¹ Ifíà kǝ mi sɛn ŋun an, mí sɛn ŋun an, mí ɖo kpǝdǝ amǝ senŋun wo ŋun, mí ŋkà lǝ kafuú mían dǝkiwo, ò. ² Amǝsiamǝ na kafú nɔvia nǝ ǝnukǝ nyɔnan, í seŋ ɖo nusɛn ɛn! ³ Ɖo Kristo un dó dekià de ǝjí o; Vɔà kǝ wó ŋrɔɛn dɛ bǝ «Amǝkǝ lǝ́ zuawó zú ganganwó jǝ ǝ́jínye. ⁴ Ɖo ǝnukǝ wó ŋrɔndɛ ɖecàa wó ŋrɛn dɛ nǝ mían nu kpràamǝ, cagbǝ nǝ to ji dódó kide ŋrɔnrŋran wó ŋusɛn dódómǝ, mìan kandǝjí. ⁵ Ifià, kǝ ji dódó kide ǝzàn dodo ye Mawu bǝ mían wɔ susu dekɛnàn dɛ lǝ mían dekiwo mǝ sigbǝ nɛ Yesu Kristo nuí. ⁶ Nǝ kidǝ súsú dǝkɛn àn ǝnú dǝkɛnan, mían teŋun do Mawu deji kide mìan xɔnamtɔ Yesu Kristo. ⁷ Mí xɔ mían dǝkíwo sigbǝnǝ Kristo xɔ mí ǝnǝ, nǝ Mawu ye ɖoɖodǝjí. ⁸ Nǝ jímaxɔsǝ tówó ca nado Mawu dejí cagbǝ ye dɔnnú kpɔkpɔtɔ. Wó ŋrɛn dɛ bǝ: ⁹ «Mà kàfú tɔ ŋkɔ̀ le jimaxɔsǝ tɔwó mǝ, í jí kàfú-kàfú ha nǝ tɔ ŋkɔ̀. ¹⁰ Wó gbǝ ŋrɛn dɛ bǝ: «Ǝnú na vívínǝmi mían jímaxɔsǝ tɔwó kíde mían dúkɔn.» ¹¹ Mi gbǝ «kàfú axɔtɔ mían jímaxɔsǝ tɔwo, axótɔ kǝ dúkɔnwo desí à.» ¹² Esaïe gbǝ nu bǝ : «Jíjimǝ dǝka la dó có Jessé mǝ í la dú gàn nǝ jimaxɔse tɔwó í jímaxɔsǝtɔwó la kàn dejí.» ¹³ Nǝ kankandejí Mawu na mí vívísǝsǝ kiɖe ŋutifafa, ne mían kankanɖejí na súgbɔ̀ le gbɔngbɔn kɔkɔ ye ŋúsɛn mǝ. ¹⁴ Nye ŋta ca un kanɖe mían jí lǝ ǝnú kǝ kanmían mǝ, nɔn vinyewo. Un kandeji ǝnú dódó, ǝnú nyan. Nyan dɔ mían mǝ dɛ, í sɔgbǝ dɛ í la xónú nǝ míandekiwó. ¹⁵ Ifía ŋlǝ wrɔn nu nǝmí kiɖe jídódó bǝ. Sǝ̀ŋun dówún ǝnu ɖówó ǝnu ɖówó nǝ mi, cagbǝ ǝnu kǝ Mawu nàn unàntɔ. ¹⁶ Ǝnú nan nan í nyi bǝ ǝnyi ǝlǝ wɔdɔ kiɖe Yesu-Kristo í wó dɔ un dɔda jímaxɔsǝtɔwó gbɔ, bǝ ma nú Mawu nyɔn. Un do la wɔɛ nǝ jimaxɔsǝtɔwó nú nan nan wɔa xɔwó, ne gbɔngbɔn kɔkɔ. ¹⁷ Nǝnǝ kǝ, tiŋ dódó dǝjí lǝ Yesu-Kristo kide Mawu ye núwó mǝ. ¹⁸ Ɖo nye ŋka dóji íwrɔn ǝnude kǝ Kristo un núnǝ un ò, ne ava hɛn jimaxɔsetɔ wó mǝ mabúbú va ò. ¹⁹ Ǝnú kǝ ǝnyɔn nú-nú kǝ ye dɔwɔwɔ wo& wɔ í, desi wo ŋusɛn, ǝnú nyɔngbiwó to gbɔngbɔn kɔkɔ mǝ. Ǝnú nan lɛ̀ dɛ có Jerusalem, kide ǝdú kǝ xíxraɖeawo kǝkǝ íseyi illyrie, un teŋun mà Kristo ǝnyɔn. ²⁰ Nǝnǝ í tíŋ jíjí nyi bǝ ma kàkà Mawu nyɔn, vɔa ǝnyi fí wo ɖesi Kristo ye ŋkɔ dɛ lǝ̀a ò, ne nye ǝka và mǝ̀ de amǝbu ye gɔmǝ dokpɔ jí ò. ²¹ Kǝ wó wrɔɛn dɛ bǝ: «Amǝkǝwó wo ǝnu ye yɔn dǝkɛn nǝawo ò la kpɔa, í amǝkǝ ŋseawo ò la sǝ gɔmǝ.» ²² Ye ído í wó túmɔn un sɔgbɔ bǝ ma va mían gbɔ. ²³ Ifia à tiŋ tóxó dǝkɛn ŋgbǝlǝ̀ ǝdú hina wó mǝ ò í jíbǝ ma va mian gban ǝdíŋdí. ²⁴ Nǝ un va yí Espagne, an un jíbǝ ma kpɔ mi va yikɔ, nǝ mían dɔŋun, nǝ kǝ un nyí mían xrɔ nǝ ŋkǝkǝ ɖó à. ²⁵ Vɔa ífía un yí kɔ Jerusalem í la va wɔdɔ nǝ xɔsǝtɔwó. ²⁶ Ɖo vívísǝsǝ gàngàn ínyi nǝ Macédoine kide achaïetɔwo bǝ wɔa jɔnú nǝ wa mɔnnɔnwó kǝ lǝ Jerusalem ye xɔsetɔ mɔan wó. ²⁷ Ɛn, vívísǝsǝ gàngàn í, lǝ nyɔn dódo mǝ bǝ na trɔ jra wó dó. Ɖo nǝ jímaxɔsǝtɔwo ca kpɔ mɔnnu lǝ gbɔn gbɔn mǝ núwo mǝ an, dó wo ɖo la wɔ do kíde wo le ŋtiran nuwo mǝ cà. ²⁸ Ifía nǝ un wɔ hína jrɔà, í kanɖǝ ǝkuku cɛncɛn hína jí nǝ woà, ma tó mían gbɔ nǝ un vayikɔ Espane. ²⁹ Un nyabǝ, nǝ un va mían gbɔà, ma ɖɔ kiɖe gbɔngbɔn kɔkɔ lǝ Kristo ye yayra mǝ. ³⁰ Ifia, nɔvíwo un jí có míangbɔ tó axótó Yesu Kristo kide ye rɔnrɔn ǝgbɔn gbɔ í seŋu wɔ ahúa kiɖe un lǝ tíŋ dexóxónǝ Mawu mǝ. ³¹ Mí xódǝ̀ bǝ ma dó lǝ ma dó lǝ amǝ mabutɔ kǝ lǝ yudea, í tiŋ dɔ le Jerusalem an, xɔsetɔwo na xɔɛ. ³² Mí xóde bǝ ma teŋun va míagbɔ kide jíjɔ kpɔkpɔ kíde Mawu ye jíjí í nǝ ma kpɔ gbɔn gbɔn lǝ mian gbɔ. ³³ Nǝ Mawu ye ŋutífafa na nɔn mían wó séé jí. Acɛ̀.