¹ Ŋrɔn didá Mawu-éŋɛ̀dótɔ́ kè̀lè nyí Efeso hámǝ̀, àmǝ̀kè lé wètriví ámàdréáwó dé yélɔ̀ dùnú mǝ̀à yé nyɔ̀ wó kǝ. ² Àmǝ̀kǝ̀ lǝ̀zɔ̀n lè akákàtí ámàdréáwó kǝ̀ nyí cìká lǝ̀ núbé: "ŋnyá ǝ̀núkǝ̀ ǝ̀wɔ̀à, tɔ̀ɔ̀dɔ́ kidé tɔ́ gbàgbá jèjè lè brɛwu wɔ̀wɔ̀ mǝ̀. Ŋnyá mǝ́ ŋlè rɔn nǝ́ àmǝ̀ kèlè wɔ̀nù bàdàwó o.Ŋnyámǝ́ ǝ̀kpɔ́ gɔmǝ nǝ̀ àmǝ̀ kèwó lǝ̀ xovi bǝ̀ yè wó nyí àmǝ̀dɔ́dɔ́ wó vɔa wóŋníi o. Ɨ ǝkpówómǝ̀ vixotɔ́ í wónyi. ³ Ŋnyá mǝ́ lǝ̀ tɔ̀ɔ́brɛ̀wù wɔ̀wɔ̀ mǝ̀à ǝ̀tóònúmǝ̀ yitóxaxá mⱳ̀ sugbɔ̀ le tiŋnɔ́ tà í ǝnú ŋtikɔ̀ nǝ́ò o. ⁴ Vɔa kpɔ́ ǝ̀núkǝ̀ ŋ kááwɔ̀ kidéwóá, ǝ̀gbé tɔ̀ɔ̀ rɔ̀nrɔ̀n ŋkɔ̀tɔ̀àdɛ́. ⁵ Ɗoàŋù ci ǝ̀yéjɛ̀n lǝ̀à trɔ́jimǝ nǝ́ na nɔ̀ sigbǝ̀ ǝ̀lǝ̀ kélé kéléá. Nǝ́ ŋtrɔ́ lǝ̀ dekiwo mǝa yé í áná bé maá vá dé tɔ̀ɔ́-kákàtíá lǝ̀ yé tòhó. ⁶ Ganàmǝ̀ xótɔ̀n à miádé desi tɔ̀ɔ́gbǝ̀nɔ̀nɔ̀ nyɔ̀ŋgbi à: ŋdasidé ǝ̀nú vɔ́in kè Nikolayi tɔ́wó lǝ̀ wɔ̀à jío, ǝ̀nukǝ̀ ŋcá ŋdasí dejí o. ⁷ Àmǝ̀kǝ̀ ǝtó sènú lɛ̀ nɔ́á ná dóotó ǝ̀núkǝ̀ gbɔngbɔn a lè nú nǝ́ hàmǝ̀à. Àmǝ̀kǝ̀ á dujiá maá ná ǝ̀mɔ́ɛ̀ bǝ́ ná du agbǝtí kèlè Mawu ǝ̀́ Paradiso mǝ̀à">> ⁸ Ŋrɔn didá Mqwuŋǝdótɔ́ kèlè nyí Simiri hámǝ̀ bé << Àmǝ̀ kè nyí ŋkɔ̀tɔ́ kidé ŋgbètɔ̀à lǝ̀ núbé, àmǝ̀kè kúkpɔ́ í gbǝ̀ trɔ́gbɔ̀gbǝa. ⁹ Ŋnyá tɔ̀ɔ́xàxáwó kidǝ́ tɔ́yàdùdù wó (Vɔa hotɔ́nɔ̀ í ǝ̀nyí), ŋnyá ámǝ̀ŋúgbrétɔ́wó kèwó lé núbé yè wó nyi Yudatɔ́wó (Vɔa wóŋ nyi i o, kèwó nyi Satana yé hámǝ̀tɔ́wó.) ¹⁰ Ká vɔ́n xaxá kèlè nɔtǝ̀ kpɔ́wòà o. kpɔ́, àmǝ̀bàdà sɔ̀gbǝ dɛ̀ bé yèálé àmǝ̀ do óó le miamǝ i seŋdé gakpámǝ̀. Wóá dómìkpɔ́ í mìá tó xaxá mǝ̀ nǝ̀ ŋkǝ̀kǝ̀ amǝẁó. Mì nyi ǝ̀núdòdó wɔ̀tɔ́ kǝ́kǝ́ séyi ǝkúmǝ̀ í ǝ̀nyǝ̀ maáná mì agbǝ̀ fiɔ kúkú. ¹¹ Àmǝ̀kǝ̀ ǝtósènú lɛ̀ nɔ́á nq́sè ǝnyɔ̀ kǝ̀ gbɔngbɔn a lǝ̀ nú nǝ́ haámǝ̀ à ó. Àmǝ̀kǝ̀ ádujiá kpɔ́ xaxá kèlè nyi ǝkú ǝ̀vǝatɔ́á o.>> ¹² Ŋrɔ̀n didá Mawu ǝ́ŋǝ̀dótɔ́ kèlè nyì Perigamǝ ǝ́ hámǝ̀a bé:< kǝ̀lé ǝ̀wídádá ǝ̀nùvǝa lǝ́ nú bé:" ¹³ Ŋnyá fi ǝ̀nɔ̀nǝ̀à, nǝ̀ánà yí Satana yé fìɔ̀zìkpùì lǝ̀. Vɔa ǝ̀kpɔ̀tɔ̀ lé tiŋkɔ́dɛ́, í ŋnyá bǝ́ tɔ̀ɔ́ xɔ̀sè kǝ̀ ǝ̀dódé ǝjìnyǝ̀ à ŋgbèdɛ̀ o, lǝ̀ ŋkǝ̀kǝ̀ kǝ̀lǝ̀ nyí aŋtikpási tiín núkpɔ́tòhó cá, tiín àmǝ̀dòdó kǝ̀ wó wù lǝ̀ mìàmǝ̀à, Nɛ̀ɛ́ nà yí Satana lǝ̀. ¹⁴ Ganàmǝ̀à, ǝ̀nyɔ̀gbégbé dekáwó lɛ̀ nǝ̀ máwɔ̀ nǝ́wó: Amǝ̀wó lǝ̀ asíwò í lǝ̀ miámǝ̀ kǝ̀ wó xɔ̀ Balami yé séwó ji sè, kǝ̀lǝ̀ kprá Balǝki bǝ́ ná dà ǝkpé kǝ̀lǝ̀ nyí núkrìkpé déŋkɔ̀ nǝ́ Izrayɛli viwó, Ganàmǝ̀ dó nǝ́ wóátéŋú dú vɔsá núdùdù kǝ̀ wó séŋ sá̀vɔ̀ nǝ́ wó vòdúó í wóá teŋ cɔ́ wódé kiwó nǝ́ dɔ̀ndɔ́n màjǝ̀màjǝ̀ ó. ¹⁵ Nǝ̀nǝ̀kéyí, àmǝ̀wó hàgbǝ̀lǝ̀ miàdòmǝ̀ ì xɔ̀ Nikolayí yé séwó ji sè síinŋú á nǝ. ¹⁶ Trɔ́jimǝ xótɔ̀n! ŋnyíì nǝ́o ŋgbɔ̀nɔ̀ lǝ̀ màdìdi mǝ̀, í ŋka vá wɔ̀ ahua kídé ò kidé ǝ̀wí kǝ̀ ádò lǝ̀ tíí nù mǝ̀ à. ¹⁷ Àmǝ̀kǝ̀ ǝtósènu lɛ̀ nɔ́a nádóòtó ǝnyɔ̀ kǝ̀ gbɔngbɔn à lè nú nǝ́ haàmǝ̀àwó amǝ̀kǝ̀ ádujrá, maàcɔ́ núdùdù kǝ̀ wóyɔ́nǝ́ bé mána kè ŋsé wúrádɛ́á kidé ǝkpé ǝyefútáfútá kèjiwó ŋrɔ̀n ŋkɔ́yǝ́yéǝ kǝ̀ àmǝ̀dékin ŋnyá o, nǝ́gbé àmǝ̀kǝ̀ wó cɔ́ɛ̀ nǝ́á dǝdǝyi ányɛ́ɛ̀.>> ¹⁸ Ŋrɔ́n didi Mawu eŋǝdotɔ́ kǝ́lǝ́ Tiatire a:<< Mawuvi ǝ́ nyɔ̀wó kǝ, kǝ̀ yéŋ kúvíwó lǝ̀ sigbǝ̀ ǝzo kǝ̀lǝ̀ xɔ̀ kidé adàn ǝ̀nǝ̀, yé fɔ̀wó cá lǝ̀ sigbǝ̀ gajɛn kè wódè lǝ̀ zomǝ ǝ̀nǝ́. ¹⁹ Ŋnyá tɔ̀ɔ́ dɔ́wó, tɔ̀ɔ́ rɔ̀nrɔ̀n tɔ̀ɔ́ xɔ̀sè, tɔ̀ɔ́ dɔ́ kidé tɔ̀ɔ́ gbàgbá jǝ̀jǝ̀. Ŋnyábǝ́ tɔ̀ɔ dɔ́wó ǝgbàtɔ̀ à éwú ŋkɔ̀ tɔ̀ à. ²⁰ Ganàmǝ̀à, ŋlǝ gbé ǝ̀nú ilawo nǝ o, ǝ̀lǝ̀ xédé nyɔ́rùn zǝzabɛ́lìjì kǝ̀ núnǝ́ bǝ́ yé nyí ǝnyɔ̀núdɛ́tɔ́ á.Tó yé nú kpakpráwó mǝ̀à, ébrènǝ̀ tìí dɔ̀cɔ́víwó dé dɔndɔ̀n màjǝ̀ màjǝ̀ mǝ̀ í wólǝ̀ dù vodúwó vɔ̀ś. ²¹ Ŋcɔ́ gamǝ sugbɔ̀ í séŋ nɛ́ɛ̀ bé ná trɔ́ lǝ̀ yé jimǝ̀ vɔa ŋlǝ̀ dèè àmǝ̀ dékì cɔ́cɔ́ ná dékín kǝ̀ áná bǝ́ atrɔ́ jimǝ có dɔndɔ́n màjǝ̀ màjǝ̀à wó mǝ̀ o. ²² Kpɔ́, maácɔ́ɛ yi seŋ danŋkpúìdé dɔlǝlé bájí í àmǝ̀kǝ̀wó lè dɔ́n kidé à wóá, maàcɔ́wó séŋ dé xaxá gánŋgán mǝ̀, nǝ́gbǝ̀trɔ́ jimǝ có ǝnúkǝ̀ i lǝ̀wɔ̀ àmǝ̀ gbɔ̀hóyí maá sǝ́ŋkǝ̀ǝ̀. ²³ Maá wù ǝviáwo sééé, í haàmǝ̀ à wó sééé ányábǝ́ ǝnyǝ̀ i nyí àmǝ̀kè kpɔnǝ́ ǝjimǝ kidé súsúmǝ̀. Maádó yétòxó nǝ́ àmǝ̀síámǝ̀ tó yé dɔ̀wɔ̀wɔ̀ wó mǝ̀. ²⁴ Vɔa nǝ́ mìà àmǝ̀kpɔ̀tiáwó lè Tiatire a, kidé àmǝ̀ kǝ̀wó sééé ŋkprɔ̀ yé nú kpákprádóá o, wóŋnyá ǝ̀núkǝ̀ àmǝ̀ do ó nà lè yɔ́bǝ́ ǝnúkǝ̀ àmǝ̀ do ó nà lè yɔ́bǝ́ ǝ̀núyido lè Satana mǝ̀à miàwó í ŋlè núnǝ́ bǝ:<< ŋkà cɔ́ agban bu dé í séŋ dé miàjío ²⁵ lǝ̀ hɔnɔmǝ dǝsíadè mǝ̀à, ǝ́jǝ̀ bǝ́ míá nɔtè sínsín, kǝ́kǝ́ vá ná tìín vàvà. ²⁶ Nǝ́ àmǝ̀kǝ̀ dujiá í wɔ̀ ǝ̀núkǝ̀ ŋwɔ̀àwó kǝ́kǝ́ yi nùwúwúá, maánɛ̀ɛ́ ŋúsín dé ǝduwo sééé ji. ²⁷ Ádufìɔ̀ déwójí kidé atizɔ̀ti garitɔ̀. agbànwó wríwrí sìgbǝ̀ nǝ̀ wógbàn nǝ̀ ǝ̀kɔ́zé ǝ̀nǝ̀. ²⁸ Sigbǝ̀nǝ́ ŋxɔ̀ɛ̀ có tìín dada gbɔ ǝnǝ á, ŋca maà cɔ́ ŋdínwrètíví séŋ nɛ̀ɛ́n. ²⁹ Àmǝ̀kǝ̀ ǝtósènú lǝ̀ síá nase ǝ̀nyɔ̀ kǝ̀ gbɔngbɔn a lǝ̀ nú nǝ́ haàmǝ̀à wóá.>>