¹ Jèsì gànŋgán də́ká do ɖə́ jìŋkorí: nyɔ́run déká cɔ́ nyidɔn í séŋdódɛ́ yi wretí lə yé fɔgɔmə ɖɛ́; í fiɔkúkú kə wretíví wívə̀ lə ŋuá lə̀ ta nɛ́ɛ. ² Ə́fɔ́ ə́fú váyí í dó-ə̀vijiji-ə́vəvə́-səsə əxá. ³ Yí jə̀sì bu gbə do də́ jíŋkorí zə̀də̀ká əran ɖə́ká lə sigbə ə̀dàn kə wóyɔ́nə́ bə́ ə̀hɔ̀n-à ənə́ yí wóyɔ́nɛ́ bə́ vɔ̀dribà í ìlə jɛ̀ɛ̀ɛ̀n íɖó-ə̀ta ámadrə́ íɖó ə̀zò áməwó, í ə̀fiɔkúkú ámadrə́ lə xə́ tawó jí. ⁴ Ə́cɔ́ yə́ sigbə́ ìséŋlɔ́ wrətívíwó màmà tohó ámə̀tɔn ékpá də́ká kɔ̀nŋ̀gbi vá anyígbá jí: í ə̀dàn kə wólə yɔ́ bə́ vɔ̀drìbà va nɔ̀tə dé nyɔ́rú kə́ kàjìvìá kídé sùsú bə́ yeá vúvú dèviá zèɖèká nə́ əjìvìá. ⁵ Ə́jìvìá də̀vìá nyí ŋúcuví, kə àkprɔ dùkɔ́wó kiɖé gàtíkprɔ, wó cɔ́ də̀vìá í séŋ́yi Mawugbɔ́ kídé yé fiɔzikpingbɔ́. ⁶ Í nyɔ́rua sí yi zògbə̀ji fi Mawu jradódɛ́ nɛ́ɛan, gàna mədóá átéŋ kpɔ́ ə̀ta kəkə nə́ ŋkəŋkə sákidə́ká alɔfán ámə̀və̀ kidə́ kakitakpo. ⁷ Í àhùàjɔ lə jìŋkorí. Mawu éŋɛdótɔ́ kə wóyɔ́nə́ bə́ Micɛlì kídé yə Mawu-ə́ŋɛdótɔ́wó wɔ àhùà kídé ə̀dàn kə wó lə yɔ́bə́ vɔ̀drìbà à, í vɔ̀drìbà kídé yé dekprɔvíwó cá wɔ àhùà kídé wó. ⁸ Vɔ̀a vɔ̀drìbà ŋ́tə́ sɛ́ɛnŋún ákpə́ àhùàji ò. Yé yí dɔ́ yí tohó ŋ́gbələ yé kíɖé yé dekprɔviwó si lə jìŋkorí ò. ⁹ Vɔ̀drìbà ganŋgán, kə nyí ə̀dán xóxó kənyí futɔ́ í wógbə yɔ́nɛn bə́ Sátànà aməkə lə brə̀xíxə́á séééé á wocɔ yə́ kiɖə́ yə́ dəkprɔvíwó sə́ danŋkpíin də́ anyígbájí. ¹⁰ Í ŋsə ə̀gbə̀ganŋgán də́ká lə jíŋkorí: "xótɔn yí xɔ̀namə ŋúsɛ́n kídə́ fiɔduxó kələ nyí míán Mawutɔa vá dó, í nɛnɛ́nkə́ yí yə Kristò yə́ cɛkpakpa cá vá vá nə́ ənúkədɔ́á aməkə cɔ́ nɛ́n ənyɔ də́nɛ́n míán nɔnvíwó ŋua wó nyɛ́ɛn, amɛn kə cɔ́ nɛn nyɔn də́ wóŋ ún ə̀zan kíɖə́ ŋkəkəa lə míán Mawu yə́ ŋkúvímən an. ¹¹ Wó ɖuwójí tó Anɛ́ngbɔ́víá yə́ humɛn kídə́ wó kúnuɖəɖəwó, í wóŋrɔn wógbə kə́kə́ sə́yi ə̀kúmɛn ò. ¹² Yə í dɔ́ í ayə nan lə tɛ mí, sééé kə lə jìŋkoríá. Vɔ̀à bàbá nɛn anyígbá kídə́ àxu ənúkədɔ́á futɔ́á ɖí vá míágbɔ́ ə̀ lə bíjì súgbɔ ənúkədɔ́á gàmɛ̀n ŋgbə lɛ o. ¹³ Kə vɔ̀drìbà và kpɔ́ bə́ wó nyan yə vá anyígbájíá ə̀tɔ nyɔ́ru kə jí vi ŋúcúvi nyányá. ¹⁴ Vɔ̀à wócɔ́ bràzìn yə bɔ́ gánŋgán ámə̀və̀ í sə̀na nyɔ́rua bə́ náà tə́ŋú zɔnyi zògbə̀ji fi wó jra dó ɖɛ́ nɛ́ɛn lələ fi wóá kpɔ́ ə́ji lə nɛ́n gaxoxo də̀ká kídə́ gáxòxòwo kídə gàxoxo mámámɛn lələfí ə̀dàn vɔ̀drìbà ŋkátə́ŋ ava ó. ¹⁵ Vɔ̀dríbà tú ci có yə́numɛn sigbə ə̀tɔ́ ənɛ́n ə́wɔɛ kíɖə́ àdaŋùn bə́ ə̀ci dɔ́dɔ́ nává lə́əyi. ¹⁶ Vɔ̀à anyígbán vá xɔ nə́ nyɔ́ruan, anyígbán kə yə́nu í nu ə̀ci kə ə̀ɖàn vɔ̀drìbàtú kɔ́dɛ́á. ¹⁷ Í ə̀dàn vɔ̀drìbà jàdan də́ nyɔ́ruan í yi bə́ yeá vɛ wɔ àhùà kìɖə́ yə́ jijimɛn kpɔtíáwó, aməkəwó ɖóòtó Mawu yə səá wó á í lə Yéesù yə́ ɖasédidimɛn də́ àsí ɖɛ́. ¹⁸ Í vɔ̀drìbà vɛ jə̀tə dẹ áxu tó.