ATCHAMADO_BEN-aug_rev_text

Eta 19

¹ Lǝ inawoŋgbǝa ŋlǝ sǝ ǝnuɖǝna ǝgbǝɖiɖɖi sigbǝ amǝsɔgbɔganŋgan o nu bé << Alleluia xɔxɔ kpinkpinmǝ kiɖǝ an jiwo ŋúsin lǝ nyi miá Mawutɔ. ² Yǝ kojóɖóɖó nyi adodo ŋtáŋtá ǝɍnukǝdɔ̀á ǝdòkojo nǝ̀ nyɔ̀run mateletɔ̀ ganŋgan xoɖu xixéa kiɖǝ̀ yǝ dɔndɔn majǝ majǝ o. Ebiɔhrɔn nǝ yǝ dɔcɔviwò hu kǝ yǝŋta dɔkɔnŋgiá>> ³ Egbǝ xonu zǝvǝatɔ << Azuzɔ alǝ sɔ cò ǝji isǝ̀ji mavɔamavɔ mǝ>> ⁴ Amǝcici ǝwui-vɔ-ǝnǝ a woa kiɖǝ ǝnu agbǝagbǝ amǝnǝawo . ⁵ I ǝgbǝ dǝ ka do có ǝfiɔduxó ilǝ nú bǝ << mì káfú miá Mawu miawó sééé kǝ nyi yǝ dɔ cɔ̀víá wó kǝ vɔ̀nnǝ̀ nɛa có Amǝciciwó ji kǝ̀kǝ̀ va dǝviwójí>> ⁶ Ise yijiá ŋsǝ ǝgbǝ dǝká kǝlǝ sigbǝ amǝ sugbɔ wó ǝgbǝ ǝnǝ̀ sigbǝ ǝtɔhuí ganŋganwó gbǝ ǝnǝ sigbǝ ǝcikǝzo gángán ǝgbǝdidi ǝnǝ lǝ núbǝ̀ << Alleluia ! ǝnukǝdɔa Axótɔ̀ à lǝ dù fiɔ Mawu kǝ lǝ dufiɔ dǝ ǝnúwó sééé ji. ⁷ Mìkpɔjijɔ nǝ ayǝ̀nà tɛ́mì mì cɔ kpǝ̀kpǝ̀mǝ nɛ́ɛ ǝnùkǝdɔa Mawu ǝrigbɔ̀via nyɔrun dǝdǝǝ̀ ŋkǝkǝa váɖó i àsia jra dǝkiadó dɛ́ vɔ̀. ⁸ Wo ɖǝ mɔ nɛɛ bǝ nàdò awu yepǝŋpǝŋ kǝlǝ duzó i kɔ nyɔŋgbla. (ǝnukǝdɔa avɔyǝtitia lǝ nyi yǝ mǝ kɔkɔwo-dɔ kǝwowɔawo) ⁹ Mawu eŋɛdótɔ̀ lǝ núnɛ bǝ. << ŋrɔ ǝnyɔlá ɖɛ ǝta nyuitɔwo inyi amǝkǝ wokpǝ va Aringbɔvia nyɔrun dǝxo ǝzan mǝ>> Egbǝ nuŋǝ bǝ: << iláwó lǝ nyi Mawu ǝnyɔ dódówó>>. ¹⁰ Ŋjǝkoro dǝ yǝkɔmǝ bǝ masubɔɛ vɔa ǝnu bǝ:<< kawɔnǝ gbǝɖǝ o! ŋnyi nɔviwo domǝtɔ dǝ ka kiɖǝ hadɔwɔtɔ kǝ lǝ yesu ǝdasedidi mǝ dǝ asi ɖɛa i ŋnyi subɔ Mawu ǝnukǝdɔa yesu dasedíɖí i lǝ nyi ǝnyɔnunuɖɛ gbɔngbɔn.>> ¹¹ Igbǝseyijía ŋkpɔ jiŋkori hudɛ i ŋkpɔ ǝsɔyǝ̀ amǝ via ji dɛ woyɔnɛ bǝ nudodo wɔtɔ kiɖǝ amǝ dodó to yǝ nu to ho wɔwɔ mǝ i iseŋwɔnǝ ahua . ¹² Yǝŋkuviwó lǝ sigbǝ ǝzo ǝdanwɔ ǝnǝ i yǝ ta jia ǝfiɔkúkú sugbɔwo lǝ yǝ ta ɖɛ. wó ŋrɔŋrɔ ɖǝka dǝ ji kǝ amǝ dǝ hin ŋsǝ yǝgǝmǝ o nǝgbǝ. yǝŋta dǝdǝ yi sǝ yǝgɔmǝ. ¹³ Ǝdo awú gblɛlɛ ɖǝka kǝ woseŋǝ xoɖǝ ǝhumǝ kǝ yeŋkɔtɔ Mawu ǝnyɔ. ¹⁴ I Ahua sɔjawo kǝwo lǝ ji ŋkovia lǝkprɔɛdó kiɖǝ ǝsɔyǝwó yi de awuyǝtiti ikɔ. ¹⁵ Ǝwui ǝhu dada toxovǝ do co yǝ numǝ kǝ asǝ mudubɔdǝǝduŋ uwo i adufiɔ dǝ wo ji kiɖǝ gatikprɔ. I afannya wannyi ǝcincina lǝ Mawu ŋusinwo sééétɔ ǝdonwɔwɔ mǝ ɖǝ wan nyi ǝgban mǝ. ¹⁶ Woŋrɔdǝ ye wu kǝ idodɛa kiɖǝ yǝ eta ji bǝ << ǝfiɔwoji ǝfiɔ kiɖǝ Àxòtɔ̀ wó jí Axótɔ̀ >> ¹⁷ Ŋkpɔ Mawu ǝŋɛdótɔ̀ dǝ́ká inɔtǝ dǝ̀ yidɔn mǝ dɛ́ i lǝ dóáxá sinsin nǝ xǝvi kǝwò lǝ zoo lǝ jiŋ koria << mivá mibɔ̀ dǝ̀ toxò dǝhà nǝ̀ mí á du Mawu ǝzan ganŋgan . ¹⁸ Mivà du ǝfiɔwo-ran kidǝ Ahuà ŋkɔ nɔtɔ́wò ran kiɖǝ amǝsinŋuwǝ-ran kiɖǝ ǝsɔwò-ran kiɖǝ amǝ kǝ riá ǝjiawó ran kiɖǝ amǝndǝkiasíwó vi amǝxǝxrǝ wo eran dǝviwó́ kiɖǝ amǝciciwo séé>>. ¹⁹ Ŋkpɔ ǝran kiɖǝ anyigbajrǝfiɔwio kiɖǝ wó sɔ̀jawó wo vɛ bɔdɛ bǝ yǝwó áwɔ ahua kiɖǝ amǝkǝ kanrɛn dǝ̀ ǝsɔjiɖɛ́á. kiɖǝ yǝ sɔ̀jawó. ²⁰ Wo lǝ ǝran kiɖǝ vixonyɔnuɖɛtɔ kǝ wɔ dǝsiwó lǝ yǝŋkúvímǝa. ǝcɔ dǝsiawo iséŋ brǝ amǝkǝwó xɔ ǝran jǝsia yi subɔ yǝ rǝgba wo cɔ woa mǝvǝa i sǝŋ danŋkpui dǝ zòtánkù kǝ lǝ bi kiɖǝ adaán mǝ. ²¹ Wo wu amǝkpɔtiá kiɖǝ ǝwui kǝlǝ amǝkǝ karɛn dǝ ǝsɔa jia simǝ a. xǝvíwo sééé du wó ran.