ATCHAMADO_BEN-aug_rom_text

Ǝta 1

¹ Pɔlú, Yesu Kristo ye mǝdɔdɔ, cǝ wó yɔ bǝ nanyi Mawu ye nyɔn nutɔ, ² Ǝnyɔdódó nàn ye zé í ì dɛ tó ǝnyɔn nú dɛ tɔwó jí lǝ̀, ŋɔŋrɔn kɔ̀kɔ̀awó mǝ. ³ Có ǝvia kǝ có David ye jíj́mǝ lǝ ŋutíràn mǝ. ⁴ Wó yɔɛ bǝ Mawuvi tó gbɔ̀ngbɔ̀n kɔkɔnyinyi yǝ gbɔgbɔ tó amǝḱḱwó fɔ́nfɔ́n mǝ, Yesu Kristo míá xótɔ́. ⁵ Tó yejí í míxɔ̀ amǝnuvǝvǝ, amǝdɔdɔnyǝnyǝ nǝ atóɖódó lǝ xɔsǝmǝ lǝ mǝ càgbǝ ye ŋkɔ̀ tɔ̀. ⁶ Có ǝdunà dukɔawo sééé lǝ anyigbaji cagbǝ yeŋkɔ ta. Co dukɔ wó mǝ í wó yɔ́ ḿ có bǝ míau nyi Yesu Kristo tɔ̀. ⁷ Nǝ amǝ kǝlǝ Romàa wó́ Mawu ye rɔnrɔntɔwó, kíde amǝkǝ wó yɔ bǝ wa nyí amǝkɔ̀kɔ̀wó. Amǝnúvǝvǝ, ŋtífafa kǝ có Mawu mian Dada kíde Yésu Kristɔ mían xótɔ ná nɔn míanyí. ⁸ Kǝ́lǝ́-kǝ́lǝ́ ŋda akpǝ́ ne Mawu tó Yesu-Kristo ji ne mìanwó séé. ⁹ Ɖó Mawu ye í nyítíin nyɔ́n tóxó kpɔ́tɔ́, amǝkǝ ún wɔnǝ́ dɔ nǝ́ lǝ lǝ tíin súsúmǝ lǝ́ ǝvíà ye nyɔ́n dódóá mǝ, ígbe nú nɛ mían nyɔ̀n tɛgbɛ̀ɛ. ¹⁰ Un bíɔ nǝ tɛgbɛ̀ɛ tó tíin dǝ́xóxówó mǝ́ bǝ̀ Mawu ná kpédé ǝŋúnye nǝ má teŋún và mía gbɔ lǝ́ ye rɔnrɔn nú mǝ. ¹¹ Ɖo ŋúnyibǝ ma kpɔmi, nǝ ma cɔ́ gbɔngbɔn mǝ̀ ye nú náńwó nǝ mí í séŋún dó mí ŋúsɛn. ¹² Yé gɔmɛ í nyibɛ mià do ŋúsɛn mìa dǝ́ḱwo tó tíŋ xǝsé kídǝ míatɔ mǝ. ¹³ Ífía nye ŋlɛjibǝ màŋrɔnbǝ nɔnví kǝ́ ŋjíbǝ mà lǝ́ jíkpɔ̀, vɔ̀a xáxawó gbǝ́ kǝkǝ vá ná ǝ́gbá ò. Ǝjíbǝ mawɔɛ ne míateŋún kpɔ ǝ́kú cíncín ɖǝ́wó le mìan mǝ sigbǝ́nǝ satana súbɔ́tɔ́ kpɔ́tíòwó ǝnǝ. ¹⁴ Ún dú fɛn ɖǝ́ Greco tɔ́wó, kide amǝjró, kidǝ amǝcícíwo kíde ǝ́núvɔɛn wɔ́tɔ́wó. ¹⁵ Kǝ kaŋ án, ún sɔgbǝ́ bǝ́ má nú nyɔn nyɔgbi mía Mawu tɔa mi. ¹⁶ Ɖó ǝ́ŋún ŋlǝkpúŋ lǝ́ nyɔn dódóá núnúmǝò, dó ye ínyí Mawu ye ŋúnsen nǝ amǝsíamǝ kǝ́ xɔsea yé dede kpɔkpɔ, kǝ́lǝ́kǝ́lǝ́ Juifi tɔwo ḱde Greki tɔwo. ¹⁷ Ɖó có ye nyɔ̀n nà mǝ í Mawu ye kójó ɖóɖólǝ xɔse mǝ íseyixɔsemǝ sígbǝ ŋrɔ̀nŋrɔ̀n a wó núí dɛ ǝnǝ. «Amǝ nyɔngbí ànɔn agbǝ̀ lǝ xɔ̀sǝ mǝ.» ¹⁸ Ɖo Mawu ye xómɛfiɛn cóne jíŋkóní nǝ. Amǝke ŋkpɔnɛ àdɔnú mǝ nǝ nɔnvǐwó à, í amǝgbetɔ yǝ núvɔɛn wɔwɔ gbǝ nǝ bǝ ŋkà nú nyɔn dódó ò. ¹⁹ Híláo, dóbǝ ǝnú kǝ Mawu di&isá wó càɔ́ kpɔnɛ. Ɖo Mawu ɖe wó gɔmǝ nǝ wó. ²⁰ Ɖo có xíxemǝ ye gɔmǝ jǝjǝ, Mawu ye nu màkpɔ makpɔwó, wó dísa wó xíxeamǝ ye cócó mǝ, ye gǝmǝ ìnyí ŋúsen màvɔ màvɔ, ye Mawu nyínyí. Ÿe í wó ŋkà tǝŋún ɖe kúkú ò. ²¹ Ɖó kǝ̀wó desí bǝ ye ínyí Mawu cà, wóŋkáfuí sígbǝ Mawu ǝnǝ ò, wó ŋdò búbú ŋun cà ò. Yɔà wó trɔ zún ǝnudódó màwɔtǝwó lǝ tamǝ búbú wó mǝ í wó jíwó xódú. ²² Kǝ wóbǝ ye ínyí ŋúnúnyatɔwó à, wó va trɔ zún ǝnúmanyà manyà tɔwó, ²³ wó dɔrí Mawu ye kàfú-kafú kiăde ǝnú kǝ sɔ kíde amǝdɔndǝn, xevíwo; ǝran àfɔnǝ wó kide ǝran ke cɔ̀ nǝ xódó zɔn anyigbamǝìwó. ²⁴ Ye ídɔ, yi Mawu gbǝwodɛ nǝ jíwó nú jójrówó nǝ wó ɖù xóxówó, nǝ wòà dó hɛn, wó gotowó lɛ wó dekíwómǝ. ²⁵ Wó í trɔ Mawu ye nyɔn dódó íseŋ wɔ víxò, kide wókǝ súnǝ̀bɔ ǝnúkpàkpàwó ígbèxíxèa xótɔ kǝ wà kàfú íseyi mavɔ mavɔ dɛ̀. Acɛ̀! ²⁶ Cágbǝ nàtɔ í Mawú dɔ nǝ wó dǝ́ ǝnú jójró màje-màje wó mǝ. Ɖó wósíwó trɔ wó jɔjɔmǝ núwo íceŋú wɔ ǝnúke ŋje ne xíxeà ò. ²⁷ Nǝnǝ kǝ núcúwó gbǝ́ wó jɔjɔmǝ núwodɛ̀ kide nyɔrúwó í tɔ zó wó ŋtáwó jójró. Ŋúcúwó le wɔ ǝnú kǝ́ ŋjeo kíde wó xrɔ ŋúcúwó kǝ́ conǝ ǝtodɔndɔn kǝ cɔne enúvɔɛn ɖe enú ŋuŋgbí tóxó. ²⁸ Kǝ wó ɔjinǝ amǝke xɔ Mawu ɖǝ́ wó jíwómǝ aǹ, ǝgbe nǝ wódɛ de wó súsú vɔɛn wó mǝ í wó wɔnǝ ǝnú wó, kǝ wó ŋdólawɔ wó ò. ²⁹ Wó xódówó mǝ dɔ kide ǝnú àdàn wɔwɔ, ǝnujójró kide súsú vɔ̀ɛn. Wó xo&mǝ ɖɔ kide ŋúbia , amǝwúwú, àjrǝwɔ̀wɔ̀, amǝbrebre kide súsú vɔɛn ɖeɖe. ³⁰ Wó nyi àmǝnú dànhɛn tɔwó, amǝ ke ɖékǝ̀ Mawuwó, wó nyi amǝzútɔwó, gànŋgàn wǝtɔ wó kide akɔ wǝtɔwó, amǝ kǝ cɔnǝ ǝnu vɔɛn mǝ va wó í wóŋbunǝ wó jí tɔwó ò. ³¹ Wó ǝnyan nǝ ŋúnú ò, wó ǝnyi amǝke jí wòa kanɖe ò, amenú ǝdunǝ adɔnnú nǝwóò. Wó gbǝ sɛn ŋun tà. ³² Gbɔxó wó wó nya bǝ amǝke wɔnǝ ǝnu na wó à, ǝku íjǝ́ nǝwó. Vɔa ǝnyi bǝ wó wɔ nǝ enú hina wó ɖeɖe í ò wó gbe xe nǝ ɖe amǝke le wɔ enúna wó mǝnki wó cáwó jí.