¹ Mi ́xɔ amǝkǝ ye xɔse gbɔjɔ̀ nǝ mi ŋka ɖó kójó kiɖe ò. ² Amǝ dǝkà wɔ xɔse dɛ bǝ ye xɔse gbɔjɔ ya bǝ amanuwó ɖeɖe í ye adú. ³ Nǝ amǝkǝ lǝ dû nuwo sée ŋka kó amǝkǝ unle du wo see ò. Í amǝkǝ unle dú nuwó séea ŋka ɖo kójó kiɖe amǝkǝ le du wó sée ò. Ɖo Mawu xɔ̀ɛ. ⁴ Mɛ wɔà nyi ílǝ dɔn nyɔn kiɖe amǝke le wɔdɔ ne amǝbua? Nǝ í nɔnte nɔn mí ǝgɛ̀jɛn an ǝkan ye xótɔ. Vɔà à nɔntɔ dǝ ye fɔjí dó Mawu la dó ŋusɛn in. ⁵ Amǝ denǝ vǝvǝ ŋkǝkǝ ɖewó sewú ɖewó gbɔxó amǝbu ya cɔne ǝhó xɔxɔ dekɛn nǝ ŋkǝkǝa wo sée. Amǝsiamǝ na kan de dekiaji lǝ ye súsúmǝ. ⁶ Amǝkǝ kpɔ ŋkǝkǝ, kpɔɛ nǝ Mawu í amǝke dú nú, dúí nǝ axɔtɔ do ǝkafú Mawu. Amǝkǝ gbǝ ǝnú dúdú, ǝgbǝ ǝnú madú nǝ axotɔ, ye cà kafú Mawu. ⁷ Ɖo amǝde ǝlǝ ne dekià ò, i amǝde ŋukakú nǝ dekià ò. ⁸ Ɖo nǝ mí lǝ agbǝa, mí lǝ agbǝ nǝ mian xɔnamǝtɔ í ne mí gbǝ kú a, mí kú nɛ̀n. Nǝ mí lagbǝ nɔmi nǝ mí kú, mí nyio ye tɔ. ⁹ Ɖo cagbǝ na tɔ í Kristo kú í gbǝ fɔn có amǝkúkúwo mǝ, cagbǝ nǝ anyí axótɔ de amǝ legbǝ kiɖe amǝkúkúwo ji. ¹⁰ Vɔa ǝwó ŋukǝ íjɔ í ǝle klasi nɔnvio? Ǝwó, nu keyi jɔ í ǝle de nuvio devó? Ɖo núan wo see, Mawu ye kojó dódó jetǝ kpɔmí. ¹¹ Ɖo wó ŋrɔɛn dɛ bǝ «Ǝkró desiaɖe lajǝ̀ dǝsiadǝ lajǝ dǝ tí kǝmǝ̀, í aɖe desiade la kafú Mawu» ¹² Ɖo amǝsiamǝ la na akɔnta Mawu lǝ ye nuwɔwɔwo ŋun. ¹³ Ye ídɔ mì ŋka lǝ ɖo kójó nǝ mían ɖekiwó. Vɔa mían nu bǝ le, amǝde ŋkanyi ǝnukínu nɔmí í do fɛnca nǝ nɔnvíaò. ¹⁴ Un nyan í un kandejí lǝ axótɔ Yesu mǝ bǝ, ǝnu ɖe ŋxódu lǝ dekía sí ò, nǝ ǝnyi amǝkǝ cɔ ǝnú yɔ duxó, ye í xódú ne. ¹⁵ Nǝ ínyi cagbǝ ǝnudúdú tɔ í wo jígǝ nǝ nɔnviwoa, à nyi bǝ un gbǝ lǝ zɔn lǝ rɔnrɔn mǝ ó. Ŋkà danhan amǝde ke Yesu kú de ta nǝ cagbǝ tɔ nududutɔ ɔ̀. ¹⁶ Mí ŋka na bǝ mían nu nyɔ nyɔngbí wɔwɔ naɖi kókóe ne amǝwo ò. ¹⁷ Ɖo Mawu ye fíadúxó í nyi ǝnudúdú nɔmí ǝci núnú ò, vɔa cɔcɔkǝ, ŋtifafa kiɖe vivisǝsǝ lǝ gbɔngbɔn kɔkɔmǝ í ¹⁸ Ɖo amǝkǝ lǝ wɔ nǝ Kristo ǝnǝan nyɔn nǝ Mawu ye amǝwocawo jinǝ. ¹⁹ Mí na míawɔ ǝnu kǝ la hɛn ŋtifafa gaà kiɖe ǝnu kǝ la jrâ amǝsiamǝ doâ. ²⁰ Mí ŋka danhɛn Mawu dɔ cagbɔ nudúdú tɔ ò. Ɖo ǝnú dǝside dü, vɔa anyɔnŋú nǝ amǝkǝ lǝ duíà, í la va nyui amɔkónú nɛn. ²¹ Ǝnyɔ̀n bǝ wɔ́a dú ran, nɔnmí wóa nú àhà nɔmi ǝnubú kǝ mǝ ǝgǝ jíjí lǝ nǝ nɔnviwo ò. ²² Xɔse nawó kǝ lǝ asiwó à, nanɔn wó kiɖe Mawu ye doŋ doŋ mǝ. Wɔa jrà amǝkǝ wɔnǝ ǝnú nyɔngbí. ²³ Amǝkǝ le xo nu kpɔ gbɔxó í duí a wɔa nu bǝ ǝjeagɔ̀, do hína ŋcó xɔsemǝ ò, í ǝnu desiadǝ kǝ ŋcó xɔsemǝan, ǝnuvɔɛn í.