¹ I ŋkpɔ́ jiŋkovi yǝ̀yǝ́ǝ kídǝ́ anyigbá yǝyǝ ǝnukǝdɔ́á jiŋkovi kídǝ́ anyigba kǝ́lǝ́kǝ́lǝ́ váyi i àxu cá ŋgbǝvá lɛ o. ² Ŋkpɔ́ ǝ̀dukɔkɔɛ a, Yerusalɛmǝ yǝyǝa kǝlǝ di coă jiŋkovia có Mawu gbɔ́ wójraɖonǝ sigbǝ ŋugbǝtɔ́ kǝwó lǝci nǝ́ acúá ǝnǝ́. ³ Í ŋsǝ ǝgbǝ gánŋgán dǝ́ká có fiɔ zikpuia gbɔ́, lǝ nú bǝ́ «kpɔ ! Mawu ǝnɔxo lǝ amǝwó domǝ i anɔkiwo, woanyi yǝ dukɔ yi Mawun tá ánɔ kídǝ́wó yì anyí wó Mawu. ⁴ Atútu àɖàci dǝsiadǝ ɖá lǝ wóŋkuvimǝ i amǝ ŋkagbǝkú o alo ayaɖuɖu avin fanfan vǝvǝsǝsǝ ŋkagbǝlɛ o, ǝnuxóxó váyí» ⁵ Amǝkǝ karin dǝ ǝfiɔ zikpuia jia lǝ nú bǝ́: «kpɔ́, ŋwɔ ǝnuwó sééé yéyé» I ìnu bǝ: «ŋrɔn ǝnulawó ɖɛ ɛnuwǝdă ǝnyɔláwó nyí ǝnyɔŋtáŋtá kiɖǝ ǝnyɔdodo» ⁶ ǝnúŋ bǝ́: «owɔ ǝnulawó ! ǝnyǝyí nyí Alufa kídǝ́ omǝga gɔmǝjǝjǝ kídǝ vɔxóá. Amǝkǝ ǝcíkɔ lǝ tíin a máná cíi afǝtɔ i ànu co agbǝcijɔxo. ⁷ Amǝkǝ aɖujia ádu ǝnulá ǝcinɔ i ma nyí yǝ Mawu yi a anyi ǝvinyǝ. ⁸ Vɔa vɔnvɔnnɔntɔ́wó kidǝ nudodomawɔtɔ́wó, ǝnunyɔŋuwɔtɔ́wó, amǝwutɔwo, matǝlǝwɔtɔwo,afankatɔwo, vodu subɔ́tɔ́wó kidǝ vìxòxotɔ́wó sééé wotóho yi lǝ nyi azotan bibi-ǝkpoamǝ kǝmǝ vǝ́vǝ́sǝ́sǝ́ nǝna yi lǝ́nyí ǝku ǝvǝatɔ» ⁹ Mawu ǝŋɛɖotɔ́ amadrǝáwó domǝtɔ dǝká vá ǝgbɔnyǝ amǝkǝ sí kɔkɔ amadrǝáwó lǝa kǝwó dɔdɛ kidǝ ǝkuwɔ́amǝ kpɔtiáwó, i inúbǝ́: «va lǝ là nǝ́ mácɔ́ nyɔrun acúɖǝtɔ́a i sǝ́ŋ disa nǝ́o, Aríngbɔvía-ǝsi» ¹⁰ I ìkikǝ́ŋ lǝ gbɔgbɔmǝ í sǝ́ŋyi ǝtó kɔ́kɔ́ kǝ gaănŋgăn jí í ìcɔ ǝ̀dù kɔkɔɛ í sǝ́ŋ dí sáŋ, yǝruzalɛmǝ kǝdi có jíŋkovía có Mawugbɔ. ¹¹ yǝruzalɛmǝ kǝŋu Mawu ǝkpǝkpǝnǝ lǝ kɔ́kɔ́mǝ lǝ sigbǝ ǝkpǝ́xɔhó ǝnǝ́ í lǝ sigbǝ ǝkpǝ́ kǝ wóyɔ́nǝ́ bǝ́ Kristal i yǝ nyɔnyɔmǝ lǝ bǝ yea nɔ sigb ǝyaspisǝ kpǝ ǝnǝ. ¹² ǝgrikpá gánŋgán lǝsí kǝ kɔ́ yìjí kǝ́kǝ́ i ǝhɔn wuivǝ ilǝsi kidǝ Mawu ǝŋɛdótɔ́ wuivǝ ílǝ ehɔn awómǝ. Wóŋvɔn Israyɛli viwo hinnu wuiveawó ŋkɔwó dǝ ǝhɔn wuivǝáwó ŋú. ¹³ Ǝhɔ̀n amǝtɔn lǝ ǝwozinxó i ǝhɔ̀n amǝtɔn lǝ ǝtarígbǝ́ i ǝhɔ̀n amǝtɔn lǝ àfɔrigbǝ́ i ǝhɔ̀n amǝtɔn lǝ ǝwojǝxo. ¹⁴ Gomǝdokpǝ́ wuivǝ ilǝ nǝ ǝdua ǝgrikpa í wóŋrɔn aringbɔ́ví mǝdɔdɔ wuivǝa wó ŋkɔ́ dǝ́ wóŋú. ¹⁵ Amǝkǝ xonu kiɖǝŋǝa lǝ cikati, kewo seŋjíjǝ́ nǝ ǝnu a dǝ asi dɛ́, naaseŋ jijǝ ǝhɔn awó kidǝ́ yǝ́ grikpoa. ¹⁶ ǝdua ǝkǝkǝmǝ lǝ joa oe amǝnǝji ǝjijǝ ǝdua kidǝ yǝjijǝtia yǝdinŋɖinmǝ lǝ sigbǝ yǝkǝkǝmǝ ǝnǝ ǝlǝ nyi stadio kawui-bratɔn toxo wuivǝ. ¹⁷ ǝ́jíjǝ́ ǝdua ǝgrikpá yi ilǝnyi abɔklugui kavǝ̀takpo kidǝ́ hoka cí ǝnǝ, lǝ amǝgbǝ̀tɔ ǝjijǝka kǝ lǝ Mawu ǝŋɛdótɔ́á simǝa. ¹⁸ ǝgrikpawó lǝnyi yaspisǝ-kpǝ́ i ǝdua nyi siká kɔkɔɛ ilǝ sigbǝ kɔ́fu kɔkɔɛ ǝnǝ́. ¹⁹ ǝgria gɔmǝdókpǝ́áwó sééé nyi sika ǝkpǝ́ vovovo xɔ̀hòwó. Kǝ́lǝ́kǝ́lǝ́tɔ lǝ nyí yaspisǝ ǝvǝatɔ́á lǝ nyí safirǝ ǝtɔn-atɔ lǝ agati amǝnǝatɔ́á lǝ nyí ǝmǝvodi. ²⁰ Amǝtɔ́n-atɔ́ lǝ nyí sardonikǝ adan-atɔ́ lǝ nyí sardoanǝ amadrǝátɔ́ lǝ nyí krizolitǝ amǝnyiátɔ́ lǝ nyí berilǝ amasidǝkɛ́átɔ́ lǝ nyí topazǝ, ewóátɔ́ lǝ nyí krizoprazo wuidǝkátɔ́á lǝ nyí yasintǝ wuivǝ́atɔ a lǝ nyí amǝtistǝ, ²¹ ǝhɔnwuivǝàwó lǝ nyí ǝkpǝ́xɔho ǝyǝtiti wuivǝ, wócɔ́ ǝkpǝ́xɔho dǝ́ká isǝŋwɔ ǝ̀hɔ̀n dǝkắ, i ǝmɔ́ kǝ yi ǝduamǝawóá lǝ nyí ciká ŋtáŋtá sigbǝ mɔkpɔ́nní kǝmǝ wókpɔ́nǝ ǝnu tónǝmǝdonǝ ǝnǝ́. ²² Nyǝŋkpɔ́ subɔsubɔ́-exɔ dǝ́kín lǝ duamǝ o ǝnúkǝdɔ́á Axótɔ́ Mawu ŋúsínwó sééé tɔ́ kidǝ́ Aringbɔ́viá yi nyí yǝ subɔsubɔ́-exɔ. ²³ ǝdu ŋhagbǝ biɔ́ nyídɔn-ǝkɔkɔ alo wrǝtí ekɔkɔ o. ǝnúkǝdɔ́a Mawu ǝkpǝkpǝmǝ ŋta hǝ kɔkɔva ǝduamǝ. I yǝ aringbɔvia inyí yǝ kakatí. ²⁴ Dukɔwó azɔn lǝ ǝduakɔkɔmǝ anyigbaji-ǝfiɔwó wóácɔ́ wó nu nyɔŋgbiwó í sǝ́ŋ vá dadǝ ǝmǝ. ²⁵ Yǝ hɔn wó ŋkatu gbǝdǝ lǝ ŋkǝkǝmǝ o, i ǝzan ca ŋkagbǝdo o. ²⁶ Wóá cɔ́ wonú dodó wó ǝnunya kpɔkpɔ́wó co dukɔ́wó mǝ i vá sǝ́ŋ dadɛ nɛna. ²⁷ ǝnumakɔmákɔ dǝkín ŋkado nɛnao gbǝdǝ o. Amǝkǝwó wɔ ŋkpǝnuwó kidǝ vixotɔ́wó dǝkin ŋka yi lena o. Vɔa amǝkǝwó woŋrɔn woŋkɔwó dǝ àgbǝwómá kǝlǝ nyí arigbɔviatɔa dǝdǝyi á ɖó duamǝ.