1 Lǝ̀ ìnàwó ŋgbéà, lǝ̀ tìín nú kpɔ́kpɔ́ mǝ̀à ŋkpɔí ǝhɔn ɖǝká hùn dǝ̀ jií ŋkòríɖɛ́. Ǝgbǝ ŋkɔ̀tɔ̀ kǝ̀ŋsǝ̀à lǝ̀ xò nùú-ŋu sìgbǝ̀ ǝkpɛ̀n kǝ̀ wóséŋ jìnǝha ǝ̀nǝ́ bé. << Ríá ǝjì vá lǝ̀là nǝ́ má díisá ǝ̀nú xǝ̀ ka vá jɔ̀ lǝ̀ ǝnú ìnà ò ŋgbǝ́á>>. 2 Ǝká ǝkáá, ŋɖógbɔngbɔn mǝ̀ ì ŋkpɔ Fìɔ̀zìkpùi ɖékà lǝ̀ jiŋxòrí xiɖé ámǝ̀ɖéká kǝ̀ kànrɛn déjí dɛ́á. 3 Amǝ̀kǝ̀ kànrɛ̀n ɖɛ́á ɖí ǝkpé kǝ̀ wó yɔ́ nǝ́ bé yaskpis kíɖéb sandis a ǝ̀nǝ́ Anyíihɔ̀n ɖéká xòxrà fìɔ̀zìkpùìà. Ányíi hɔ̀n á gòtò lǝ̀ sìgbǝ̀ ǝkpé kǝ̀ wóyɔ́nǝ bé simaragd-kpé ǝ́nǝ́. 4 Zikpui ǝ̀wì vɔǝ̀nǝ̀ í xòxrá fi"ɔzìkpùìà ì am̀ǝ̀gán cìcì ǝ̀wì-vɔɔ̀ ǝ̀nǝ̀ kànrɛ̀rɩ ɖé wó jí wódó áwú-ǝyǝwó kíɖé fìɔkúkú cíkatɔ̀ lǝ̀ tá nǝ́wó. 5 Có fìɔ̀zìkpúià ŋkɔ̀ à cì kǝ̀zowò kìɖǝ́ ǝgbǝɖiɖiwò kiɖǝ́ ǝcìɖǝ̀gbǝwò kaǹŋɖé gbán ámàdré lǝ́ sisiɖɛ̀ lǝ̀ ǝfìɔ̀ zìkpùìà ŋkɔ̀ kanŋ dégbán wò lǝ̀ nyí mawu-égbɔ̀ngbɔ̀ ámàdréáwo. 6 I ǝtɔ̀ gáŋgán kǝ̀ wóyɔ́ nǝ́ bé axùà lǝ̀ fìɔ̀zikpùìàŋxɔ axùà mǝ̀ cì kɔ̀ cékécéké sigbǝ̀ kristalo ǝ̀nǝ́. Lǝ̀ ǝfìɔ̀zikpùiaà dòŋdòmǝ̀ séŋxóxráɛ̀ váyìà ǝ̀nú agbǝagbǝ ámǝ̀nǝ̀ dékáwó nǝ̀ǝ́nà í ǝ̀nú-agbǝagbǝ ámǝ̀ nǝ̀ dékáwó nǝ̀ǝ̀ na ì ŋkúvi sugbɔ̀ lǝ̀ŋkɔ̀ kiɖe ŋgbǝ nǝwo. 7 Ǝ́nú agbǝagbǝ ŋkɔ̀tɔ̀ à lǝ̀ sigbǝ̀ jaŋtá ǝ̀nǝ́ Ǝvǝatɔ́ á lǝ̀ sìgbǝ̀ ámǝ̀gbǝ tɔ́tɔ̀, ǝ̀nǝ̀ Ǝvǝa tɔ̀ à lǝ̀ sìgbǝ̀ là là cú ǝ̀nǝ́ ǝnǝatɔ́ lǝ̀ sìgbǝ̀ xévi kǝ̀ wóyɔ́ nǝ́ bé Ǝhɔn í lǝ̀ zò lǝ̀ à̀yà̀mǝ̀ ǝ̀nǝ́. 8 Ǝ̀nú agbǝagbǝ ámǝ̀nǝ̀àwo sééé dó àwà ámàdín ámàdǝ́n i àwàwò ŋkɔ̀ kíɖé ŋgbé à ŋkúvíwó ɖeɖei wó nyí; í wó lǝ̀ nú nǝ́ ǝzàn kíɖé nyì̀dí bé << kɔkɔ, kɔkɔ,kɔkɔ í lǝ̀ nyí axótɔ́ mia mawu, àmǝ̀kǝ̀ nɛ̀ ráyi, xǝ̀lɛ̀ ŋfìà ì kavà và̀à>>. 9 Gaɖe kpúkpúiɖǝ̀ kǝ̀ ǝnù agbǝagbǝwo cɔ̀ nǝ́ kpǝnkpǝn mǝ bubu xíɖé akpédádá séŋlè ná àmǝ̀kǝ̀ kànrɛ̀n dé fìɔ̀zikpuìji àmǝ̀kǝ̀ lǝ̀ agbǝ yì mavɔ mavɔ mǝ̀à. 10 Í àmǝ̀cìcì ǝ̀wìvɔɔ̀-ǝ̀nǝ̀ àwó jǝ̀nǝ́ ǝkrò dónǝ́ tà-ǝgu nǝ́ àmǝ̀kǝ̀ kànrɛ̀n dé fìɔ̀zikpùì jí á.Í wó dǝ́nǝ́ tàgudǝ̀ŋkɔ àmɔ̀ kǝ̀ yǝ̀ agbǝ séyì mavɔ mavɔ mǝ̀ i wò cɔ́nǝ́ wó fìɔ̀kúkúwó séŋdànè ɖé Ǝfìɔzìkpùìà yé ŋkɔ̀ ì núnǝ́ bé. 11 << Míá axótɔ́ kíɖé mía Mawu í jǝ̀ bǝ́ nùxɔ̀ kpǝkpǝmǝ, bubu kíɖé ŋúsín Ǝ́núxǝ̀ɖɔ́á ǝ́wɔ́ ǝ̀núwó sééé i tó tɔ̀ɔ́ nɔ̀nrɔ̀n nù mǝ̀à ǝ́wɔ̀wó í wólǝ̀ agbǝ>>