¹ Ifià, ŋkàteŋun ɖe kúkú ó, amǝ, ǝwó kǝlǝ dó kójo kide amǝwó, nǝ ǝle wɔɛ ǝne an ǝle wɔ ǝnu vǝvǝ kide ɖekíó. Ɖo ǝwo kǝ́ le nú bǝ yé nɔví ŋú wɔɛ nyɔngbíawo, wó cà ǝle wɔ ǝnú dekɛn àn. ² Vɔà ḿ nya bǝ Mawu ŋxɔnǝ amǝ kǝ nɔn nǝ agbǝ hína mǝnki wó ò. ³ Vɔà cagbǝ nàtɔ a, kǝ amǝkɔ wɔ nǝ nú nàwó mɔnki, í vɔa wó ŋtà cà ewɔnǝ nú nàwó, ǝbuíbǝ Mawú axɔ yé à? ⁴ Fí í ǝgbe àgɔ jǝjǝ lǝ ye nyɔnnyɔn xɔxó nà ɖe, ye tó dɔndɔn brɛwú tɔ, ye ji dódó, ùn nyàbǝ ye nyɔn nyɔn kprɔ ne amǝ de ǝnúvɔɛn wɔwɔ ye vǝvǝ sesemǝ àn? ⁵ Vɔa lǝ tɔ jí trítrí, ǝtó sǝsǝ lǝ jímǝ matrɔ matrɔ mǝ í dɔ í Mawu ye xomǝ fíɛn va jí ò lǝ Mawu ye kójó ɖóɖó ye ntǝkǝ jí. Gbó nànàn Mawu àdó kójó í la dísà ye xómǝfiɛn nǝ amǝvɔɛn wó. ⁶ Ye í ka va tu fɛn ne amsiamǝ de ǝdɔ kǝ íwɔa ye jrǝ̀-jrǝ̀ nù. Amǝkǝ lǝ́ wó núwɔwɔwó wó kike. ⁷ Amǝkǝ wɔ ɖ Mawú nyɔn jí, í búí, i& wɔ nú dódò à Mawú à nàwó agbǝ mavɔ. ⁸ Vɔa amǝkǝ wɔna àkɔàwoă, í wó ŋbúnǝ Mawú nyɔn dódóà ò, í wɔnǝnú lɛ màkɔ màkɔ mǝ wó, í wɔ nǝ xómǝfiɛn, í sǝnǝ vǝvǝ wó, ⁹ Mawu ye xàxà gàngàn, ye xómǝfien de lúvɔn dǝsiadǝ kǝ la wɔ núvɔɛn, dǝ Juif wó jí kǝlǝ kidǝ Grec wo jí. ¹⁰ Ŋútífàfà, búbú kíde dódó dejí nà nyí amǝkǝ wǝ ne nú nyɔngbíátɔ kǝlǝ. Kǝlǝ lǝ Juifwó mǝ kiɖe Grecwó mǝ. ¹¹ Ɖó Mawu ŋkà seŋun kǝ́ wó ò. ¹² Kiɖe nǝ amǝɖe wɔ núvɔɛn le ǝsea mǝ àn amǝnan la kú ci ǝseamǝ í nǝ amǝɖǝ ŋwɔ núvɔɛn le ǝseamǝàn ŋkà ku cí ǝseamǝoé. ¹³ Ɖo ǝní amǝkǝ́ lǝ́ sǝ́ ǝséá wó ínyɔn lǝ́ Mawu Ye ŋkúvímǝ ó, vɔa amǝkǝ́ wɔnǝ ɖe ǝséají wó í Mawu rɔn nǝ. ¹⁴ Ɖò jímàxɔsɔtɔ kǝwó ŋxɔ ji sǝ ò, í wó wɔnǝ wó núwó lǝ jɔjɔmǝ sewo jí à, wó nyí sǝ nǝ wó ɖekíwó, kǝ í nyibǝ wó ŋxɔ Mawu ye seawó ji sǝ ò. ¹⁵ Tó nà mǝ wó ŋrɔn ǝsea ye nú wɔwɔwó de wó jíwó mǝ. Nǝnǝ kǝ wó jì cà lǝ dó kójó kiɖewó, wó súsúwó càwó le biɔ ǝnyɔn wó sǝ, có ŋtawó ŋùn. ¹⁶ Kide có Mawu ŋùn. Ǝnukǝ la va jɔ lǝ gbǝ́kíke Mawu la ɖó amǝgbetɔ ye nú wràwràwó kójó to tíin Mawu nyɔn núnú, kide tó Yesu Kristo ji. ¹⁷ Buibǝ ye nyí Juif, nɔ̀n sǝà mǝ, ǝnú nì vívínnǝwó lǝ bǝyelǝ́ Mawu mǝ. ¹⁸ De desí Mawu ye jíji nǝ ŋkà wɔ ǝnu kǝ tóvó nǝ ǝnú kǝ wó kprawo mí lǝ ǝsǝamǝ an ò. ¹⁹ Í nà buibǝ ǝkanɖè dǝkíwó ji bǝ ǝnyi ŋútɔ nɔwó kprɔtɔ wó í kà nyi kànɖé nǝ amǝke ĺ zúbrúmǝ ɖɛà wó, ²⁰ Ǝwo í kà kpranú amǝ manya núwó, devíwó xótɔ, í lǝ ǝseameăn ǝnya nú súgbɔwó í gbǝ nyà ǝnyɔn dódóà. ²¹ Ǝwó kǝ lǝ kpranú amǝwó, nú kǝ íjɔ í ŋlǝ́ kprà dekiwóò? Ǝwó kǝ lǝ kprà amǝwo bǝ wo ŋka fífíò, wò ŋta ǝle fíà? ²² Ǝwó kǝ lǝ kprà amǝwo bǝ wó ŋkají amǝsiò, wó ŋta-ŋle wɔɛà . Ǝwo kǝ lekǝ vóduwóɖée ŋle fífí lǝ Mawu ye dexóxɔmǝ an?. ²³ Ǝwó kǝ lǝ konú fɛɛ lǝ ǝsea mǝ, ŋdó nǝ ǝhɛn Mawu lǝ seawo jí mawɔ mawɔ mǝ àn? ²⁴ Ɖò wó dóhɛn Mawu ye ŋkɔ lǝ amǝvɔɛn wó mǝ cagbǝ tɔwó, sígbǝ nǝ wó ŋrɛn ɖɛ ǝne. ²⁵ Á dú ale lǝ tɔ vó cócó mǝ nǝ. Ínyibǝ ǝwɔde ǝseají, vɔa nǝ ǝgbe bǝ ye ŋkawɔ de ǝsea jí à, tɔ vo cócó atrɔ zú evó ma cócó. ²⁶ Nǝ ǝwó macótɔ lǝ wɔ de eseajíà, ye vó macócó ŋúnyɔn wú evo cócóà? ²⁷ Kide amǝke kǝ wó có vo nǝ có jɔjɔmǝ ŋka va dó kójó kidewó nǝ í lǝ wɔ de eseají à? Kǝ ínyíbǝ mí wɔ ŋrɔn ŋrɔnàwó dɛ í desí ǝvó cócó, gbɔxó í mí gbǝ bǝ yewó ŋka ɖe ǝseawo jí ò. ²⁸ Juif tɔ ŋtà ŋtà ŋúnyinǝ Juif tɔ le xíxènú ɖeɖe, kide ǝvó cócó kǝ nyí eran mǝ nú í wóà kpɔ lǝ xíxenú ò. ²⁹ Vɔa Juif tɔ ínyí amǝke nyi&i lǝ gbàŋgbà í ǝvò cócó nyí cò ye jímǝ, lǝ ye susumǝ kǝ ŋúnyí lǝ ŋrɔnyrɔn mǝ ɖeɖe ò. Amǝ hina í Mawu kàfú-kàfú ŋúcónǝ amǝgbǝtɔ wo gbɔ ò vɔa ǝcónǝ Mawu gbɔ.