¹ Lǝ inaŋgbǝa Mawu ǝŋɛdótɔ́ á vɛ disá agbǝci ǝtɔaŋǝ ǝkɔnyɔŋgbi sigbǝ kristalo ǝnǝ́ ǝlǝ ca có mawu ǝfiɔzikpui a kidǝ́ aringbɔ́a gbɔ. ² Ǝlǝca tó ǝmɔ́ kǝlǝ ǝdua doŋdomǝ mǝ. Lǝ ǝtɔa ǝkpá dǝsiadǝjía agbǝtí lǝwó mǝ, iwócɛn nǝ́ atikú cɛ́cɛ́ vovovo wuivǝ. Wocɛ́n nǝ́ lǝ wrǝti dǝsiadǝ mǝ. Atia yǝ mmakawó anyi dɔyɔ gbǝ nǝ dukɔwó. ³ Nudodo ŋkagbǝ lɛ o. Mawu kidǝ aringbɔvia fiɔduxoa anɔ ǝduamǝ i yǝ dɔcɔ́ví súbɔ́ɛ. ⁴ Wóákpɔ́ yǝŋkúmǝ yi yǝŋkɔ́ anɔ wóŋgónu. ⁵ Ǝzan ŋkagbǝdó, wóŋka kian kandǝgban ǝkɔkɔ o, alo nyidɔn kɔkɔ o, ǝnukǝdɔ́á àxótɔ́ Mawu anyikɔkɔ nǝwó. Wóá dufiɔ có mavɔmǝ i sǝ́ŋyi mavɔmǝ. ⁶ Mawu eŋɛdótɔ́á lǝ nunyǝ bǝ ́ «ǝnyɔláwó nyí ǝnyɔŋtáŋtá kidǝ́ ǝnyɔdodó. Axótɔ́, gbɔngbɔnwo Mawu ǝnyɔnúdɛ́tɔ́ dɔ́ yǝ Mawu eŋɛdótó díɖá bǝ́ nává disá ǝnúkǝ kavájɔ lǝ madiŋdiŋ mǝa nǝ́ yǝ dɔcɔ́víwó» ⁷ Kpɔ́, ŋgbɔnɔ ! wóáyrá amǝkǝ ádotó ǝnyɔ kǝlǝ nyí nyonudɛ́ lǝ wǝma ilamǝa» ⁸ Ǝnyǝ Yohana i nyiă amǝkǝ sǝ ǝnyɔ i kpɔ ǝnu ilawóa. Kǝ ŋdoto íkpɔ́wo á, ŋdǝtagu dǝ Mawu ǝŋɛdotɔ́wó fɔ gbɔ́ bǝ́ ma subɔ́wó Mwau eŋɛdótɔ kǝ disa ǝnuláwó ŋǝá. ⁹ ǝnuŋbǝ́: «kawɔnǝ́o ! ŋnyi dɔcɔ́viwò kidǝ́ nɔví kǝwó nyí nyɔnudɛtɔ́wó kidǝ amǝkǝwó lǝ womala mǝnyɔwó mǝ dɛasia wóxɔrɔwó domǝtɔ́ dǝká yi ŋnyí. Dǝtagu nǝ Mawu dǝdǝ ǝsu» ¹⁰ Ǝnuŋgbǝ́: «nyǝŋka trǝ-ǝnu dǝ nyɔnunudɛáwó nyɔ ŋú lǝ womalamǝo ǝnukǝdɔa gamǝa lǝ tǝbɔ. ¹¹ Amǝ kǝnyi amǝ mawɔ ǝnudodowó a wó na kpɔtɔ ilǝ ǝnúdodómawɔ mawɔ a ji. Amǝkǝ lǝ wɔnu xoɖìxoɖiá ná nɔjí lǝ yǝɖixoxo a mǝ. Amǝkǝ lǝ wɔnudodo á nayiji ilǝwɔ ǝnudodó amǝ lǝ kɔkɔɛ a nayiji ilǝ kɔkoɛa ɖɛ» ¹² «Kpɔ́ ŋgbɔnɔ lǝ madiŋdin mǝ. tíin tohoɖóɖó nǝ́ amǝwó lǝ asínyǝ gbɔnɔ bǝ́ mà vá dó ǝtohó nǝ́ amǝsiamǝ lǝ yǝdɔ́ kǝ iwɔa nu. ¹³ ǝnyǝyi nyí Alfa kidǝ Omǝga, Gɔmǝjǝjǝ kidǝ vɔxoa. ¹⁴ Wóáyrá amǝkǝwó nya wówuwó bǝ wóátǝ́ŋ dǝmɔ́ nɛɛn bǝ́ nádú agbǝtíá i dó ǝduamǝ to yehɔnwó mǝ. ¹⁵ Amǝkǝwó aci xixǝ́núawó i lǝnyí avuwó ǝfánkatɔ́wó, matǝlǝtɔ́wó, amǝwutɔ́wó, vodú-subɔ́tɔ́wó kidǝ́ amǝkǝ rɔn nǝ íxonǝvìwó. ¹⁶ Ǝnyǝ yesu ŋdɔ tíin Mawu eŋɛdótɔ́ dídá bǝ́ nává nyí ǝnukpɔ́toxótɔ́ kǝlǝ kídǝ Mawu ǝhamǝ ŋnyí Davi yǝkǝ kiɖǝ yǝ jíjímǝ, ǝŋkǝ wruetíví kǝlǝ dazoa. ¹⁷ Gbɔgbɔa kídǝ́ àcúá lǝ bǝ́ «Va !» i amǝkǝlǝ sǝa ná núbǝ́ «Va !» Amǝdǝsiadǝ kǝ ǝcikɔlǝtin ná vá amǝsiamǝ kǝ ilǝ jroa ń vá nucia afǝtɔ faaa. ¹⁸ Nnyí ǝnutoxókpɔ́ na amǝdǝsiadǝ kǝ a sǝ ǝnyɔnúdɛ́ kǝlǝ womala mǝa: «nǝ́ amǝdǝ́ cɔ́ ǝnúdǝ isǝ́ŋkpǝa, Mawu ácɔ ǝfumɔamǝ kǝ wóŋrɔ dǝ wómala mǝa isǝŋ kpǝnɛ́ɛ. ¹⁹ Nǝ́ amǝɖǝ́ dǝ ǝŋdǝ́ lǝ ǝnyɔnúɖɛ́ wómálá mǝa, Mawu aɖǝ yǝtɔ gomǝ lǝ agbǝtia mǝ, kidǝ́ ǝdukɔkɔɛa kǝwo wóŋrɔ dǝ́ wǝmala mǝa. ²⁰ Amǝkǝ do ǝnuláwó kpɔ́a lǝ núbǝ́ «Ɛɛn matrɔ́vá lǝ madi» Ácɛ vá Axotɔ Yesu ! ²¹ Míáxótɔ Yesu ǝmǝnuvǝ́vǝ́ nánɔ kidǝ́ miawó sééé ! Ácɛ.