye xómǝfiɛn. ¹⁹ Ɖo wo ŋrɛndɛ bǝ. «Ǝnye í do nǝ tóxó ne amǝvɔɛn, ǝnye í tú ne fɛ̀n.» Axótɔ í nuí. ²⁰ Vɔa nǝ fúfe lǝ le tɔ kǝ̀tɔ̀a nɛ̀n ǝnú ne adú. Nǝ ǝcikomǝ í lǝ tínàn, nɛ́n ǝcí ne anú. Ɖo ne mí lǝ wɔnǝ àn, anyí akàn kǝlǝ bízó í mí bɔ de tá dɛ. ²¹ Ǝnuvɔɛn ŋka dú mían ji ò, vɔa mí dú ǝnuvɔɛn wɔwɔji kiɖe ǝnu nyɔngbi wɔwɔ.