¹ Amǝsiamǝ na bú ǝdu& ŋkɔnɔtɔ ganganwó do ǝgàn ɖe ŋulɛ kǝ ŋcó Mawu gbɔ ò. Í ǝgan kǝ lɛ awo, Mawu í ɖówó. ² Ye ídɔ nǝ amǝde gbǝ ǝganwó búbúa, un wɔ ɖe Mawu ye sejí ò, í Mawu la do ye kójó kidewó. ³ Ɖo ǝdu mǝganwo ǝnyi ǝnú danhɛn towó ò vɔa wó tunǝ mɔn de ǝnuvɔɛn wɔwɔ mí jí bǝ yó ŋka vɔn vɔn ne ǝdumǝganwó à? Mí búwó nǝ woà kafu mí. ⁴ Ɖo ǝnyí Mawu ye dɔ cɔ̀tɔ̀ ne tɔ nyɔnnyɔn. Vɔa nǝ mi lǝ wɔ nuvɔɛn an mían le vɔnvɔn, do ǝnyi cagbǝ ǝnukɛn tɔ í wó wɔ ŋusɛn kǝ wɔa seŋ dɔn tó ne amǝan dɛ ò. Ɖo Mawu ye dɔwɔtɔ í nyi, í wɔne xómafiɛn de amǝkǝ lǝ wɔ nuvɔɛn an. ⁵ Ye í ɖɔ̀ la bui, ŋkannyí cagbǝ ǝtó dɔ̀ndɔn tɔ ò vɔa cagbǝ mían jí tɔ̀. ⁶ Ye ídu í mí tunǝ takɔɛ. Ɖo ǝdomǝ mǝ. Ganwó, Mawu dɔ wɔtɔ wó nyí i na le lǝ̀bǝ̀ ne ǝnunanó tɛgbɛ. ⁷ Mícɔ amǝsiamǝ ǝnú kǝ nyí ye tɔa nɛ: tàkɔɛ ne tàkɔɛtɔ, ǝmɔnjiho ne amǝkǝtɔ ínyí mɔnjí nóà, vɔnvɔn ne amǝkǝ wó do la vɔnvɔn ne àn, búbú ne amǝkǝ wó la búa. ⁸ Mí ŋka dó nyɔn kiɖe amǝe ò, mirɔn mían dǝkiwó. Ɖo amǝkǝ rɔn xrɔà wɔ dǝ ǝseji ⁹ Do «Ɖo ŋkawɔ mantélé ò, ŋkà wúamǝ ò, ŋkà fífí o, amǝbu ye nu ŋkà jrówo ò.» Í ne ǝse buwo gbe lɛa wo lewó de ǝnyɔn núnu íla mǝ « À rɔn nɔnvio sigbǝ wò ŋta ǝnǝ̀.» ¹⁰ Rɔnrɔn ŋɖenǝ ŋɖena abí amǝ xrɔ̀ ŋún ò. Rɔnrɔn í nyi ǝseaji wɔ̀wɔ̀. ¹¹ Cagbǝ natɔa, mí ŋnyan gamǝ, bǝ gamǝan sún ne mían nyɔ̀n có arɔn mǝ ò. Ɖo mían nuwɔwɔ tóxó ɖóɖó tebɔ wú ɖeca kǝ mí xɔse akàakà à. ¹² Ǝzan do sugbɔ í ǝŋún tebɔ kǝ̀kǝ̀. Míàn wrɔnbǝ zúbrumǝ nuwo wɔ̀wɔ̀ nǝ mían cɔ kǝkre ye gawú dó. ¹³ Mí zɔn azɔnrí dódó sigbǝ ŋkǝkǝmǝ enǝ. Ŋka sigbǝ ǝgbǝmǝranwo nu wɔwɔ ǝnǝ ò nɔmi àhànúnú ǝne ò. Í mí ŋka zɔn lǝ ǝsǝlǝ ranmǝ vɔɛn nucú nɔmí nyɔrú tɔ mǝ kiɖe ajre wɔwɔ mǝ o. ¹⁴ Vɔa mi ɖo mían xɔnamɔtɔ Yesu Kristo sigbǝ awú ǝnǝ, í mí ka nɔn ŋtiran mǝ ne ye jíjíwo ò.