¹ Í ŋkpɔ ámǝ̀kǝ̀ kànrɛ̀n ɖé fìɔ̀zìkpùi jì à ǝ̀lɔ̀ ɖùnùmǝ̀à wòmà déká kǝ̀ wó ŋrɔ̀nú ɖémǝ̀ kíɖé ǝkɔ́ng óá wóŋrɔ̀ɛ̀ dé ǝ́mè-émǝ̀ kíɖé ŋéŋgbé. Í wó tré-ǝ́nù kíɖé ǝ̀nútrǝ́nú ámàdréá lǝ̀ ésí. ² Í ŋkpɔ́ Mawu-éŋǝ̀dótɔ sɛɛńŋú déká kǝ̀lǝ̀ dóŋǝ̀ kíɖé ǝgbǝ sínŋú << Mɛ́ɛ̀n í jǝ̀ bé ná hù wómà náadè énútrénúa ó ɖa máa?>> ³ Ámǝ̀ɖékin, ŋ́lǝ̀ jiŋkòrí ànyígbánjí aló ányígbántùmǝ̀, ŋ́ɖóŋúsín i áhù wómà gbǝdǝ̀ o. ⁴ Ŋ̀fàn avìnsugbɔ̀ ǝ̀núkǝ̀ɖɔ́á wòŋkpɔ́ àmǝ̀ kǝ̀ jǝ̀ àhu wómà aló í hrɛ̀n o. ⁵ Vɔa lǝ̀ tɔ́gbúícíàwó dómǝ̀tɔ̀ ɖéká xɔ̀nyɔ̀à í lǝ̀ núŋ bé<< ká fanvìn o! kpɔ́, jaŋtá kè có yúɖaà xòmǝ́ mǝ̀à í lǝ̀ nyí Dàvídi ye gùnù kǝ́á ǝ́ɖujì. Éjǝ̀ bé ná hù wómà i ɖǝ̀ ǝ̀nútrénú ámǝ̀dréáwó ɖá>> ⁶ Lǝ́ Fìɔ̀zìkpùìà ɔ̀ dòŋdòmǝ̀à kíɖé ǝ̀nú agbǝagbǝ á mǝ̀nǝ̀àwóá, í lǝ̀ tɔ́gbúícìcì wódòŋdòmǝ̀à ŋlǝ̀ kpɔ̀ árìgbɔ́ ɖǝ́ká kè lǝ̀ nɛ̀ɛ́nà ɖɛ́: sìgbǝ̀ wówùì ǝ̀nǝ́. Í ǝzo ámàdré lèsí kiɖǝ́ ŋkúví àdrrè kè wòlǝ nyí Mawu-égbɔ̀ngbɔ̀n ámàdrǝ́ kǝ̀wó wódɔ́ ɖíɖá xíxǝ́ámǝ̀. ⁷ Í ivà xɔ̀wómà lǝ̀ àmǝ̀kǝ̀ kànrɛ̀n dé fìɔ̀zìkpùìà ǝ́núɖúsí mǝ̀. ⁸ Kǝ̀ à̀ríngbɔ́á xɔ̀ wómà ǝ̀nú agbǝ agbǝ ámǝ̀nǝ̀à wò kíɖé tɔ́gbúícicì ǝ̀wùìvɔɔ̀nǝ̀ à wó détàgùnǝ̀ aríngbɔ́ á wó sééé wólǝ́ sàŋkú kíɖé kɔ́fù cìxátɔ̀ ì rínfíɖɔ́ɛ̀ɖɛ́ kèlè nyí ámǝ̀kɔ̀kɔ̀ wó ɖǝ̀xòxò. ⁹ Wólǝ̀ ɖéká: << ǝ̀wò ì jǝ̀ bǝ́ naxɔ̀ wómà í ɖè ǝ̀nútrénúáwó ɖá, ǝ̀núkǝ̀ɖɔ́á wó wùwò váyì i ǝ̀cɔ́ tɔ̀ɔ́ hù ì séŋ xrèmí có xómǝ̀ ɖǝsíaɖǝ̀mǝ̀ ǝgbǝvovowó ǝɖuɖǝsíaɖǝ̀ kídé ǝduganŋgàn wó sééé. ¹⁰ Í ǝ́wɔ̀wó fìɔ̀wó kíɖé vɔsátɔ́wó nǝ́ Mawu éɖɔ́wó, Í wó ɖufìɔ̀ dé ànyígbaji ànyígbájí. ¹¹ Í ŋ̀kpɔ́ í sè mawuŋǝ̀dótɔ́ sugbo wó gbǝ́ kíɖé ǝ́núagbǝagbǝawò kíɖǝ́ tɔ́gbúícícía wó wó hǝ̀hrǝ̀mǝ̀ lǝ̀ nyí káwùì bratɔ́n tòxó ámǝ̀wó kíɖé kàwùìbràtɔ́n wo brátɔ́n. ¹² Wólǝ̀nú kíɖé gbǝ sínsín bé: << aríngbɔ́ kǝ̀ wó wù à í jǝ̀ nǝ Ǝgàn nyínyi ǝ́nùnɔ̀àmǝ̀sítɔ́ núnyá ŋúsín bubu kpǝkpǝmǝ kíɖé kafukáfú>> ¹³ Í ŋ̀sè ǝ̀núwɔ̀wɔ̀ ɖesiaɖè kǝ̀lǝ̀ jiŋ̀kòriá ányígbá ànyígbátùmǝ̀ axùmǝ̀ (kíɖè ǝ̀núɖǝsíaɖǝ́ kèlǝ̀ wómǝ̀à wómǝ̀à ) Í lǝ̀ núbé: << kafukáfú bubu kpǝkpǝmǝ kíɖé acɛ̀kpàkpà nǝ̀ àmǝ̀ nǝ̀ lǝ̀ ǝfìɔ̀zìkpùìà kìɖǝ̀ àrìngbɔ̀à tɔ̀ séyì mavɔmǝ́.>> ¹⁴ Ǝ̀nú agbǝ agbǝ ǝ̀nǝ̀à wó lǝ́ nù bé:<> Í tɔ́gbúíá wo détàgu í lǝ̀ súbɔ́ɛ̀