¹ <<Ŋrɔ̀n ɖíɖá Mawuǝ́́ŋǝ̀dátɔ́ kǝ̀lǝ̀ nyí saridɛ́si hámǝ̀ á : Àmǝ̀kǝ̀ lè gbɔngbɔn mawutɔ ámàdr̀éá wó xíɖé wrètíví mawutɔ ámá̀dréá wó ɖé asíá yé nyɔ̀wó kǝ>> Ŋ nyá tɔ́ɔ̀ ɖɔ́wó, ǝ̀xɔ̀ŋxɔ́ bé ǝ̀làgbǝ vɔa ǝ̀kú. ² Fɔ́n lǝ̀ ɖeèxìwò mǝ̀ nǝ̀ naɖòŋúsɛ́n ǝ̀nú xpɔ̀tíáwó kǝ̀wó lǝ̀ ǝxúmɔ́jí ɖɛ́ ŋfìàwó ɖóbǝ́ nyǝ̀ŋkpɔ́ tɔ̀ɔ́ɖɔ́ wɔ́wɔ̀à bǝ́ ényɔ́ lǝ̀ tìín mawu éŋkúví mǝ̀o. ³ Yé yí ɖɔ́í, na ɖòŋù ǝ́núkǝ̀ ǝ̀xɔ̀yí sèèà séŋ dé ǝdɔ̀wɔ̀wɔ̀ mǝ̀ nǝ́ nawɔ̀ɖéji. Vɔa nǝ́ ŋfɔ́n có tɔ̀ɔ́ árɔ̀nɖɔ́n à mǝ̀o, maá sìgbǝ̀ fràfìtɔ́ ǝ̀nǝ́, ì ŋka nyá gaxoxo xèjí ŋgbɔ̀nɔ̀ ǝgbɔ̀wò o. ⁴ Vɔa ámǝ̀ ɖékáwó ŋkɔ́ lǝ̀ asíwò kèwò ŋsugbɔ̀ o, lè sariɖɛsi kǝ̀wó ŋxoɖì wó wùwò o. Wò́ázɔ̀n xíɖéŋǝ̀ , wóádó àwù ǝyè fútáfútá, ǝ̀núkǝ̀ɖɔ́á ǝ́jǝ nǝ́ wò. ⁵ Ámǝ̀kǝ̀ áɖu jìà wóá àwù-ǝyǝá nǝ́ǝ̀ nyǝ̀ŋxa tútú yéŋxɔ́ gbǝɖǝ̀ lǝ̀ agbǝ wómà m̀ǝo, maá xònù có yéŋxɔ̀ŋú lǝ̀ timDàdá xíɖé mawu-ǝ́ŋǝ̀dótɔ́wó ŋkɔ̀. ⁶ Amǝ̀kǝ̀ ǝtò sǝ̀nú lǝ̀ síá násǝ̀ ǝǹyɔ̀ xǝ̀ gbɔngbɔn a lǝ̀ nú nǝ́ hàmǝ̀àwò >> ⁷ << ŋrɔn ɖiɖa Filaɖɛ́lɩ́fi hámǝ̀à: Àmǝ̀ kǝ̀lǝ̀ kɔkɔ í nyí àmǝ̀dòdóá, yé nyɔ̀wó kǝ yé sí Ɖàvídi cávriwò lǝ̀ Éhùnǝ̀ í àmǝ̀ɖéxɛn ŋtéŋtúnɛ́ɛ̀o; Étúnɛ́ɛ̀ àmǝɖéxɛn ŋté húnɛ̀ o. ⁸ Ŋnyá tɔ̀ɔ́ ɖɔ́wó; kpɔ́, ŋhú ǝhɔn dǝŋkɔ nǝ́ wò kǝ̀ amǝ̀dékɛ́n ŋkatéŋ túì o. ŋ nyá bé ŋúsín hɔ̀ɖékà ɖǝɖǝyi lǝ̀ àsìwò vɔa. ǝ̀ɖòotó tíìn nyɔ̀wó í ŋgbǝ̀ tíìnŋ kɔ́ dɛ́ o. ⁹ Kpɔ, àmǝ̀xǝ̀wò nyí sàtana hámǝ̀tɔ́wó,í wó nú nǝ́ bé yèwó ŋ nyío wó lǝ̀ xòviyì. Maáná i wó á vá jǝkrò nǝ́ò í wóányɛɛ bé ŋrɔ̀nwò. ¹⁰ Dóbé ǝ́lé tìín ɖòɖó mǝ̀ ɖé así lǝ̀ jigbɔgbɔ brɛwumǝ́ , ŋcà maà kpɔ̀ tɔ̀ɔ́tà lǝ̀ ɖoɖókpɔ xǝ̀ kavà và xíxéa sééé jía ǝ̀núkèdɔ́á wò ka dó xíxéá mǝ̀, tɔ́wó sééé kpɔ́. ¹¹ Ŋgbɔ̀nɔ̀ ŋkìà nɔtè nyɔ̀ŋgbì bè ámǝ̀ɖè ŋxá và xɔ́ tɔ̀ɔ́ fìɔ̀ kúkú á o. ¹² Àmǝ̀xǝ̀ ádujía maán i aá zù sɔ́tí lǝ̀ tìin mawu éxɔ̀mǝ̀ í aánɔ̀ nyɔ̀ŋgbì nɛ̀ɛ́nà ì ŋkagbǝ̀dò lè nɛ̀ɛ́n á gbǝɖé o. Maá ŋrɔ̀n tìin mawu éŋkɔ́ dé éŋú xíɖé Ǝɖu kèlè nyì tìín mawu tɔ̀ à éŋkɔ́ ( Yérúsalɛ́mi yǝyéè kǝ lǝ ɖì có jì lǝ̀ tíin mawu gbɔ́) , kíɖé tíìnŋkɔ yǝ́yé á. ¹³ Ámǝ̀kè ǝtósènú lǝ̀ síá násè ǝ̀nyɔ̀kǝ̀ gbɔngbɔna lǝ nu nǝ haámǝ́á wó. ¹⁴ Ŋrɔn díɖá hámǝ̀ kélè nyí lao disǝ << Bé ǝ̀núkǝ̀nyí acɛ̀ akǝ̀, dasésitɔ́ adodómǝ̀ xíɖé xaxádéjí àmǝ̀xǝ̀ lǝ̀ dù̀ fìɔ̀ dé Mawu énú wɔ̀wɔ̀ wó jì sééé á>>. ¹⁵ Ŋnyá tɔ́ɔ̀ɖɔ́wó, ŋfáóo í nǝ́nǝ́ké í ŋxɔ̀ zo o tiín jìji yí nyíbé na xɔ̀zo aló na fá! ¹⁶ vɔa kǝ̀ ǝ́lǝ̀gbrɔ́brɔ́á ŋxɔ̀zo aló fácá o; ŋ jí bé mátrúwò kɔnŋgì có tiìn númǝ. ¹⁷ Ǝ́núnǝ́ bé ; << hotɔ́nɔ̀ í ŋ nyí ŋbɔ̀ ǝ́nú nɔ̀àmǝsí sugbɔ wó ɖɛ́ nǝ́ ɖǝǝ̀kìnyǝ ǝ̀núɖéxɛ́n ŋhíánŋǝ̀ o>> vɔa ŋnyábè tɔɔ́ nú dùàɖɔnu aa; ènyí àyà ɖútɔ́ ŋkugbàngbàntɔ̀, kíɖé àmǝ̀kǝ̀ lǝ̀ ámáàmà ì ǝnyí. ¹⁸ Ɖotó tìín ǝ̀nyɔ̀kprámǝ̀; và xrè cìka kǝ̀ wò xrɔ́ kiɖé ǝzoa nǝ́ ná trɔ́zù hotɔ́nɔ̀ kíɖé áwù ǝyǝ̀ fútáfútá kǝ̀lǝ̀ dà zoa nǝ́ ŋkává cí ámáàmá nǝ́ wó́ à và kpɔ́ tɔ̀ɔ́ŋkpǝ̀ xó o. Na xrǝ̀ àmì í siɖé tɔ̀ɔ́ŋkúríwó nǝ́ natéŋú kpɔ́ŋùnù nyɔ̀ŋ́gbì. ¹⁹ Ŋkpránǝ́ ǝ̀nù ígbǝ̀ ɖínǝ́ǝ sá nú nǝ́ amǝkǝwo sǝ́ǝ́ǝ́ ŋrɔ̀n à sigbǝ̀nǝ ijǝ̀ bǝ́ waa nɔ̀ agbǝ dò yéyíɖɔ́ na kpɔ́ ɖeékíwò jí nyɔŋgbì nǝ́ na trɔ́ jimǝ. ²⁰ kpɔ́ ŋlǝ̀ ǝ́hɔn a gbɔɖɛ́ í lǝ̀ xòèè nǝ́ àmǝ̀ ɖé sǝ̀ tìí gbǝ̀ í hùìíŋ -àà maà ɖó yé xɔ̀mǝ̀ ì dù nú kíɖé ì yécà à dùnú kidéŋ ^{21 22} Àmǝ̀kǝ̀ ádujiá, maá nɛɛ mɔ́ bǝ́ nà kàn rɛ̀n dé tìí kpá ɖékámǝ̀ lǝ̀ tíì fìɔ̀ dùxó sigbǝ̀ nǝ́ nyɛ̀ ca ŋdujì ì lǝ̀ tìín Dàdá-ǝ́lɔ̀ɖùnùmǝ̀ lǝ̀ yéfìɔ̀ dùxó á ǝ̀nǝ́. Ámǝ̀kǝ̀ atósènú lɛ̀ nɔ̀à ná sè ǝnyɔ̀kǝ̀ gbɔngbɔn à lǝ̀ núnǝ́ haámǝ̀a>>