¹ Nú kǝ́ í mìa nú sigbǝ mìa tɔgbi Abraham kpɔɛ lǝ ŋtiraǹ mǝ ǝne? ² Ɖo ne Mawu nàn wo bú Abraham bǝ ǝnú nyɔngbi wɔtɔ ǝneà ye nyǝn jɔ bǝ nà wɔ àkɔ, vɔ̀a ŋnyi lǝ́ Mawu ye ŋkuvímǝ ò. ³ Ɖò nuke í ŋrɔnŋrɔn an nù? «Abraham konde Mawu ji í wo bui sigbǝ amǝdódó ǝne.» ⁴ Ifia àmǝkǝ lǝ wɔ Mawudɔa wó ŋnà tú fɛn nɛ sigbǝ àmǝnúvǝvǝ ǝne ò, vɔa sigbǝ í jǝ́ nɛ ǝne. ⁵ Í ne amǝkǝ ŋle wɔdɔ ò; vɔa í xɔ amǝkǝ le wɔdɔà jí sea Mawu cɔne ye ca sigbǝ amǝdòdò ǝne tɔ ye xɔse mǝ. ⁶ Ɖavid ca nu yayra nyɔn de amǝkǝ jí xǝ́ɖe lǝ Mawu dɔ mawɔ mawɔ mǝ í nubǝ: ⁷ «Wɔa yrà amǝkǝ wó cɔ wó nuvɔɛn wo sǝŋkǝwo kide amǝkǝ wo cɔ ǝnú í seŋun cɔn wó nuvɔɛnwo jí. ⁸ Wɔa yra amǝkǝ Mawu ŋvɔ ye nuvɔɛnwo í seŋun yɔ ǝnuɖe ò.» ⁹ Ifía wó nú yàyrà nyɔn nà de Amǝkɔkɔwo ɖeɖe ŋun nɔnmi wo nui ɖe amǝ màkɔkɔ wo càwo ŋun? Ɖo mi lǝ́ nu bǝ «Abraham nyi amǝ nyɔngbi lǝ xɔse mǝ» ¹⁰ Nɛ í wɔdɛmɔngbɔxó wó buíi ǝne? Wó có ǝvó nɛ gbɔxoà nɔnmi wo ŋcó ǝvó nɛ ò. Ganamǝa wo ŋco ɛvó nɛ ò. ¹¹ Abraham xɔ ǝvo cócó ye desi. Hina ye í va na bǝ wo bu Abraham bǝ ǝnyi amǝ nyɔngbi le xɔse mǝ kǝ́ gan namǝ wó ŋcó ǝvoi nɛ hɔdoo nene í Abraham zun dàdà nǝ amǝkǝ xɔ Mauwu jí see kǝ wo ŋcó ǝvó cà o a ; ye gɔmǝ ye nyibǝ wo buíde amǝ dodo wo mǝ. ¹² Nene kǝ ígbǝ nyi dàdà nǝ amǝkǝ wo có ǝvone a wo, Ǝnyibǝ kǝ wo co ǝvó ne wó ɖɔɖɔ í dɔ ò vɔa kǝ wo xɔse ídɔ̀. Sigbǝ Abraham ca wɔdɛ gboxo ívà có ǝvo ǝne. ¹³ Ɖo ǝnyi lǝ xɔse m í wo de eze ne Abraham kide ye jijimǝviwo ò, eze dodo kǝ nubǝ wo í la nyi xixeamǝ ye cinɔn ɖúkɔwo-tó xɔsea ye kojoɖoɖomǝ í. ¹⁴ Ɖo nǝ ínyibǝ amǝ kǝ lǝ xɔsea mǝ wo ŋnyi ye cinɔn ɖutɔwóà, xɔse nyi ǝnu gbale í ǝze dédé à ca ŋle ǝɖe mǝ o. ¹⁵ Ɖo ǝse hɛnnǝ xomǝfien va, voà fí ǝse ŋlea, ǝse ji mawɔ mɔ ǝnɛn ne ò. ¹⁶ Cagbǝ natɔ hila va lǝ xɔse mǝ ne ànyi amǝnuvǝvǝ . Ǝnukǝ̀ dóne có mǝ ínyi, ǝze ɖeɖe nǝ jijimǝa wo sée. Í jijimǝ la cɔ amǝkǝ nyan kikde amǝke wɔ Abraham ye xɔse dɛawo. Ɖo míawo sée dàdà ínyí. ¹⁷ Sigbe ne woŋrǝɛn dɛ: «Ŋcɔ wo wɔ eduwo séé dada.» Abraham lǝ amǝkǝ ŋkanɖejíawo ŋkuvímǝ, Mawu nà agbǝ̀ amǝkukuwo, í ǝnu malɛ malɛ wo ì yɔ bǝ wolɛ. ¹⁸ Lǝ ǝnu ɖesiaɖe mǝa Abraham kande Mawu jí ne ǝcǝ kǝ gbɔnɔna. Í va nyi ǝtɔ̀ nǝ ǝdú súgbǝ nǝ wo nui dɛa ǝne: «Nenǝ kǝ í lanyi ye jíjímǝ víwo». ¹⁹ Ŋnyui amǝ gbɔjɔ lǝ́ xɔse mǝ ò. Abraham nyɛ̀n bǝ ye ŋká teŋún jí ví ò (dó ye xó sun kove takpó). Ígbǝ nya bǝ Sara ye xódó ŋka teŋun hǝn evio. ²⁰ Vɔa lǝ́ Mawu ye zé ɖeɖe mǝàn Abraham. Ŋgbɔjɔ o, vɔa ǝdo ŋusɛn ɖekia lǝ xɔse mǝ kide lǝ Mawu ye ŋutikɔkɔ mǝ. ²¹ Ǝkán deji bǝ ǝnúkǝ ye zé Mawu doa áwɔɛ. ²² Cagbǝ ye xɔse kǝlvsia tɔa Mawu buí bǝ ǝnyi amǝdòdò. ²³ Vɔa wo ŋrɛn dɛnǝ ye lǝ́ kpɔkpɔ, bǝye idɔ wo buí bǝ ǝnyi amǝdòdò ò. ²⁴ Wo ŋrɛn dɛ mí cawo kǝ woa bu amǝdodo, míawó kǝ xɔ amǝke fɔn Yesu le amǝkúkúwo mǝ jí sǝ́. ²⁵ Cagbǝ mían nuvɔɛn tɔ í wo wuíde, í Mawu fɔn ɛn citǝ ne wɔa nv woa cɔ mian núvɔɛnwo kǝ mí