¹ Ífíà a àlǝ́kée ínyi Juif tɔ́ tɔ? I alǝ́ kée ílǝ́ ǝvó cócó mǝ? ² Ɖekpuikpuiɖǝ àlǝ gàngàn kǝlǝ-kǝlǝ à Mawu ye nyɔn núdɛawó à wó cɔwó nǝ Juif tɔwo. ³ Í núkée? Nǝ Juif tɔ ɖewó ŋxosé wó tónu masǝ́ ŋkà nà bǝ ye rɔnrɔn nà bú ò. ⁴ Gbǝɖe ò. Vɔa woa kpɔɛ bǝvMawu ye nyi adódó nǝ ǝgbǝtɔwo lǝ́ xóvi ca. Sigbǝ wo ŋrɛn dɛ: «Nǝ wɔa kpɔmi ǝnyɔn dódó nutɔwo, kide nǝ mía du jí nǝ wo va kójó dó gbǝ́ nǝ mí». ⁵ Vɔa nǝ mían núdódó màwɔ dísa Mawu. Ye nyɔnjɔjɔ, nǝ mía teŋun nú mɔn? Mawu ŋúwɔvɔɛn nǝ ícɔ ye xó amǝde à? Nɔmi ǝwɔvɔɛn àn Unle xónu lǝ́ amǝgbǝ tɔviwo nú wɔwɔwomǝ. ⁶ Nǝ mí gbǝ nà dɛ, nǝ Mawu do kójó nǝ xíxeamǝ mǝn? ⁷ Vɔa nǝ Mawu ye nyɔn dódó, tó tín víxó mǝ, àcɔ kàfu-kàfu va nɛ an? ⁸ Nú kǝ́ íjɔ í woa gbǝ ɖo kójó un sigbǝ ǝnuvɔɛn wɔtɔ ǝnǝ? Nu kɛ íjɔ í wó ŋna núbǝ kǝ nù xonǝ vi ì amǝ dewo, gbǝ bǝ nu nɛ bǝ. «Mía wɔ nuvɔɛn bǝ ǝnu nyɔngbi na va à?» Kódjó kǝ wo ka nǝ woà nyɔn. ⁹ Nuke í? Kuku í mìa ɖea? Ɖo mi nu nyɔn vɔɛn có Juif tɔwo, kide Grec tɔwo ŋun, bǝ wo nɔn nuvɔɛn mǝ, ¹⁰ Sigbǝ wo ŋrɛn dɛ «Amǝ nyɔngbiɖe ŋlɛ ɔ̀, amǝ ɖekɛn ò.» ¹¹ Amǝɖekɛn ŋle se núgɔmǝ ó. Amǝdekɛn ŋle ji Mawuó. ¹² Wo sée trɔ ngbe, wo see nyi ǝnú xodú-xódú. Amǝdekɛn ŋle wɔ nú dódó ò, o, amǝɖekɛn ò. ¹³ Wo rómǝ wɔdɛ sígbǝ yɔdo ǝ́nǝ. Wó ɖéwo brǝ́nǝamǝ. Ǝdán ɖí lǝ́ wó nútó. ¹⁴ Wo núwo ɖɔ kide fíkpódǝ kíde ǝnyɔn vǝ́vǝ́ wo. ¹⁵ Wo fɔ̀wó sɔgbǝɖɛ́ bǝ yáafángnán ǝŋú. ¹⁶ Ǝ́nú danhɛn-danhɛn, ayà ɖúɖú ínyí wo mɔn wó. ¹⁷ Wó ŋdesi ŋtífáfá ye mɔnò. ¹⁸ Mawu ye vɔn-vɔn ŋlǝ wó ŋkuvímǝ ò.» ¹⁹ Ifia mi nyin bǝ ǝnyɔn ɖesiaɖe kǝ ǝsea lǝ nú àn ǝlǝ nuí nǝ amǝke íle kprɔawó. Ye í là na bǝ àmǝsiamǝ na víi, kide xixeamǝ sée lá nya bǝ yo ɖú fɛn ɖe Mawu. ²⁰ Ɖo ŋútiràn ɖe tɔ ŋka và jɔ̀ có esea ye dɔ̀wɔ̀wɔ̀wó mǝ lǝ ye ŋkúvímǝ ò. Ɖo có esea í ǝnú vɔɛn desi-desi có. ²¹ Vɔa ífia, esea tɔ manɔn mǝ àn wo ɖesi Mawu ye kojó ɖóɖó. Esa kide nyɔn nudɛ tɔwo disa kójó ɖoɖoa. ²² Mawu ye kójó dodo to Yesu Kristo ye jí xɔse mǝ nǝ amǝ kewo xɔ jí sǝ́. Ɖo vovo tótó ŋka nɔnmǝ ò. ²³ Ɖo wo sée wo wɔ nuvɔɛn í Mawu dɔn ye kpǝnkpǝn mǝ jíi lǝ wo gbɔ. ²⁴ Wo ve wo nú gbale-gbale to amǝnuve ve mǝ, kide Yesu Kristo ye amǝ kprɔ kprɔ va ɖekià gbɔ mǝ. ²⁵ Ɖo Mawu dɔ Yesu Kristo bǝ tó ye kuku mǝ wia cɔ mían nuvɔɛn wo kǝ mi. Ǝdɔ Kristo dodo sigbǝ kpɔdeŋun nǝ ye kójó dodo ǝnǝ cagbǝ nǝ wǝa cɔ mían nu vɔɛn kǝ mi wɔ vayi lǝ brɛwu mǝ wo kǝ́ mi. ²⁶ Ǝwɔ hilawo sée í sey disa lǝ ǝgba mǝ bǝ, ye ŋta, ye kɔ, í ye bubǝ amǝke xɔ Yesu jí se ca lǝ kɔkɔ. ²⁷ Ifia dée nukeí mían seŋùn kan adan? Ǝnudekɛn ŋlɛ o. Susu kée idɔ? Kǝ́ miwɔ ɖe ǝseawojí ídɔa? Ò kǝ́nuxɔ ǝsea idɔ. ²⁸ Míanú xɔntɔn bǝ amǝ xɔ kakan d&ji lǝ xɔse mǝ to ǝseawo ji mawɔ mawɔ mǝ. ²⁹ Nɔn mi Mawu nyi Juif wo ɖécin Mawu í à? Ŋunyi jimaxɔsetɔ wo cao Mawu à? In. Wó cáo Mawu í wó nyi. ³⁰ Nǝ Mawu nyiɖeka, àɖe-desi amǝdodo wo lǝ wo xɔse mǝ kide amǝvɔɛn lǝ wo jímaxɔse mǝ. ³¹ Nɔn mi mía gbǝ ǝséa lǝ xɔse mǝàn? Ŋká nyí nǝ̀ gbǝɖe ò. Mí kán ɖe xɔsǝ jí.