ATCHAMADO_BEN-aug_rev_text

Ǝta 20

¹ Səŋyijiá ŋkpɔ́ Mawu-eŋɛdótɔ́ ɖəka lə ɖicó jiŋkorí i àgàdoganŋgan cáví ləsi kiɖə gakan kənóyɔ́nə́ bə́ kɔ̀sɔ̀kɔ̀sɔ́ ganŋgan dəka lə yə́lɔmə dɛ́. ² Ələ vɔdribà, ədanxóxó kəwóyɔ́nə́ futɔ́ kíɖə́ Satanà ə́lə́ətu nə əxo bràtón. ³ Əcɔɛ isɛŋdanŋkpui də agadoganŋgan mə i tui ígrɛ itú ənu dənu gbɔ o, kiɖə súsu bə ŋkagbə brə dukɔ́wó o. Kəkə va na əxo braton náváyi gbɔxo lə ìnaŋgbəa əjə bə woatui dɛ nə gamə hɔdəka. ⁴ Í seyijía ŋkpɔ əfiɔduxówó aməkəkarɛn də wojia, wo yi wó ná ŋusə bə wó ná dókojó ŋkpɔ aməkəwó wó cotanə́wó lə Yesu-əɖasedidi kiɖə Mawu-enyɔta wo kpɔrí wóŋsúbɔ́ əran aló yə rəgba o, i wógbə́ də̀sì xɔxɔ də wóŋgónu alo wó lɔta. Wótrɔ́gbɔagbə í dufiɔ kidə́ Kristo əxo bràtón. ⁵ Aməkuku kpɔtíawó ŋka fɔn o kə́kə́ vá dasinə́ əxo bràtón náváyí kə́ŋgbɔxó. Yəyi lənyí cítrəcíci kə́lə́kə́lə́tɔ. ⁶ Yrayrátɔ́ kiɖə́ kɔkɔɛtɔ́ yi lə nyí aməkə akpɔ gomə lə citrə cicí kə́lə́kə́lə́ tɔa mə, əkú əvəatɔ́ ŋgbə kpɔ́ ŋúsin də́wóji o wóanyí Mawu-evɔsátɔ́ kíɖə́ Kristo tɔ́ i woá du fiɔ kiɖə nə́ əxo bràtɔ́n. ⁷ Lə əxo bràtán, vɔvɔməa wɔ́á də Sátana do ləgakpámə. ⁸ Adova ívá brə dukɔwó lə anyigban zògo, bə wóábɔ aməwó nə́ àhúá wɔwɔ. Wóá sugbɔ sigbə axutakɔ́ ənə́. ⁹ Woa ria anyigba əgbajaxóá yikɔ i vɛ xoxrá aməkɔkɔɛwó gbadɔ́ toxórɔnrɔn a. Vɔa əzo aɖicó jiŋkorí ávábíwó. ¹⁰ Futɔ kə brəwóá wóácɔ́ɛ də ə̀zoà mə kiɖə ekpɔ́zoamə fi wócɔ́ əran kiɖə vixonyɔnúdɛ́ tɔ́á danŋkpui dóá. Wóá səvəvə́ əzan kidə ŋkəkə kəkə səŋyi mavɔ mavɔ mə. ¹¹ Iseyijíá ŋkpɔ́ əfiɔduxo-ə̀yə̀ dəka i ŋkpɔ aməkə kanrɛn dəji dɛ́á. Anyigba kiɖə əji siyi diŋdin toxo lə yəŋkumə vɔa toxó də kɛn ŋlə wósí nə́ wóá yí o. ¹² Ŋkpɔ́ aməkúkúwó aməgánwó kidə ɖǝǝviwó jətə də əfiɔzikpia ŋkɔ, i wóhun wémà bú kələ nyí agbəwoma woɖo kojó nə́ amə kúkúwó kiɖə́ ənukə wó ŋrɔdə́ wómá məa kiɖə agbəkə wónɔ vayia. ¹³ Axu də yəmə kúkúwó dida əkú kidə əkú-əxo ca cɔ wo mə kúkú kəlẹ wógbɔ́a i sə́ŋ ná wóɖó kojó nə aməkúkúwó lə ənukəwó wɔ váyíwó mə. ¹⁴ Əkú kidə əkuxo wocɔwo iseŋ danŋkpui də́ əzo kpóámə i la yí lə nyi əku əvəatɔ əzokpóamə. ¹⁵ Aməɖəsiadə kə wóŋkpɔ yəŋkɔ lə agbəwoma məa woacɔɛ i seŋ danŋkpui də ə́zòà mə.